ദുബൈയില്‍ ഇരുപത് മിനിറ്റിനുള്ളില്‍ ഉണ്ടായത് 50 അപകടങ്ങള്‍. രാവിലെ തിരക്കേറിയ സമയത്താണ് വിവിധയിടങ്ങളിലായി അപകടമുണ്ടായത്. വാഹനാപകടത്തിന്റെ വിവിരങ്ങള്‍ ദുബൈ പൊലീസ് എക്‌സിലൂടെ പങ്കുവെച്ചു.ദുബൈയില്‍ രാവിലെ തിരക്കേറിയ സമയത്താണ് വിവിധയിടങ്ങളിലായി വാഹന അപകടങ്ങള്‍ ഉണ്ടായത്. ഇരുപത് മിനിറ്റിനുള്ളില്‍ അമ്പത് വാഹന അപകടങ്ങള്‍ ഉണ്ടായതായി ദുബൈ പൊലീസ് അറിയിച്ചു. ദുബൈ പൊലീസിന്റെ ആപ്ലിക്കേഷനില്‍ ലോക്കേഷന്‍ മാപ്പില്‍ അപകടങ്ങള്‍ നടന്ന സ്ഥലങ്ങള്‍ പര്‍പ്പിള്‍ നിറത്തില്‍ രേഖപ്പെടുത്തി. അപകടത്തെ തുടര്‍ന്ന് വിവിധിയിടങ്ങളില്‍ ഗഗതാഗ കുരുക്കും അനുഭവപ്പെട്ടു.

ഷെയ്ഖ് സായിദ് റോഡ്, ഹെസ്സ സ്ട്രീറ്റ്, ഇന്റര്‍നാഷണല്‍ സിറ്റി, ഷെയ്ഖ് മുഹമ്മദ് ബിന്‍ റാഷിദ് റോഡ്, എന്നിവിടങ്ങളിലാണ് അപകടങ്ങള്‍ ഉണ്ടായതായി പൊലീസ് അറിയിച്ചത്. ഗതഗതാ കുരക്ക് അനുഭവപ്പെട്ടതിനാല്‍ വാഹന യാത്രികര്‍ മറ്റ് പാതകള്‍ തിരഞ്ഞെടുക്കാന്‍ ദുബൈ പൊലീസ് അറിയിച്ചു.

യുഎഇയില്‍ ശൈത്യകാലം ശക്തിപ്പെട്ട സാഹചര്യത്തില്‍ ഫ്‌ളൂ വാക്‌സിന്‍ എടുക്കണം എന്ന നിര്‍ദ്ദേശവുമായി ദുബൈ ഹെല്‍ത്ത് അഥോറിട്ടി.കുട്ടികളും വയോധികരും അടക്കം ഏതാനും വിഭാഗങ്ങള്‍ക്കാണ് നിര്‍ദ്ദേശം.യുഎഇയില്‍ കഴിഞ്ഞ ഏതാനും ദിവസങ്ങളായി താപനിലയില്‍ കുറവ് രേഖപ്പെടുത്തുകയാണ്. ഈ സമയങ്ങളില്‍ ഇന്‍ഫ്‌ളുവന്‍സ എയും ബിയും ആണ് സാധാരണ പടരുന്നത്.

ഈ സാഹചര്യത്തില്‍ ആണ് സമൂഹത്തിലെ ചില വിഭാഗങ്ങള്‍ ഫ്‌ളുവാക്‌സിന്‍ എടുക്കുന്നത് ഉചിതമായിരിക്കും എന്ന് ദുബൈ ഹെല്‍ത്ത് അഥോറിട്ടി വ്യക്തമാക്കുന്നത്. ആരോഗ്യപ്രവര്‍ത്തകര്‍, ആറ് മാസത്തിനും അഞ്ച് വയസിനും ഇടയില്‍ പ്രായമുള്ള കുട്ടികള്‍, അറുപത്തിയഞ്ച് വയസിന് മുകളില്‍ പ്രായമുള്ളവര്‍,ഗര്‍ഭിണികള്‍,തീര്‍ത്ഥാടകര്‍ എന്നിവര്‍ ഫ്‌ളുവാക്‌സിന്‍ സ്വീകരിക്കണം എന്നാണ് ഡിഎച്ച്എയുടെ ശുപാര്‍ശ.

ഹൃദ്രോഗം, പ്രമേഹം, ആസ്ത അടക്കമുള്ള ശ്വാസകോശ രോഗങ്ങള്‍ ഉള്ളവര്‍,കരള്‍ രോഗമുള്ളവര്‍ തുടങ്ങിയവരും ഇന്‍ഫ്‌ളുവന്‍സയെ പ്രതിരോധിക്കുന്നതിന് വാക്‌സിന്‍ സ്വീകരിക്കണം എന്ന് ഡിഎച്ച്എ ആവശ്യപ്പെട്ടു. വാക്‌സിന്‍ നൂറ് ശതമാനം സംരക്ഷണം നല്‍കില്ലെങ്കിലും രോഗത്തിന്റെ ഗുരുതരാവസ്ഥ കുറയ്ക്കും എന്നും ഡിഎച്ച്എ വ്യക്തമാക്കി.

ദുബൈ ക്രിക്ക് ഹാര്‍ബറില്‍ ഒരു കിലോമീറ്റര്‍ ഉയരമുള്ള കെട്ടിടം നിര്‍മ്മിക്കാന്‍ പദ്ധതിയിട്ടത് അബദ്ധമായി പോയെന്ന് ഇമാര്‍ പ്രോപ്പര്‍ട്ടീസ് സ്ഥാപകന്‍ മുഹമ്മദ് അലാബര്‍. കീക്ക് ഹാര്‍ബറില്‍ നിര്‍മ്മിക്കുന്ന ടവറിന്റെ പുതിയ രൂപകല്‍പ്പന ഏതാനും മാസങ്ങള്‍ക്കുള്ളില്‍ പുറത്തുവിടുമെന്നും അലാബര്‍ പറഞ്ഞു. ദുബൈയില്‍ ഒരു ഡ്രൈവ് ത്രൂ മാള്‍ മാള്‍ നിര്‍മ്മിക്കുമെന്നും മുഹമ്മദ് അലാബര്‍ പറഞ്ഞു.ദുബൈ ക്രീക്കില്‍ ബുര്‍ജ് ഖലീഫയെക്കാള്‍ ഉയരമുള്ള കെട്ടിടം നിര്‍മ്മിക്കുന്നതിനായിരുന്നു ഇമാര്‍ പ്രോപ്പര്‍ട്ടീസിന്റെ പദ്ധതി.

2016-ല്‍ ക്രീക്ക് ടവറിന്റെ നിര്‍മ്മാണം ആരംഭിക്കുകയും ചെയ്തിരുന്നു. എന്നാല്‍ പിന്നീട് ആ പദ്ധതി ഉപേക്ഷിക്കുകയായിരുന്നു. എന്തുകൊണ്ടാണ് ബുര്‍ജ് ഖലീഫയെക്കാള്‍ ഉയരത്തില്‍ ക്രീക്ക് ടവര്‍ നിര്‍മ്മിക്കുന്നതിനുള്ള പദ്ധതി ഉപേക്ഷിച്ചതെന്ന് വിശദീകരിക്കുകയാണ് ഇമാര്‍ പ്രോപ്പര്‍ട്ടീസ് സ്ഥാപകന്‍ മുഹമ്മദ് അലാബര്‍. ആ തീരുമാനം തെറ്റാണെന്ന് മനസിലാക്കിയാണ് പിന്‍മാറ്റം. ക്രീക്ക് ടവറിന് അഭിമുഖമായി നിര്‍മ്മിക്കുന്ന അപ്പാര്‍ട്ടുമെന്റുകളില്‍ നിന്നും ലാഭം ഉണ്ടാക്കുന്നതിനായിരുന്നു പദ്ധതി. എന്നാല്‍ ചുറ്റും നിര്‍മ്മിക്കുന്ന കെട്ടിടങ്ങള്‍ക്ക് പരമാവധി അന്‍പത് നില മാത്രമാണ് ഉയരം. പിന്നെ എന്തിനാണ് ഒരു കിലോമീറ്റര്‍ ഉയരുള്ള ടവര്‍ നിര്‍മ്മിക്കുന്നതെന്ന് അലാബര്‍ ചോദിച്ചു. ക്രീക്ക് ടവറിന്റെ പുതിയ രൂപകല്‍പ്പനയ്ക്ക് അംഗീകാരം നല്‍കിക്കഴിഞ്ഞു. വൈകാതെ തന്നെ നിര്‍മ്മാണം ആരംഭക്കും. ബുര്‍ജ് ഖലീഫയെക്കാള്‍ ഉയരം കുറഞ്ഞ മനോഹരമായ ടവര്‍ ആയിരിക്കും നിര്‍മ്മിക്കുക. ബുര്‍ജ് ഖലീഫയുടെ ഒരു പെണ്‍പതിപ്പായിരിക്കും ക്രീക്കില്‍ നിര്‍മ്മിക്കുന്ന പുതിയ ടവര്‍.

