Tuesday, June 18, 2024
HomeSportsലോകകപ്പിലെ മികച്ച പ്രകടനം: അർജുന അവാർഡ് പട്ടികയിൽ മുഹമ്മദ് ഷമിയും

ലോകകപ്പിലെ മികച്ച പ്രകടനം: അർജുന അവാർഡ് പട്ടികയിൽ മുഹമ്മദ് ഷമിയും

അർജുന അവാർഡ് പട്ടികയിൽ ഇന്ത്യൻ പേസർ മുഹമ്മദ് ഷമിയെ ക്രിക്കറ്റ് ബോർഡ് (ബിസിസിഐ) ശുപാർശ ചെയ്തതു. ഏകദിന ലോകകപ്പിലെ തകർപ്പൻ പ്രകടനത്തിനെ തുടർന്നാണ് ഷമിയെ അവാർഡ് പട്ടികയിൽ ഉൾപ്പെടുത്തിയത്. പട്ടികയിൽ ഷമിയുടെ പേര് ഉൾപ്പെടുത്താൻ കായിക മന്ത്രാലയത്തോട് ബിസിസിഐ പ്രത്യേക അഭ്യർത്ഥന നടത്തിയിരുന്നു.

ഈ ലോകകപ്പിൽ ഏഴ് മത്സരങ്ങളിലായി 24 വിക്കറ്റുകളാണ് ഷമി വീഴ്ത്തിയത്. മൂന്ന് ലോകകപ്പിലായി 55 വിക്കറ്റുകൾ ഷമി നേടിയിട്ടുണ്ട്. ഒരു ലോകകപ്പ് പതിപ്പിൽ ഏറ്റവും കൂടുതൽ വിക്കറ്റ് നേടിയ ഇന്ത്യൻ താരമെന്ന റെക്കോർഡ് ഷമിയുടെ പേരിലാണ്. ഡിസംബർ 26ന് സെഞ്ചൂറിയനിൽ ആദ്യ ടെസ്റ്റ് ബോക്‌സിംഗ് ഡേ മത്സരം നടക്കും. തുടർന്ന് ജനുവരി 3 മുതൽ കേപ്ടൗണിൽ രണ്ടാം മത്സരവും നടക്കും. ദക്ഷിണാഫ്രിക്കയ്‌ക്കെതിരായ ഇന്ത്യയുടെ രണ്ട് മത്സരങ്ങളുടെ ടെസ്റ്റ് പരമ്പരയിൽ ഷമി ഇടംപിടിച്ചേക്കുമെന്നും സൂചനയുണ്ട്.

സുപ്രീം കോടതിയിൽ നിന്ന് വിരമിച്ച ജസ്റ്റിസ് എഎം ഖാൻവിൽക്കറാണ് സമിതിയുടെ അധ്യക്ഷൻ. അദ്ദേഹത്തെ കൂടാതെ ആറ് മുൻ അന്താരാഷ്ട്ര അത്‌ലറ്റുകളും സമിതിയിലുണ്ട്. ഹോക്കി താരം ധനരാജ് പിള്ള, മുൻ തുഴച്ചിൽ താരം കമലേഷ് മേത്ത, മുൻ ബോക്‌സറായ അഖിൽ കുമാർ, വനിതാ ഷൂട്ടറും നിലവിലെ ദേശീയ പരിശീലകയുമായ ഷുമ ഷിരൂർ, മുൻ ക്രിക്കറ്റ് താരം അഞ്ജും ചോപ്ര, ബാഡ്മിന്റൺ താരം തൃപ്‌തി മുർഗുണ്ടെ, പവർലിഫ്റ്റർ ഫർമാൻ പാഷ എന്നിവരും പാനലിലെ അംഗങ്ങളാണ്. മേജർ ധ്യാൻചന്ദ് ഖേൽരത്‌ന അവാർഡും അർജുന അവാർഡും ഉൾപ്പെടെ ഈ വർഷത്തെ കായിക അവാർഡുകൾ തീരുമാനിക്കാൻ മന്ത്രാലയം 12 അംഗ കമ്മിറ്റി രൂപീകരിച്ചിരുന്നു.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments