സംസ്ഥാനങ്ങള്ക്കുള്ള നികുതി വിഹിതം വെട്ടിക്കുറയ്ക്കാന് പ്രധാനമന്ത്രി നരേന്ദ്രമോദി രഹസ്യമായി ഇടപെട്ടുവെന്ന് നീതി ആയോഗ് സിഇഒ. നരേന്ദ്രമോദി നേരിട്ട് ധനകാര്യ കമ്മീഷനില് സമ്മര്ദ്ദം ചെലുത്തി. പ്രധാനമന്ത്രിയുടെ ഓഫീസില് ജോയിന്റ് സെക്രട്ടറിയായിരിക്കെയാണ് ഇതിന് ചുക്കാന് പിടിച്ചതെന്നും ബിവിആര് സുബ്രഹ്മണ്യന് പറഞ്ഞു. ഫിനാന്സിങ് റിപ്പോര്ട്ടിങ് ഇന് ഇന്ത്യ എന്ന സെമിനാറിലാണ് ബിവിആര് സുബ്രഹ്മണ്യത്തിന്റെ വെളിപ്പെടുത്തല്.
2014ല് അധികാരത്തിലെത്തിയതിന് പിന്നാലെയാണ് നരേന്ദ്ര മോദിയുടെ ഇടപെടല്. നികുതി വിഹിതത്തില് സ്വതന്ത്ര തീരുമാനം എടുക്കാനുള്ള അധികാരം ധനകാര്യ കമ്മിഷനുണ്ട്. എന്നാല് ഇത് മറികടന്ന് പ്രധാനമന്ത്രി ഇടപെട്ടു. 42 ശതമാനം കേന്ദ്ര നികുതി വിഹിതം നല്കണമെന്നായിരുന്നു ധനകാര്യ കമ്മിഷന്റെ ശുപാര്ശ. ഇത് 33 ശതമാനമായി വെട്ടി കുറച്ചുവെന്ന് ബിവിആര് സുബ്രഹ്മണ്യന് വ്യക്തമാക്കി.
പ്രധാനമന്ത്രിയുടെ ഓഫീസിലെ ജോയിന്റ് സെക്രട്ടറി ആയിരിക്കെ താന് ഇതിന് ഇടനിലക്കാരനായി. ധനകാര്യ കമ്മിഷന്റെ നികുതി വിഹിതം സംബന്ധിച്ച ശുപാര്ശകളെ സ്വാഗതം ചെയ്യുന്നുവെന്നായിരുന്നു മോദി പാര്ലമെന്റില് പറഞ്ഞത്. എന്നാല് സത്യത്തെ മറച്ചുപിടിക്കാനുള്ള ആവരണങ്ങളാക്കി ബജറ്റിനെ മാറ്റി. ക്ഷേമ പദ്ധതികള്ക്കുള്ള പണവും കേന്ദ്ര സര്ക്കാര് ആദ്യ ബജറ്റില്ത്തന്നെ വെട്ടിക്കുറച്ചു എന്നും അദ്ദേഹം പറഞ്ഞു. നികുതി വിഹിതം വെട്ടിക്കുറച്ചതില് കേരളം ഉള്പ്പടെയുള്ള സംസ്ഥാനങ്ങള് കെന്ദ്രതിനെത്തിരെ ആരോപണം ഉന്നയിച്ചിരുന്നു. ഇതിന് പിന്നാലെയാണ് ബിവിആര് സുബ്രഹ്മണ്യത്തിന്റെ വെളിപ്പെടുത്തല്. അധികാര കേന്ദ്രീകരണവും സമ്പൂര്ണ്ണ നിയന്ത്രണവുമാണ് സംഭവിക്കുന്നതെന്ന് കോൺഗ്രസ്സ് ആരോപിച്ചു. ഇത് ഇന്ത്യയുടെ ഫെഡറലിസത്തെ തകര്ക്കാനുള്ള ശ്രമമാണെന്നും കോണ്ഗ്രസ് വക്താവ് ജയറാം രമേശ് പ്രതികരിച്ചു.