ഇലക്ട്രിക് കാറുകളില്‍ ഉള്ളിലേക്ക് പ്രവേശിക്കാന്‍ കഴിയുന്ന പുതിയൊരു മാളും ക്രിക്ക് ഹാര്‍ഹറില്‍ നിര്‍മ്മിക്കും എന്നും മുഹമ്മദ് അലാബര്‍ പറഞ്ഞു. ഇമാറിന്റ അഞ്ച് ഹോട്ടലുകള്‍ 2018-ല്‍ വിറ്റത് വിവേകശൂന്യമായിപ്പോയെന്നും അലാബര്‍ പറഞ്ഞു. അഡ്രസ് ദുബൈ മാളും അഡ്രസ് ബൊലേവാര്‍ഡും അടക്കമുള്ള ഹോട്ടലുകള്‍ ആണ് ഇമാര്‍ 2018-ല്‍ അബുദബി നാഷണല്‍ ഹോട്ടല്‍സിന് വിറ്റത്.

ദുബൈ രാജ്യാന്തര വിമാനത്താവളത്തില്‍ കണ്ടുകിട്ടിയ ലഗേജുകള്‍ വില്‍പ്പനയ്ക്ക് എന്ന പേരില്‍ സമൂഹമാധ്യമങ്ങളില്‍ തട്ടിപ്പ്. ഉടമസ്ഥര്‍ ഇല്ലാത്ത ലഗേജുകള്‍ ചെറിയ വിലയ്ക്ക് ില്‍പ്പനയ്ക്ക് എന്ന പേരിലുള്ള തട്ടിപ്പുകളില്‍ വീഴരുതെന്ന് ദുബൈ രാജ്യാന്തര വിമാനത്താവള അധികൃതര്‍ മുന്നറിയിപ്പ് നല്‍കി.ദുബൈ രാജ്യാന്തര വിമാനത്താവളത്തിന്റെ പേരില്‍ സമൂഹമാധ്യങ്ങളില്‍ വ്യാജ പ്രൊഫൈലുകള്‍ രൂപപ്പെടുത്തിയാണ് പുതിയ തട്ടിപ്പ്.

യാത്രക്കാര്‍ മറന്നുവെച്ചതും വിമാനത്താവളത്തില്‍ നിന്നും കണ്ടുകിട്ടയതുമായ ലഗേജുകള്‍ വില്‍പ്പനയ്ക്ക് എന്നാണ് വ്യാജ പ്രൊഫൈലുകളില്‍ പരസ്യം നല്‍കിയിരിക്കുന്നത്. ആറ് മാസം കഴിഞ്ഞിട്ടും ഉടമസ്ഥര്‍ എത്താത്ത ലഗേജുകളാണ് ഇവ എന്നും വിമാനത്താവള വെയര്‍ഹൗസ് ക്ലിയറന്‍സിന്റെ ഭാഗമായിട്ടാണ് വില്‍പ്പന എന്നും ആണ് തട്ടിപ്പ് പ്രൊഫൈലുകള്‍ അവകാശപ്പെടുന്നത്. ലഗേജുകളുടെ ചിത്രങ്ങള്‍ അടക്കമാണ് പരസ്യം.

എട്ട് ദിര്‍ഹം മുതലാണ് ലഗേജിന് തട്ടിപ്പുകാര്‍ വിലയിട്ടിരിക്കുന്നത്. ഇത് വന്‍ തട്ടിപ്പാണെന്നും വ്യാജ പ്രൊഫൈലുകള്‍ക്ക് എതിരെ ജാഗ്രത പുലര്‍ത്തണം എന്നും ദുബൈ രാജ്യാന്തര വിമാനത്താവളം ആവശ്യപ്പെട്ടു. ഫെയ്‌സ് ബുക്കിലും ഇന്‍സ്റ്റാഗ്രിമിലും പരസ്യം നല്‍കി വെബ്‌സൈറ്റില്‍ എത്തി പണം അടയ്ക്കാന്‍ ആണ് തട്ടിപ്പുകാര്‍ ആവശ്യപ്പെടുന്നത്.
….

യുഎഇയുടെ സുസ്ഥിരതാ വര്‍ഷാചരണം 2024ലേക്ക് കൂടി നീട്ടി പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍. ഭാവി തലമുറയ്ക്കായി പരിസ്ഥിയെ സംരക്ഷിച്ച് കാത്തുസൂക്ഷിക്കണം എന്ന് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍ ആഹ്വാനം ചെയ്തു.യുഎഇ ദേശീയ പരിസ്ഥിതി ദിനത്തോട് അനുബന്ധിച്ചാണ് 2024ലേക്കുള്ള രാജ്യത്തിന്റെ പ്രമേയം പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍നഹ്യാന്‍ പ്രഖ്യാപിച്ചത്.

സുസ്ഥിരതാവര്‍ഷാചരണം 2024-ലും തുടരും എന്നാണ് ഷെയ്ഖ് മുഹമ്മദ് ബിന്‍ സായിദ് നഹ്യാന്റെ പ്രഖ്യാപനം. ഭാവിതലമുറകള്‍ക്കായി പരിസ്ഥിതി സംരക്ഷിക്കുന്നതിനുള്ള യുഎഇ പ്രതിബദ്ധതയുടെ ഭാഗമായിട്ടാണ് സുസ്ഥിരതാവര്‍ഷാചരണം 2024-ലും തുടരുന്നതെന്നും ഷെയ്ഖ് മുഹമ്മദ് ബിന്‍ സായിദ് പറഞ്ഞു. ദുബൈയില്‍ നടന്ന കോപ്പ്-28 കാലാവസ്ഥാ ഉച്ചകോടി നിര്‍ണ്ണായക തീരുമാനങ്ങളിലേക്കാണ് എത്തിയത്. കൂടുതല്‍ സുസ്ഥിരമായ ഭാവിക്കായി ആഗോള സമൂഹത്തിന് ഒപ്പം കൈകോര്‍ത്ത് നമുക്കും പ്രയത്‌നിക്കാം എന്നും ഷെയ്ഖ് മുഹമ്മദ് പറഞ്ഞു.

കഴിഞ്ഞ വര്‍ഷം ജനുവരി ഇരുപതിന് ആണ് യുഎഇ സുസ്ഥിരതാവര്‍ഷാചരണം പ്രഖ്യാപിച്ചത്. സുസ്ഥിരചാവര്‍ഷാചരണത്തിന്റെ ഭാഗമായി ലക്ഷ്യമിട്ടതൊക്കെയും കൈവരിച്ചതിന്റെ പശ്ചാത്തലത്തില്‍ ആണ് ഒരു വര്‍ഷം കൂടി അതെ പ്രമേയം തുടരുന്നത്.

യുഎഇയില്‍ കുറഞ്ഞ താപനില മൈനസ് ഡിഗ്രി സെല്‍ഷ്യസിന് അരികില്‍. ജബല്‍ ജയ്‌സില്‍ 3.4 ഡിഗ്രി സെല്‍ഷ്യസ് ആണ് ഇന്ന് കുറഞ്ഞ താപനില രേഖപ്പെടുത്തിയത്. വരും ദിവസങ്ങളിലും രാജ്യത്ത് ശക്തമായ കാറ്റ് അനുഭവപ്പെടും എന്നാണ് ദേശീയകാലാവസ്ഥാ കേന്ദ്രം അറിയിച്ചു.ഈ വാരാന്ത്യത്തില്‍ ആണ് യുഎഇ ഈ ശൈത്യകാലത്തിലെ ഏറ്റവും കടുത്ത തണുപ്പിലേക്ക് കടന്നത്. വെള്ളി ശനി ദിവസങ്ങളില്‍ രാജ്യത്ത് തണുപ്പ് ശക്തിപ്പെട്ടു. പകല്‍ സമയത്തുപോലും തണുപ്പ് അനുഭവപ്പെട്ടിരുന്നു.

ഈ ശൈത്യകാലത്തിലെ ഏറ്റവും കുറഞ്ഞ താപനിലയാണ് ഇന്ന് ജബല്‍ ജയിസില്‍ അനുഭവപ്പെട്ടത്. പുലര്‍ച്ചെ രണ്ടരയ്ക്കാണ് 3.4 ഡിഗ്രി സെല്‍ഷ്യസ് വരെ താപനില രേഖപ്പെടുത്തിയത്. ഇന്നലെ പുലര്‍ച്ചെ 4.2 ആയിരുന്നു ജബല്‍ ജയ്‌സിലെ താപനില. വാരാന്ത്യ അവധി ദിനത്തില്‍ തണുപ്പുകൂടി വര്‍ദ്ധിച്ചതോടെ ജബല്‍ജയിസും ഹത്തയും അടക്കമുള്ള പ്രദേങ്ങളില്‍ വിനോദസഞ്ചാരികളുടെ എണ്ണവും വര്‍ദ്ധിച്ചു. രാത്രി ക്യാമ്പിംഗിന് എത്തിയവരുടെ എണ്ണത്തിലും വന്‍ വര്‍ദ്ധനയാണ് പല കേന്ദ്രങ്ങളിലും ഇന്നലെ ദൃശ്യമായത്. തണുപ്പിന് ഒപ്പം കാറ്റിന്റെ വേഗതയ്ക്കും രാജ്യത്ത് ശക്തി കൂടിയിട്ടുണ്ട്.

വെള്ളി ശനി ദിവസങ്ങളില്‍ ശക്തമായ കാറ്റാണ് പലയിടങ്ങളിലും അനുഭവപ്പെട്ടത്. ചെവ്വാഴ്ച വരെ ശക്തമായ കാറ്റ് അനുഭവപ്പെട്ടേക്കാണ് ഇന്നാണ് കാലാകേന്ദ്രത്തിന്റെ റിപ്പോര്‍ട്ടില്‍ പറയുന്നത്.

ദുബൈ ഷെയ്ഖ് സായിദ് റോഡില്‍ നിന്നും ദുബൈ ഹാര്‍ബറിലേക്ക് പൂതിയ പാലം നിര്‍മ്മിക്കുന്നു.ഒന്നരക്കിലോമീറ്റര്‍ ദൂരത്തിലാണ്. പുതിയ പാലനിര്‍മ്മിക്കുന്നതിനായി കരാര്‍ ഒപ്പുവെച്ചെന്ന് ദുബൈ റോഡ്‌സ് ആന്റ് ട്രാന്‍സ്‌പോര്‍ട്ട് അഥോറിട്ടി അറിയിച്ചു.ഷെയ്ഖ് സായിദ് റോഡില്‍ നിന്നും ദുബൈ ഹാര്‍ബറിലേക്ക് കുറഞ്ഞസമയത്തിനുള്ളില്‍ നേരിട്ടെത്തുന്നതിന് ആണ് ആര്‍ടിഎ പുതിയ പാലം നിര്‍മ്മിക്കുന്നത്.

1500 മീറ്റര്‍ നീളത്തില്‍ പാലം നിര്‍മ്മിക്കുന്നതിന് ഷമാല്‍ ഹോള്‍ഡിംഗുമായി കരാര്‍ ഒപ്പുവെച്ചെന്ന് ദുബൈ ആര്‍ടിഎ അറിയിച്ചു. പാലത്തിന്റെ നിര്‍മ്മാണം പൂര്‍ത്തിയാകുന്നതോടെ ഷെയ്ഖ് സായിദ് റോഡില്‍ നിന്നും മൂന്ന് മിനുട്ടുകള്‍ കൊണ്ട് ഹാര്‍ബറില്‍ എത്താന്‍ കഴിയും എന്ന് ആര്‍ടിഎ അറിയിച്ചു. ഇരുവശത്തേക്കുമായി നാല് വരികള്‍ ആണ് പുതിയ പാലത്തില്‍ ഉള്ളത്. മണിക്കൂറില്‍ ആറായിരം വാഹനങ്ങള്‍ ഉള്‍ക്കൊള്ളുന്നതിന് ശേഷിയുള്ളതാണ് പാലം.

ഷെയ്ഖ് സായിദ് റോഡില്‍ അമേരിക്കന്‍ യൂണിവേഴ്‌സിറ്റിയില്‍ നിന്നാണ് ഹാര്‍ബറിലേക്ക് പാലം നിര്‍മ്മിക്കുന്നത്. അല്‍ നസീം സ്ട്രീറ്റ് ഇന്റര്‍സെക്ഷന്‍, അല്‍ഫലക്ക് സ്ട്രീറ്റ്, കിംഗ് സല്‍മാന്‍ ബിന്‍ അബ്ദുള്‍ അസീസ് അല്‍ സൗദ് സ്ട്രീറ്റ് എന്നിവിടങ്ങളിലൂടെയാണ് പാലം കടന്ന് പോകുന്നത്.