ചാൾസ് മൂന്നാമൻ രാജാവിന്റെ കിരീടധാരണം. ബ്രിട്ടിഷ് രാജചരിത്രത്തിൽ വേദനയുടെ കനം പേറി നിൽക്കുന്ന പേരാണ് ചാൾസ് എന്നുള്ളത്.

ഈ പേര് ആദ്യമായി ഉണ്ടായിരുന്ന ചാൾസ് ഒന്നാമൻ രാജാവിനെ തൂക്കിക്കൊല്ലുകയായിരുന്നു.

ബ്രിട്ടന്റെ ചരിത്രത്തിൽ ഇത്തരമൊരു വധിക്കലിനു വിധേയനായ ഏക രാജാവ് ചാൾസ് ഒന്നാമനാണ്.

ചാൾസ് ഒന്നാമൻ രാജാവ് ഭരിച്ചിരുന്ന കാലം. 1642ൽ ഒരു വേനൽക്കാലത്ത് രാജാവിനെ അനുകൂലിക്കുന്നവരും പാർലമെന്ററി ഭരണരീതിയെ അനുകൂലിക്കുന്നവരും തമ്മിൽ യുദ്ധം തുടങ്ങി. ബ്രിട്ടിഷ് ആഭ്യന്തര യുദ്ധം എന്നറിയപ്പെടുന്ന ഈ യുദ്ധത്തിൽ പാർലമെന്ററി സേനയുടെ ശക്തനായ നേതാവായിരുന്നു ഒലിവർ ക്രോംവെൽ.

1648 വർഷത്തിൽ ക്രോംവെല്ലിന്റെ സേന ഒട്ടേറെ വിജയങ്ങൾ സ്വന്തമാക്കുകയും ബ്രിട്ടിഷ് രാഷ്ട്രീയത്തിൽ ക്രോംവെൽ ഒരു അനിഷേധ്യശക്തിയായി ഉയരുകയും ചെയ്തു.

പിന്നീട് രാജാവിനെ അനുകൂലിക്കുന്ന പാർലമെന്റ് അംഗങ്ങളെ സൈനിക നടപടിയിലൂടെ ക്രോംവെൽ പുറത്താക്കി. റംപ് പാർലമെന്റ് എന്നാണ് ശേഷിക്കുന്ന അംഗങ്ങൾ അറിയപ്പെട്ടത്. ഇവർ ചേർന്ന് ചാൾസ് ഒന്നാമൻ രാജാവിനെ തൂക്കിക്കൊല്ലാൻ നടപടിയിട്ടു. ഇങ്ങനെയാണ് ഇതു നടപ്പാക്കിയത്. 

ഇതെത്തുടർന്ന് കുറെക്കാലം റംപ് പാർലമെന്റ് ബ്രിട്ടന്റെ അധികാരം കൈയാളി. ഒടുവിൽ ഈ സഭ പിരിച്ചുവിട്ട ക്രോംവെൽ, ലോഡ് പ്രൊട്ടക്ടർ എന്ന നിലയിൽ ബ്രിട്ടൻ ഭരിച്ചു. ഇത് 5 വർഷക്കാലം തുടർന്നു.

രാജാവില്ലാത്ത  ഈ കാലയളവ് 1649 മുതൽ 1660 വരെ തുടർന്നു. 1661ൽ ചാൾസ് ഒന്നാമന്റെ മകനായ ചാൾസ് രണ്ടാമന്റെ കിരീടധാരണത്തോടെ രാജത്വം ബ്രിട്ടനിൽ തിരികെയെത്തി. പിന്നീട് രാജാക്കൻമാരിലാർക്കും തന്ന ചാൾസ് എന്ന പേര് ഉണ്ടായിരുന്നില്ല.

∙ പുതിയ കിരീടം

ചാൾസ് മൂന്നാമന്റെ  കീരീടധാരണത്തിന് ഉപയോഗിക്കുന്നത് പ്രശസ്തമായ സെന്റ് എഡ്വേർഡ്സ് കിരീടമാണ്. ബ്രിട്ടിഷ് രാജ ആഭരണങ്ങളുടെ കൂട്ടത്തിലുള്ള ഈ കിരീടമാണ്, കിരീടധാരണ വേളയിൽ 1661 മുതൽ ഉപയോഗിച്ചു വരുന്നത്.

അതിനും മുൻപ് പതിനൊന്നാം നൂറ്റാണ്ടിൽ നിന്നുള്ള മെഡീവൽ ക്രൗൺ എന്ന പ്രശസ്ത നേരത്തെ പറ‍ഞ്ഞ രാജാവില്ലാത്ത കാലഘട്ടത്തിന്റെ തുടക്കത്തിൽ, അതായത് 1649ൽ പാർലമെന്റ് സമിതി ഉരുക്കിക്കളഞ്ഞു. രാജത്വം നിരോധിക്കുന്നതിന്റെ ഒരു പ്രതീകമെന്ന നിലയ്ക്കായിരുന്നു അത്.

പിന്നീട് പുതുതായി ഉണ്ടാക്കിയ സെന്റ് എഡ്വേർഡ്സ് കിരീടം രാജാവായി അഭിഷേകം ചെയ്യപ്പെട്ട ചാൾസ് രണ്ടാമന്റെ രാജ്യാഭിഷേകത്തിനാണ് ആദ്യമായി ഉപയോഗിച്ചത്.സ്വർണത്തിൽ നിർമിച്ച കിരീടത്തിൽ പവിഴം, വൈഡൂര്യം, മരതകം, പുഷ്യരാഗം, മാണിക്യം തുടങ്ങിയ രത്നങ്ങൾ പതിപ്പിച്ചിട്ടുണ്ട്.

പിന്നീട് അന്നു മുതൽ ഈ കിരീടം വിവിധ ഭരണാധികാരികൾ കിരീടധാരണത്തിനായി ഉപയോഗിച്ച് വരുന്നു. 1953ൽ കിരീടധാരണവേളയിൽ എലിസബത്ത് രാജ്ഞി ശിരസ്സിൽ വച്ചതും ഇതേ കിരീടമായിരുന്നു.

സൂപ്പർ എർത്ത് എന്നാണ് പ്രപഞ്ചത്തിലെ ജാൻസൻ എന്ന ഗ്രഹം അറിയപ്പെടുന്നത്. 55 കാൻക്രി ഇ എന്നും ഇതിനു പേരുണ്ട്. ശാസ്ത്രജ്ഞർക്ക് വലിയ കൗതുകം സമ്മാനിക്കുന്ന ഈ ഗ്രഹത്തിന് ഒ്‌ട്ടേറെ പ്രത്യേകതകളാണുള്ളത്. വജ്രം നിറഞ്ഞ ഉൾക്കാമ്പും ഉപരിതലത്തിലെ ലാവാ സമുദ്രവും ഇതിനെ വ്യത്യസ്തമാക്കുന്നു.

ഭൂമിയിൽ നിന്ന് 41 പ്രകാശവർഷമകലെ കാൻസർ താരസമൂഹത്തിൽ കോപ്പർനിക്കസ് എന്ന ഇരട്ടനക്ഷത്രങ്ങളെയാണ് ഈ ഗ്രഹം ഭ്രമണം ചെയ്യുന്നത്. സൂര്യനെക്കാൾ താപനില കുറഞ്ഞതാണ് ഈ രണ്ടു നക്ഷത്രങ്ങളും.

നക്ഷത്രവുമായി വളരെ അടുത്തുള്ള ഭ്രമണപഥത്തിലാണ് ജാൻസൻ ഗ്രഹം കോപ്പർനിക്കസിനെ ഭ്രമണം ചെയ്യുന്നത്. അതിനാൽ തന്നെ ഈ ഗ്രഹത്തിൽ ഒരു വർഷമെന്നത് വെറും 18 ദിനങ്ങൾ മാത്രമാണ്. 2100 ഡിഗ്രി സെൽഷ്യസ് വരെയുള്ള ഉയർന്ന താപനിലയും ഈ ഗ്രഹത്തിന്റെ ഉപരിതലത്തിലുണ്ട്.

2004ൽ കണ്ടെത്തപ്പെട്ട ഈ ഗ്രഹത്തിന്റെ ഉപരിതലത്തിലുൾപ്പെടെ വലിയ തോതിൽ വജ്രസാന്നിധ്യമുണ്ടാകാമെന്ന പഠനം യുഎസിലെ യേൽ സർവകലാശാലയിലെ ഗവേഷകരാണ് മുന്നോട്ടുവച്ചത്. എന്നാൽ ഇതിനെ എതിർത്തുകൊണ്ടുള്ള പഠനങ്ങളുമുണ്ടായി, എന്നാൽ പ്രപഞ്ചത്തിൽ, ഈ ഗ്രഹത്തിൽ മാത്രമല്ല വജ്രങ്ങളുള്ളത്. 

സൗരയൂഥത്തിലെ വാതകഭീമൻമാരായ യുറാനസ്, നെപ്റ്റിയൂൺ എന്നീ ഗ്രഹങ്ങളിൽ വജ്രങ്ങളുണ്ടാകാറുണ്ട്. മീഥെയ്‌നിൽ നിന്നാണ് ഇവ ഉണ്ടാകുന്നത്.ചില ഉൽക്കകളിൽ വജ്രത്തിന്റെ ശേഷിപ്പുകൾ കണ്ടെത്തിയിട്ടുണ്ട്.

ഭൂമിയിൽ നിന്ന് 4000 പ്രകാശവർഷങ്ങൾ അകലെ സെർപെൻസ് കൗണ്ട താരസമൂഹത്തിൽ സ്ഥിതി ചെയ്യുന്ന ഒരു ഗ്രഹം വജ്രങ്ങൾ നിറഞ്ഞതാണെന്ന് സംശയിക്കപ്പെടുന്നു.

സ്മാർട്ട് ഫോണില്ലാത്ത ജീവിതം ഈ കാലഘട്ടത്തിൽ ചിന്തിക്കാനാവാത്തതാണ്. അത്രേയറെ ഉപയോഗങ്ങളാണ് ഫോണിനുള്ളത്. ലോകത്തെ വിരൽത്തുമ്പിലേക്ക് ചുരുക്കുന്ന സ്മാർട്ട് ഫോണുകൾ അത്രയേറെ ഉപയോഗം മനുഷ്യന് സമ്മാനിക്കുന്നു. എന്നാൽ അതോടൊപ്പം ആശങ്കകളും നിറയുന്നുണ്ട്. പ്രത്യേകിച്ച് കുട്ടികളുടെ ഫോൺ ഉപയോഗവുമായി ബന്ധപ്പെട്ട് ചർച്ചകളും പഠനങ്ങളും സംവാദങ്ങളും തുടരുകയാണ്. നിരവധി ഗുണങ്ങൾ ഉള്ളപ്പോഴും ചെറുപ്രായത്തിൽ ഫോൺ ഉപയോഗിച്ച് തുടങ്ങുന്നത് സൃഷ്ടിക്കുന്ന പ്രശ്നങ്ങൾ ആശങ്കയുളവനാക്കുന്നതാണ്. കുട്ടികൾക്ക് സ്വന്തമായി സ്മാർട്ട് ഫോൺ നൽകേണ്ട പ്രായം എത്രയാണ് എന്നതുമായി ബന്ധപ്പെട്ടും ചർച്ചകൾ നടക്കുന്നുണ്ട്. ഏതാണ് ഇതിന് ഏറ്റവും അനുയോജ്യമായ പ്രായം എന്നറിയാമോ?

വ്യത്യസ്തമായ അഭിപ്രായമാണ് ഇതുമായി ബന്ധപ്പെട്ടുള്ളത്. അത്തരം ചില അഭിപ്രായങ്ങളിലൂടെ കടന്നുപോകാം. 

കുട്ടികൾക്ക് 14 വയസ്സു വരെ മൊബൈൽ ഉപയോഗിക്കാൻ നൽകരുതെന്ന പക്ഷക്കാരനാണ് ലോക കോടീശ്വരനും മൈക്രോസോഫ്റ്റ് സ്ഥാപകനമായ ബിൽ ഗേറ്റ്സ്. സ്ക്രീൻ ടൈമിനും നിയന്ത്രണം ഏർപ്പെടുത്തിയിട്ടുണ്ട്. അവർക്ക് കൃത്യമായ ഉറക്കം ലഭിക്കുന്നുവെന്ന് ഇതിലൂടെ ഉറപ്പാക്കാൻ സാധിക്കുന്നതായി ബിൽഗേറ്റ് പറയുന്നു. സ്മാർട്ട് ഫോണുകളെ മികച്ച രീതിയിൽ ഉപയോഗിക്കാനുള്ള സാധ്യതകൾ ഉണ്ടെന്നും അത് പ്രയോജനപ്പെടുത്താനാണ് ശ്രമമെന്നും ഗേറ്റ് പറഞ്ഞിരുന്നു. 

10 മുതൽ 12 വരെയുള്ള പ്രായം ആദ്യത്തെ സ്മാർട്ട് ഫോൺ കുട്ടികൾക്ക് നൽകാനുള്ള അനുയോജ്യമായ പ്രായമായാണു ക്ലിനിക്കൽ സോഷ്യൽ വർക്കറും എഴുത്തുകാരിയുമായ കാതറിൻ പേൾമേൻ കാണുന്നത്. തിരക്കു പിടിച്ചതും അതിവേഗത്തിൽ കുതിക്കുന്നതുമായി ലോകത്തിൽ കണക്ടഡ് ആയിരിക്കാൻ അത് കുട്ടികളെ സഹായിക്കുമെന്നാണ് കാതറിന്റെ വാദം. 

അമേരിക്കയിലെ 13-17 വയസ്സു വരെ പ്രായമുള്ള കുട്ടികളെ കേന്ദ്രീകരിച്ചു നടത്തിയ സർവേയിൽ 95 ശതമാനത്തിനും സ്മാർട്ട് ഫോണുമായി ആക്സസ് ഉണ്ടെന്നാണ് വ്യക്തമായത്. 2014-2015 കാലയളവിൽ ഇത് 73 ശതമാനമായിരുന്നു. ലോകമാകെ സമാനമായ സാഹചര്യമാണുള്ളത്. സ്മാർട്ട് ഫോൺ ഉപയോഗം അതിവേഗം വർധിക്കുകയാണ്. 

10 വയസ്സിൽ താഴെയുള്ള കുട്ടികൾക്ക് സ്മാർട്ട് ഫോൺ കൊണ്ടുള്ള ഉപയോഗം പരിമിതമാണ്. എന്നാൽ കൗമാരത്തിലുള്ള കുട്ടിക്ക് സ്മാർട് ഫോൺ പ്രധാനമാണ്. എങ്കിലും നിരവധി ചതിക്കുഴികൾ ഒളിഞ്ഞിരിക്കുന്നതിനാൽ മാതാപിതാക്കളുടെ നിയന്ത്രണം ആവശ്യമാണ്. പേരന്റ് കൺട്രോൾ ഓപ്ഷൻസ്, സ്ക്രീൻ ടൈം നിയന്ത്രണം, ബ്രൗസർ ഹിസ്റ്ററി നോക്കൽ എന്നിവയാണ് മാതാപിതാക്കൾ ചെയ്യേണ്ടത്. 

