Monday, July 15, 2024
HomeMovieവിശ്രമത്തിന് വിരാമമിട്ട് പൃഥ്വിരാജ്; എംപുരാന്റെ സെറ്റ് സന്ദർശിക്കുന്ന വീഡിയോ

വിശ്രമത്തിന് വിരാമമിട്ട് പൃഥ്വിരാജ്; എംപുരാന്റെ സെറ്റ് സന്ദർശിക്കുന്ന വീഡിയോ

മലയാള സിനിമാ പ്രേമികൾ പ്രതീക്ഷയോടെ കാത്തിരിക്കുന്ന എംപുരാന്റെ സെറ്റ് സന്ദർശിച്ച് പൃഥ്വിരാജ് സുകുമാരൻ. ‘വിലായത്ത് ബുദ്ധ’യുടെ ചിത്രീകരണത്തിനിടെ കാലിന് പരിക്കേറ്റ പൃഥ്വിരാജ് വിശ്രമത്തിലായിരുന്നു. മലയാളത്തിലെ ആദ്യ 200 കോടി കളക്ഷന്‍ നേടിയ ലൂസിഫറിന്‍റെ രണ്ടാം ഭാഗമാണ് എമ്പുരാന്‍. വിശ്രമത്തിനു വിരാമമിട്ട് എംപുരാന്റെ പൃഥ്വിരാജ് സെറ്റ് സന്ദർശിക്കുന്ന വീഡിയോ വൈറലായിരിക്കുകയാണ്.

ഖുറേഷി അബ്രഹാമിന്റെ വരവിന് വേദിയൊരുക്കുന്ന സെറ്റ് സന്ദർശിക്കാൻ ആണ് പൃഥ്വിരാജ് എത്തിയതെന്നാണ് സൂചന. എമ്പുരാന് വേണ്ടി ഒരു ഹെലികോപ്റ്റർ കൃത്രിമമായി പണിയുന്നതായി നേരത്തേ റിപ്പോർട്ട് ഉണ്ടായിരുന്നു. ഹെലികോപ്റ്ററിന്റെ സെറ്റ് വർക്ക് നടക്കുന്ന സ്ഥലത്താണ് പൃഥ്വിരാജ് എത്തിയത് എന്നാണ് റിപ്പോർട്ട്.

സംഘട്ടന രംഗം ചിത്രീകരിക്കുന്നതിനിടയില്‍ കാൽ കുഴയ്ക്കാണ് പൃഥ്വിരാജിന് പരുക്കേറ്റത്. കാലിന് പരുക്കേറ്റ താരത്തെ ഉടൻ തന്നെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ച് ശസ്ത്രക്രിയക്ക് വിധേയമാക്കുകയായിരുന്നു. പിന്നീട് രണ്ട് മാസത്തെ വിശ്രമത്തിനു ശേഷം ഇതാദ്യമായാണ് വീണ്ടും ഒരു സിനിമാ സെറ്റിൽ എത്തുന്നത്.

ആശീര്‍വാദ് സിനിമാസാണ് എംപുരാൻ നിര്‍മിക്കുന്നത്. മുരളി ഗോപിയാണു കഥയും തിരക്കഥയും. ഉത്തരേന്ത്യയും തമിഴ്നാടും വിദേശരാജ്യങ്ങളുമാകും സിനിമയുടെ പ്രധാന ലൊക്കേഷനുകൾ. സുരേഷ് ബാലാജിയും ജോർജ് പയസ് തറയിലും ചേർന്നുള്ള വൈഡ് ആംഗിൾ ക്രിയേഷൻസാണ് ലൈൻ പ്രൊഡക്‌ഷൻ.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments