ബയോമെട്രിക് നിര്‍ബന്ധമാക്കിയ കുവൈത്തില്‍ വിരലടയാളം രേഖപ്പെടുത്തുന്നതിന് മൂന്ന് മാസം സമയം അനുവദിച്ചു. പ്രവാസികള്‍ ഉള്‍പ്പെടെ എല്ലാ പൗരന്മാരും മൂന്ന് മാസത്തിലുള്ളില്‍ ബയോമെട്രിക് എടുക്കണം. വിരലടയാളം രേഖപ്പെടുത്തുന്നതിന് വിവിധയിടങ്ങളില്‍ സൗകര്യമൊരുക്കിയതായും ആഭ്യന്തര മന്ത്രാലയം അറിയിച്ചു.മാര്‍ച്ച് ഒന്ന് മുതല്‍ മൂന്ന് മാസത്തിനുള്ളില്‍ പൗരന്മാരും പ്രവാസികളും ഉള്‍പ്പെടെ എല്ലാവരും വിരലടയാളം നല്‍കണമെന്നാണ് നിര്‍ദ്ദേശം.

ഈ കാലാവധിക്കുള്ളില്‍ വിരലടയാളം നല്‍കാത്തവരുടെ എല്ലാ ഇടപാടുകളും താല്‍കാലികമായി നിര്‍ത്തിവെക്കുമെന്നും ആഭ്യന്തര മന്ത്രാലയം മുന്നറിയിപ്പ് നല്‍കി. ബയോമെട്രിക് സംവിധാനം ശക്തിപ്പെടുത്തുന്നതിന്റെ ഭാഗമായി അതിര്‍ത്തി ചെക്ക്‌പോയിന്റുകളിലും കുവൈത്ത് രാജ്യാന്തര വിമാനത്താവളത്തിലും വിരലടയാളം രേഖപ്പെടുത്തുന്നതിനുള്ള സൗകര്യം ഒരുക്കിയിട്ടുണ്ട്. ഇതിനു പുറമേ സ്വദേശികള്‍ക്കും ജിസിസി പൗരന്മാര്‍ക്കും വിവിധ ഡയറക്ടറേറ്റുകളില്‍ വിരലടയാളം രേഖപ്പെടുത്താം.

പ്രവാസികള്‍ക്ക് അലി സബാഹ് അല്‍ സലേം, ജഹ്‌റ മേഖലയിലെ വ്യക്തിഗത ഐഡന്റിഫിക്കേഷന്‍ ഡിപ്പാര്‍ട്ട്‌മെന്റിലും വാണിജ്യ സമുച്ചയങ്ങളില്‍ ക്രമീകരിച്ചിട്ടുള്ള കൗണ്ടറുകളിലും വിവിധ മാളുകളിലും സേവനം ലഭ്യമാണെന്ന് ആഭ്യന്തര മന്ത്രാലയത്തിലെ ജനറല്‍ അഡ്മിനിസ്‌ട്രേഷന്‍ ഓഫ് സെക്യൂരിറ്റി റിലേഷന്‍സ് ആന്റ് മീഡിയ അറിയിച്ചു. ജനിവരിയില്‍ മാത്രം കുവൈത്ത് രാജ്യന്തര വിമാനത്താവളത്തില്‍ 26,238 പ്രാണ് ബയോമെട്രിക് രേഖപ്പെടുത്തിയത്.

യുഎഇ ജയിലില്‍ പതിനെട്ട് വര്‍ഷമായി തടവില്‍ കഴിഞ്ഞിരുന്ന അഞ്ച് ഇന്ത്യന്‍ പ്രവാസികള്‍ മോചിതരായി നാട്ടില്‍ തിരികെ എത്തി.കൊലപാതക കേസില്‍ തടവ് ശിക്ഷ അനുഭവിച്ചിരുന്ന അഞ്ച് തെലങ്കാന സ്വദേശികള്‍ക്കാണ് മോചനം ലഭിച്ചത്. തെലങ്കാന സര്‍ക്കാരിന്റെയും ദുബൈ ഇന്ത്യന്‍ കോണ്‍സുലേറ്റിന്റെയും ഇടപെടലുകളെ തുടര്‍ന്നാണ് മോചനം സാധ്യമായത്.
തെലങ്കാനയിലെ രാജണ്ണ സിര്‍സില്ല ജില്ലക്കാരായ ശിവരാത്രി മല്ലേഷ്, ശിവരാത്രി രവി, ശിവരാത്രി ഹന്‍മന്തു, ഗൊല്ലം നമ്പള്ളി, ദുണ്ടുഗുല ലക്ഷമണ്‍ എന്നിവരാണ് പതിനെട്ട് വര്‍ഷം ശേഷം ജയില്‍ മോചിതരായത്. കൊലപാത കുറ്റത്തിന് 2005-ല്‍ ആണ് അഞ്ചുപേര്‍ക്കും ദുബ കോടതി ഇരുപത്തിയഞ്ച് വര്‍ഷം തടവുശിക്ഷ വിധിച്ചത്. ദുബൈയില്‍ കെട്ടിടനിര്‍മ്മാണ തൊഴിലാളികളായിരുന്നും അഞ്ചുപേരും. നേപ്പാള്‍ സ്വദേശിയായ സെക്യൂരിറ്റി ഗാര്‍ഡിന്റെ കൊലപാതകത്തില്‍ ആണ് ഇരുപത്തിയഞ്ച് വര്‍ഷം തടവുശിക്ഷ വിധിച്ചത്.

നേപ്പാള്‍ സ്വദേശിയായ സുരക്ഷാ ജീവനക്കാരനുമായി ഉണ്ടായ വാക്ക് തര്‍ക്കം അടിപിടിയിലും കൊലപാതകത്തിലും കലാശിക്കുകയായിരുന്നു. ബിആര്‍എസ് നേതാവും തെലങ്കാന മന്ത്രിയുമായിരുന്ന കെ.ടി രാമറാവു ആണ് അഞ്ച് പേരുടെയും മോചനത്തിനുള്ള ഇടപെടലുകള്‍ക്ക് നേതൃത്വം നല്‍കിയത്. കൊല്ലപ്പെട്ട നേപ്പാള്‍ പൗരന്റെ ബന്ധുക്കള്‍ക്ക് നഷ്ടപരിഹാരം നല്‍കുകയും ചെയ്തു.മോചനത്തിനുള്ള നിരാക്ഷേപത്രവും ബന്ധുക്കളില്‍ നിന്നും വാങ്ങി. ഇതിനിടയില്‍ ശിക്ഷയില്‍ ഇളവ് തേടിയുള്ള ഹര്‍ജി ദുബൈ കോടതി തള്ളി. പിന്നീട് ഇന്ത്യന്‍ വിദേശകാര്യമന്ത്രാലയത്തിന്റെ സഹായത്തോട് കൂടി ദുബൈ ഭരണകൂടത്തിന് മാപ്പപേക്ഷ നല്‍കി.

തുടര്‍ന്നാണ് മാസങ്ങള്‍ക്ക് ശേഷം അഞ്ചുപേരേയും ഫെബ്രുവരി പതിനെട്ടിന് ദുബൈ ജയിലില്‍ നിന്നും മോചിപ്പിച്ചത്. പതിനെട്ട് വര്‍ഷത്തെ ജയില്‍ വാസത്തിന് ശേഷം നാട്ടിലെത്തിയ അഞ്ച് പേര്‍ക്കും വന്‍ സ്വീകരണം ആണ് ബന്ധുക്കളും നാട്ടുകാരും ബിആര്‍എസ് നേതൃത്വവും ചേര്‍ന്ന് നല്‍കിയത്.

ജനപ്രിയമായി ദുബൈയിലെ ഫ്യുച്ചര്‍ മ്യൂസിയം. ഉദ്ഘാടനം ചെയ്ത് രണ്ട് വര്‍ഷങ്ങള്‍ക്കുള്ളില്‍ രണ്ട് ദശലക്ഷത്തിലധികം പേരാണ് ഫ്യുച്ചര്‍ മ്യൂസിയം സന്ദര്‍ശിച്ചത്. ഇരുനൂറിലധികം പ്രധാനപരിപാടികളും ഫ്യുച്ചര്‍ മ്യൂസിയത്തില്‍ ഇതുവരെ നടന്നു.2017-ല്‍ നിര്‍മ്മാണം ആരംഭിച്ച ഫ്യൂച്ചര്‍ മ്യൂസിയം 2022 ഫെബ്രുവരി ഇരുപത്തിരണ്ടിന് ആണ് ഉദ്ഘാടനം ചെയ്തത്. രണ്ട് വര്‍ഷം പൂര്‍ത്തിയാകുമ്പോള്‍ ആഗോളതലത്തില്‍ തന്നെ പ്രധാനപ്പെട്ട സന്ദര്‍ശന കേന്ദ്രമായി മാറിയിരിക്കുകയാണ് ഫ്യൂച്ചര്‍ മ്യൂസിയം. രണ്ട് വര്‍ഷത്തിനിടയില്‍ 172 രാജ്യങ്ങളില്‍ നിന്നായി
രണ്ട് ദശലക്ഷം സന്ദര്‍ശകര്‍ ആണ് ഫ്യൂച്ചര്‍ മ്യൂസിയം സന്ദര്‍ശിച്ചത്.

കഴിഞ്ഞ രണ്ട് വര്‍ഷത്തിനിടയില്‍ 280-ല്‍ അധികം പ്രധാന പരിപാടികള്‍ ഫ്യൂച്ചര്‍ മ്യൂസിയത്തില്‍ നടന്നു. ഈ പരിപാടികളില്‍ മാത്രം ഇരുപതിനായിരത്തിലധികം പേരാണ് സന്ദര്‍ശിച്ചത്. നാല്‍പ്പതോളം രാഷ്ട്രത്തലവന്‍മാരും മന്ത്രിമാരും ഉന്നതലപ്രതിനിധി സംഘവും ഫ്യൂച്ചര്‍ മ്യൂസിയത്തില്‍ സന്ദര്‍ശനം നടത്തിയിട്ടുണ്ട്. രൂപകല്‍പ്പന കൊണ്ട് തന്നെ ശ്രദ്ധനേടുന്ന നിര്‍മ്മിതിയാണ് ഷെയ്ഖ് സായിദ് റോഡിന്റെ ഓരത്ത് സ്ഥിതി ചെയ്യുന്ന മ്യൂസിയം. 1024 സ്റ്റീല്‍ പൈപ്പുകളില്‍ ആണ് നിര്‍മ്മാണം.

17000 ചതുരശ്രമീറ്റര്‍ ആണ് മ്യൂസിയത്തിന്റെ ആകെ വിസ്താരം. മ്യൂസിയത്തിന് ചുറ്റും നല്‍കിയിരിക്കുന്ന അറബിക് കാലിഗ്രഫി പ്രതീക്ഷയുടെയും പ്രചോദനത്തിന്റെയും സന്ദേശം നല്‍കുന്നവയാണ്.2015 മാര്‍ച്ചില്‍ ദുബൈയില്‍ നടന്ന ലോകസര്‍ക്കാര്‍ ഉച്ചകോടിയില്‍ ആണ് യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍മക്തും ഫ്യൂച്ചര്‍ മ്യൂസിയം പദ്ധതി പ്രഖ്യാപിച്ചത്.

ഒരുദശലക്ഷത്തിലധികം പലസ്തീന്‍ അഭയാര്‍ത്ഥികള്‍ തിങ്ങിപ്പാര്‍ക്കുന്ന റഫായില്‍ ബോംബാക്രമണം കടുപ്പിച്ച് ഇസ്രയേല്‍. ഒരും കുടുംബത്തിലെ ഒരു ഡസനിലധികം പേര്‍ ആക്രമണത്തില്‍ കൊല്ലപ്പെട്ടു. ഗാസയിലെ മാനുഷികസാഹചര്യം കൂടുതല്‍ മോശമാകുകയാണെന്ന് ലോകാരോഗ്യ സംഘടനാ മേധാവി ടെഡ്രോസ് അഥാനോം പറഞ്ഞു.

