Sunday, February 25, 2024
HomeNewsGulfവന്‍ വിലക്കിഴിവ് : ദുബൈ സൂപ്പര്‍ സെയിലിന് തുടക്കം

വന്‍ വിലക്കിഴിവ് : ദുബൈ സൂപ്പര്‍ സെയിലിന് തുടക്കം

ദുബൈ സൂപ്പര്‍ സെയിലിന് തുടക്കം. മൂന്ന് ദിവസം നീണ്ട് നില്‍ക്കുന്ന സൂപ്പര്‍ സെയിലില്‍ തൊണ്ണൂറ് ശതമാനം വരെയാണ് വിലക്കിഴിവ് പ്രഖ്യാപിച്ചിരിക്കുന്നത്.
ഇന്ന് മുതല്‍ നവംബര്‍ ഇരുപത്തിയാറ് ഞായറാഴ്ച വരെയാണ് ദുബൈ സൂപ്പര്‍ സെയിലിന്റെ പുതിയ പതിപ്പ്. ദുബൈ ഫെസ്റ്റിവല്‍ ആന്റ് റീട്ടെയ്ല്‍ എസ്റ്റാബ്ലിഷ്‌മെന്റിന്റെ നേതൃത്വത്തില്‍ സംഘടിപ്പിക്കുന്ന വ്യാപാരോത്സവത്തില്‍ ദുബൈയിലെ രണ്ടായിരത്തിലധികം സ്ഥാപനങ്ങള്‍ പങ്കെടുക്കുന്നുണ്ട്.

അഞ്ചൂറിലധികം ബ്രാന്‍ഡുകള്‍ ഇത്തവണ സൂപ്പര്‍ സെയിലിന്റെ ഭാഗമായിട്ടുണ്ടെന്നാണ് പ്രഖ്യാപനം. എമിറേറ്റിലെ ഷോപ്പിംഗ് മാളുകളും വ്യാപാരകേന്ദ്രങ്ങളും എല്ലാം സൂപ്പര്‍ സെയിലില്‍ ഇത്തവണയും പങ്കെടുക്കുന്നുണ്ട്.വസ്ത്രങ്ങള്‍, പാദരക്ഷകള്‍, ഇലക്ട്രോണിക് ഉപകരണങ്ങള്‍, സുഗന്ധദ്രവ്യങ്ങള്‍ തുടങ്ങിയവ തൊണ്ണൂറ് ശതമാനം വരെ വിലക്കിഴിവില്‍ വാങ്ങുന്നതിനുള്ള അവസരം ആണ് സൂപ്പര്‍ സെയിലിലൂടെ ഒരുക്കിയിരിക്കുന്നത്. വിലക്കിഴിവിന് ഒപ്പം സമ്മാനങ്ങളും ഉപയോക്താക്കളെ കാത്തിരിക്കുന്നുണ്ട്.

ദുബൈ ഫെസ്റ്റിവല്‍ സിറ്റി മാളിലും ഫെസ്റ്റിവല്‍ പ്ലാസയിലും മുന്നൂറ് ദിര്‍ഹത്തിന് മുകളില്‍ ഷോപ്പിംഗ് നടത്തിയാല്‍ മുപ്പിനായിരം ദിര്‍ഹത്തിന്റെ റിവാര്‍ഡ് പോയിന്റുകളാണ് ഭാഗ്യശാലികളെ കാത്തിരിക്കുന്നത്. ഓരോ അരമണിക്കൂറിലും ഒരാള്‍ക്ക് വീതം റിവാഡ് പോയിന്റുകള്‍ ലഭിക്കും. സൂപ്പര്‍ സെയിലിനോട് അനുബന്ധിച്ച് നൂണ്‍ അടക്കമുള്ള ഓണ്‍ലൈന്‍ പ്ലാറ്റ്‌ഫോമുകളും വന്‍ വിലക്കിഴിന് പ്രഖ്യാപിച്ചിട്ടുണ്ട്. ദുബൈയില്‍ വര്‍ഷത്തില്‍ രണ്ട് തവണയാണ് സൂപ്പര്‍ സെയില്‍ നടക്കുക

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments