പുരികം ത്രെഡ് ചെയ്തതിന് ഭാര്യയെ മുത്തലാഖ് ചൊല്ലി ഭർത്താവ്. കാൺപൂരാണ് സംഭവം. തൻ്റെ ഇഷ്ടത്തിന് എതിരായി പുരികം ത്രെഡ് ചെയ്തതിൽ രോഷാകുലനായ ഭർത്താവ് വീഡിയോ കോളിലൂടെ തലാക്ക് കൊല്ലുകയായിരുന്നു. സംഭവത്തിൽ യുവതി പൊലീസിൽ പരാതി നൽകി.ഒക്‌ടോബർ നാലിനാണ് സംഭവം നടന്നത്.
കാൻപുർ സ്വദേശിനിയായ ഗുൽസബ എന്ന യുവതി പൊലീസിൽ പരാതി നൽകിയതോടെയാണ് സംഭവം പുറംലോകമറിഞ്ഞത്. സൗദി അറേബ്യയിൽ ജോലിചെയ്യുന്ന ഭർത്താവ് സലിം ഗുൽസബയുമായി വിഡിയോ കോളിൽ സംസാരിക്കുന്നതിനിടെ പുരികം ശ്രദ്ധയിൽപെട്ടു. തൻ്റെ അനുവാദമില്ലാതെ എന്തിനാണ് ചെയ്തതെന്ന് ചോദിച്ച് പൊടുന്നനെ ചൂടാവുകയും മുത്തലാക്ക് ചൊല്ലുകയുമയിരുന്നു. 2022 ജനുവരിയിലാണ് സലീമും ഗുൽസായ്ബയും വിവാഹിഹതരായത്. വിവാഹ ശേഷം ഓഗസ്റ്റ് 30 നു ജോലിക്കായി സലിം സൗദി അറേബ്യയിലേക്ക് പോയി. ഇതിന് പിന്നാലെ സ്ത്രീധനം ചോദിച്ച് സലീമിന്റെ വീട്ടുകാർ ഗുൽസായ്ബയെ നിരന്തരം പീഡിപ്പിച്ചിരുന്നു. സ്ത്രീധനത്തിന്റെ പേരിൽ യുവതിയെ ഭർതൃവീട്ടുകാർ പീഡിപ്പിക്കുന്നതായും പരാതിയിലുണ്ട്.
2017 ലാണ് മുത്തലാഖ് ഭരണഘടനാ വിരുദ്ധമായി സുപ്രിംകോടതി പ്രഖ്യാപിക്കുന്നത്. ഇതിന് പിന്നാലെ മുസ്ലിം വിമൻ പ്രൊട്ടക്ഷൻ ആക്ട് 2019 നിലവിൽ വരികയും ചെയ്തു. ഇത് പ്രകാരം മുത്തലാഖ് നിയമവിരുദ്ധമാണ്.
