ലബനന്‍ തലസ്ഥനമായ ബെയ്‌റൂത്തില്‍ ഉഗ്രസ്‌ഫോടനങ്ങള്‍ നടത്തി ഇസ്രയേല്‍ സൈന്യം. ഇതുവരെ നടത്തിയതില്‍ ഏറ്റവും ശക്തമായ ആക്രമണം ആണ് ലബനന്‍ തലസ്ഥാനത്ത് ഇസ്രയേല്‍ സൈന്യം നടത്തിയത് എന്നാണ് റിപ്പോര്‍ട്ട്. വടക്കന്‍ ഇസ്രയേലിലേക്ക് ഹിസ്ബുള്ളയും റോക്കറ്റാക്രമണം നടത്തി.ബെയ്‌റൂത്തിന്റെ തെക്കന്‍ ഭാഗങ്ങളില്‍ ആണ് ഇസ്രയേല്‍ സൈന്യം അതിരൂക്ഷമായി സ്‌ഫോടനങ്ങള്‍ നടത്തിയത്. ഹിസ്ബുള്ളയുടെ ശക്തികേന്ദ്രമായി ഇവിടെ നിരവധി ഉഗ്രസ്‌ഫോടനങ്ങള്‍ നടന്നുവെന്നാണ് രാജ്യാന്തരമാധ്യമങ്ങള്‍ റിപ്പോര്‍ട്ട് ചെയ്യുന്നത്. ഒരു പെട്രോള്‍ സ്‌റ്റേഷനും ആക്രമിക്കപ്പെട്ടും എനാനണ് റിപ്പോര്‍ട്ട്. ഹിസ്ബുള്ള കേന്ദ്രങ്ങളും ആയുധസംഭരണശാലകളും ലക്ഷ്യമിട്ടാണ് തെക്കന്‍ ബെയ്‌റൂത്തില്‍ ആക്രമണം നടത്തിയതെന്ന് ഇസ്രയേല്‍ സൈന്യം അറിയിച്ചു.
തെക്കന്‍ ലെബനനില്‍ ഇസ്രയേല്‍ സൈന്യം കരയുദ്ധവും തുടരുകയാണ്. ഇന്നലെ മാത്രം തെക്കന്‍ ലെബനനില്‍ 440 ഹിസ്ബുള്ള പോരാളികളെ വധിച്ചെന്ന് ഇസ്രയേല്‍ സൈന്യം അറിയിച്ചു. പൊതുജനങ്ങളെ ഒഴിപ്പിച്ചതിന് ശേഷമാണ് യുദ്ധം നടത്തുന്നതെന്ന് ഇസ്രയേല്‍ സൈന്യം അവകാശപ്പെടുന്നുണ്ടെങ്കിലും നൂറുകണക്കിന് സാധാരണജനങ്ങള്‍ക്കാണ് ജീവന്‍ നഷ്ടമാകുന്നതെന്ന് ലബനന്‍ ആരോഗ്യമന്ത്രാലയം വ്യക്തമാക്കി.
കൊല്ലപ്പെട്ട ഹസ്സന്‍ നസ്രല്ലയ്ക്ക് പകരം ഹിസ്ബുള്ളയുടെ തലപ്പത്തേക്ക് എത്തുമെന്ന് കരുതപ്പെടുന്ന ഹാഷിം സഫീദ്ദിയുദിനേയും ഇസ്രയേല്‍ വധിച്ചെന്ന റിപ്പോര്‍ട്ടുകള്‍ പുറത്ത് വരുന്നുണ്ട്. വെള്ളിയാഴ്ച രാത്രി ബെയ്‌റൂത്തില്‍ നടന്ന വ്യോമാക്രമണത്തില്‍ ഹാഷിം സഫീയുദ്ദീനും കൊല്ലപ്പെട്ടാണ് റിപ്പോര്‍ട്ട്. ഹിസ്ബുള്ള നേതൃത്വത്തിന് ഹാഷിം സഫീയുദ്ദിനൂമായുള്ള ആശയവിനിമയം വെള്ളിയാഴ്ചയ്ക്ക് ശേഷം സാധ്യമായിട്ടില്ലെന്നാണ് ലബനന്‍ സുരക്ഷാ ഏജന്‍സികള്‍ പറയുന്നത്.