ഏറ്റവും വലിയ പർവതമേതാണ്. എല്ലാവരും ഒന്നു ചിന്തിക്കുക കൂടി ചെയ്യാതെ ഉത്തരം പറയും…എവറസ്റ്റ് കൊടുമുടി. എന്നാൽ മനുഷ്യന് ഇതുവരെ അറിവായിട്ടുള്ള ഏറ്റവും പൊക്കമുള്ള കൊടുമുടി എവറസ്റ്റല്ല. അത് റിയാസിൽവിയ എന്ന മറ്റൊരു കൊടുമുടിയാണ്. സൗരയൂഥത്തിലെ ഛിന്നഗ്രഹമായ വെസ്റ്റയിലാണ് ഇതു സ്ഥിതി ചെയ്യുന്നത്. 22.5 കിലോമീറ്റർ ഉയരം ഇതിനു കണക്കാക്കപ്പെടുന്നു. അതായത്, താരതമ്യം ചെയ്താൽ ഭൂമിയിലെ ഏറ്റവും വലിയ കൊടുമുടിയായ എവറസ്റ്റിന്റെ ഏകദേശം മൂന്ന് മടങ്ങുവരും ഇതിന്റെ പൊക്കം.

സൗരയൂഥത്തിലെ വമ്പൻ ഛിന്നഗ്രഹങ്ങളിലൊന്നാണു വെസ്റ്റ. ഇതിന്റെ തെക്കേയറ്റത്ത് സ്ഥിതി ചെയ്യുന്ന റിയാസിൽവിയ എന്ന ഗർത്ത ഘടനയെപ്പറ്റിയുള്ള വിവരങ്ങൾ നമുക്ക് നൽകിയത് നാസയുടെ ഡോൺ എന്ന പര്യവേക്ഷണ ദൗത്യമാണ്. നേരത്തെ ഹബ്ബിൾ ടെലിസ്‌കോപ്പും ഇതിന്റെ ചിത്രങ്ങൾ പകർത്തിയിരുന്നു. റിയാസിൽവിയ എന്ന പേര് ഈ പടുകുഴിക്ക് ലഭിച്ചത് റോമൻ ഐതിഹ്യങ്ങളിൽ നിന്നാണ്.

സൗരയൂഥത്തിന്റെ ആദിമകാലത്ത് ഈ ഛിന്നഗ്രഹത്തിൽ ഒരു കൂട്ടയിടി നടന്നു, ഏതോ ഒരു വസ്തു ശക്തിയിൽ ഇവിടെ വന്നിടിച്ചു. ഇതോടെയാണ് 500 കിലോമീറ്റർ വ്യാസമുള്ള റിയാസിൽവിയ ഗർത്തം വെസ്റ്റയിൽ പപ്പെട്ടത്. ഇതിന് ഒത്ത നടുക്കായാണ് നേരത്തെ പറഞ്ഞ പർവതം ഉടലെടുത്തത്.

റിയാസിൽവിയയുടെ ഉയരം ശാസ്ത്രജ്ഞർ നിർണയിക്കുന്നതിനു മുൻപ് ചൊവ്വയിലെ ഒളിംപസ് മോൺസ് എന്ന കൊടുമുടിയായിരുന്നു നമുക്ക് അറിയാവുന്ന ഏറ്റവും ഉയരമുള്ള കൊടുമുടി. 21.9 കിലോമീറ്റർ ആണ് ഇതിന്റെ ഉയരം. റിയാസിൽവിയയുടെ ഏകദേശം അടുത്തുവരും ഈ ഉയരം. എന്നാൽ ഉയരങ്ങൾ നിർണയിക്കുന്നതിൽ എപ്പോഴും തെറ്റുപറ്റാമെന്നും ഒളിംപസ് മോൺസ് തന്നെയാകാം ഇപ്പോഴും സൗരയൂഥത്തിലെ ഏറ്റവും ഉയരമുള്ള കൊടുമുടിയെന്നും ചില ശാസ്ത്രജ്ഞർ വാദിക്കുന്നു.

ചൊവ്വയിലെ താർസിസ് മോണ്ടിസ് മേഖലയിലാണ് ഒളിംപസ് മോൺസ് ഉള്ളത്. ഒരു കാലത്ത് വളരെ സജീവമായ അഗ്നിപർവതമായിരുന്നു ഒളിംപസ് മോൺസ്. ഈ മേഖലയിൽ ഡസൻ കണക്കിന് അഗ്നിപർവതങ്ങൾ വേറെയുണ്ട്.