തെക്കന്‍ ഗാസ നഗരമായ റഫായില്‍ കരയുദ്ധം ആരംഭിക്കുന്നതിന് മുന്നോടിയായി വ്യോമാക്രമണം കടുപ്പിക്കുകയാണ് ഇസ്രയേല്‍. റഫായുടെ വടക്കുഭാഗത്തുള്ള ഖാന്‍ യൂനിസും ആക്രമണം ശക്തിപ്പെടുത്തി. ഇസ്രയേല്‍ ആക്രമണത്തില്‍ റഫായിലെ ഒരു വീട് പൂര്‍ണ്ണമായും തകര്‍ന്നു. ഇവിടെ ഒരു കുടുംബത്തിലെ ഒരു ഡസനിലധികം പേര്‍ കൊല്ലപ്പെട്ടെന്ന് രാജ്യാന്തര വാര്‍ത്താ ഏജന്‍സിയായ റോയിട്ടേഴ്‌സ് റിപ്പോര്‍ട്ട് ചെയ്തു. ഒരു ഒരുവസയുകാരി അടക്കമാണ് പന്ത്രണ്ടിലധികം പേര്‍ കൊല്ലപ്പെട്ടത്. റഫായുടെ സമീപത്തേക്ക് ഇസ്രയേല്‍ ടാങ്കുകള്‍ എത്തിക്കഴിഞ്ഞതായാണ് പ്രദേശവാസികള്‍ പറയുന്നത്.ഏത് നിമിഷവും റഫായില്‍ കരയുദ്ധം ആരംഭിക്കുന്നതിന് സജ്ജരായിരിക്കാനാണ് പ്രധാനമന്ത്രി ബെന്യാമിന്‍ നെതന്യാഹു ഇസ്രയേല്‍ സൈന്യത്തിന് നിര്‍ദ്ദേശം നല്‍കിയിരിക്കുന്നത്.

ഈജിപ്ത് അതിര്‍ത്തിയിലുള്ള റഫാ നഗരത്തില്‍ പതിനഞ്ച് ലക്ഷത്തോളം പലസ്തീനികള്‍ അഭയം തേടിയിട്ടുണ്ടെന്നാണ് കണക്ക്. റഫായില്‍ കരയുദ്ധം ആരംഭിക്കാനുള്ള ഇസ്രയേല്‍ നീക്കത്തിന് എതിരെ കടുത്തവിമര്‍ശനം ആണ് രാജ്യാന്തരതലത്തില്‍ ഉയര്‍ന്നുവരുന്നത്. ഹമാസിന് എതിരായ യുദ്ധത്തില്‍ ഇസ്രയേലിന് എല്ലാത്തരത്തിലുമുള്ള പിന്തുണ നല്‍കുന്ന അമേരിക്കപോലും റഫായില്‍ കരയുദ്ധം പാടില്ലെന്നാണ്നിര്‍ദ്ദേശം നല്‍കിയിരിക്കുന്നത്.ഗാസയിലെ മനുഷ്യക്കുരുതിക്ക് എതിരെ ലോകമെമ്പാടും പ്രതിഷേധവും ശക്തിപ്പെട്ടു.

വെടിനിര്‍ത്തല്‍ ആവശ്യപ്പെട്ട് യു.കെ പാര്‍ലമെന്റിന് മുന്നില്‍ നടന്ന പ്രതിഷേധപ്രകടനത്തില്‍ നൂറുകണക്കിന് പേരാണ് പങ്കെടുത്തത്.ഹോള്‍ഡ്ഗാസയില്‍ വെടിനിര്‍ത്തല്‍ നടപ്പാക്കുന്നതിനുള്ള ചര്‍ച്ചകള്‍ ഈജിപിത് തലസ്ഥാനമായ കെയ്‌റോ കേന്ദ്രീകരിച്ച് തുടരുന്നുണ്ട്. ഹമാസ് മേധാവി ഇസ്മയില്‍ ഹനിയചര്‍ച്ചകള്‍ക്കായി കെയ്‌റേയില്‍ എത്തിയിട്ടുണ്ട്. വൈറ്റ് ഹൗസിന്റെ മിഡില്‍ഈസ്റ്റ് കോര്‍ഡിനേറ്റര്‍ ബ്രെറ്റ് മക്ഗൂര്‍കും മേഖലയില്‍ എത്തിയിട്ടുണ്ട്.

രാജ്യാന്തരവിപണിയില്‍ അസംസ്‌കൃത എണ്ണവില വീണ്ടും വര്‍ദ്ധിക്കുന്നു. തുടര്‍ച്ചയായ രണ്ടാം ദിവസമാണ് എണ്ണയ്ക്ക് വില വര്‍ദ്ധിക്കുന്നത്. കഴിഞ്ഞ രണ്ടാഴ്ച്ചയില്‍ അധികമായി എണ്‍പത് ഡോളറിന് മുകളിലാണ് ബ്രെന്റ് ക്രൂഡിന് ബാരലിന് വില.ആഗോളബെഞ്ച് മാര്‍ക്കായ ബ്രെന്റ് ക്രൂഡിന്റെ വില എണ്‍പത്തിമൂന്ന് ഡോളറിന് മുകളിലേക്കും അമേരിക്കന്‍ ക്രൂഡായ വെസ്റ്റ് ടെക്‌സസ് ഇന്റര്‍മീഡിയറ്റിന്റെ വില എഴുപത്തിയെട്ട് ഡോളറിന് മുകളിലേക്കും ആണ് ഇന്ന് ഉയര്‍ന്നത്. ഈ മാസത്തിന്റെ തുടക്കം മുതല്‍ തന്നെ എണ്‍പത് ഡോളറിന്റെ പരിസരത്തായിരുന്നു ബ്രെന്റ് ക്രൂഡിന്റെ വില.

ഇന്നലെയും ഇന്നുമായി വില എണ്‍പത്തിമൂന്ന് ഡോളറിന് മുകളിലേക്ക് ഉയരുകയായിരുന്നു. ലോകത്തിലെ ഏറ്റവും വലിയ എണ്ണ ഉപയോക്താക്കളായ അമേരിക്കയില്‍ നിന്നുള്ള ആവശ്യകത വര്‍ദ്ധിച്ചതാണ് ക്രൂഡ് വിലയിലെ ഇപ്പോഴത്തെ വര്‍ദ്ധനയ്ക്ക് കാരണം. അമേരിക്കയിലെ വന്‍കിട റിഫൈനറികള്‍ തകരാറുകള്‍ തീര്‍ത്ത് വീണ്ടും പ്രവര്‍ത്തനകക്ഷമമാകുന്നതാണ് പുറത്തുനിന്നുള്ള എണ്ണയുടെ ആവശ്യകത അപ്രതീക്ഷിതമായി ഉയരാന്‍ കാരണം.ശൈത്യത്തെ തുടര്‍ന്ന് അമേരിക്കന്‍ റിഫൈനറികളുടെ ഉത്പാദനം പോയവാരം എണ്‍പത് ശതമാനമായി കുറഞ്ഞിരുന്നു.

ക്രൂഡ് ഓയില്‍ വില എണ്‍പത് ഡോളറിന് മുകളില്‍ തുടരുന്നത് യുഎഇയും സൗദിയും അടക്കമുളള സമ്പദ്ധഘടനയക്ക് സഹായകമാകും. മൊത്തആഭ്യന്തര ഉത്പാദനത്തില്‍ പ്രതീക്ഷിച്ചതിലും വര്‍ദ്ധന രേഖപ്പെടുത്തും.