ഇറാന് നടത്തുന്ന ആക്രമണശ്രമങ്ങളെ പ്രതിരോധിച്ച് ജിസിസി രാജ്യങ്ങള്. യു.എ.ഇക്ക് നേരെ ഇന്നും ആക്രമണ ശ്രമുണ്ടായി. ഡ്രോണ് അവശിഷ്ടങ്ങള് പതിച്ച് ഫുജൈറയിലെ ഓയില് ഇന്ഡസ്ട്രി സോണില് തീപിടുത്തമുണ്ടായി. തീ നിയന്ത്രണ വിധേയമായതായി അധികൃതര് അറിയിച്ചു. അതേസമയം ഇന്ന് യുഎഇയ്ക്ക് നേരെയത്തിയ 9 ബാലിസ്റ്റിക് മിസൈലുകളും 33 ഡ്രോണുകളും സായുധസേന തകര്ത്തു.
ഗള്ഫ് രാജ്യങ്ങളിലേയ്ക്ക് ഇറാന് നടത്തുന്ന ആക്രമണങ്ങളുടെ എണ്ണവും നാശനഷ്ടങ്ങളുടെ തോതും വലിയ തോതില് കുറഞ്ഞതായാണ് വിലയിരുത്തല്. എങ്കിലും കനത്ത ജാഗ്രതയിലാണ് ജിസിസി രാജ്യങ്ങള്.യു.എ.ഇക്ക് നേരെ ഇന്നുണ്ടായ ആക്രമണ ശ്രമങ്ങളെ ശക്തമായി പ്രതിരോധിക്കാന് സായുധനസേനയ്ക്ക് കഴിഞ്ഞു. ഇന്ന് യുഎയ്ക്ക് നേരെ എത്തിയ 9 ബാലിസ്റ്റിക് മിസൈലുകളും 33 ഡ്രോണുകളുമാണ് സായുധസേന തകര്ത്തത്. ഇതുവരെ രാജ്യത്തേയ്ക്ക് എത്തിയ 294 ബാലിസ്റ്റിക് മിസൈലുകളും 15 ക്രൂസ് മിസൈലും 1600 ഡ്രോണുകളുമായി സേന പ്രതിരോധിച്ചത്. ഡ്രോണ് അവശിഷ്ടങ്ങള് പതിച്ച് ഫുജൈറയിലെ ഓയില് ഇന്ഡസ്ട്രി സോണില് തീപിടുത്തമുണ്ടായി. ആര്ക്കും പരിക്കില്ലെന്നും തീ നിയന്ത്രണ വിധേയമായതായി അധികൃതര് അറിയിച്ചു. ദുബായില് ഇന്ന് രാവിലെ പ്രതിരോധസേന തകര്ത്ത ഡ്രോണിന്റെ അവശിഷ്ടങ്ങള് ഒരു കെട്ടിടത്തില് പതിച്ചു..എന്നാല് തീപിടുത്തമോ ആളപായമോ ഉണ്ടായിട്ടില്ലെന്ന് ദുബായ് മീഡിയ ഓഫീസ് വ്യക്തമാക്കി. സുരക്ഷാ മുന്കരുതലിന്റെ ഭാഗമായി ഖത്തറില് വിവിധ ഇടങ്ങളില് നിന്ന് താമസക്കാരെ സുരക്ഷിത കേന്ദ്രത്തിലേക്ക് മാറ്റിയതായി പ്രതിരോധ മന്ത്രാലയം അറിയിച്ചു..ബഹ്റൈനിലും പുലര്ച്ചെ ജനങ്ങള്ക്ക് മുന്നറിയിപ്പ് സന്ദേശം നല്കി.. അഅതേസമയം പശ്ചിമേഷ്യയിലേയ്ക്ക് യുഎസ് കൂടുതല് സൈനികരെ അയച്ചു. ജപ്പാനിലെ ഒകിനാവയിലെ താവളത്തില്നിന്ന് 2500 മറീനുകളാണ് പുറപ്പെട്ടത്. ഹോര്മുസ് പൂര്ണമായും തുറന്നില്ലെങ്കില് ഖാര്ഗ് ദ്വീപിലെ എണ്ണ ഉല്പാദന കേന്ദ്രങ്ങളും ആക്രമിക്കുമെന്നാണ് അമേരിക്കയുടെ മുന്നറിയിപ്പ്. അതേസമയം യുദ്ധം എത്രയും വേഗം അവസാനിപ്പിക്കണമെന്ന് യുഎന് സെക്രട്ടറി ജനറല് അന്റോണിയോ ഗുട്ടറസ് ആവശ്യപ്പെട്ടു. പുണ്യമാസത്തിലെ യുദ്ധം ഹൃദയഭേദകമാണെന്നും ഗുട്ടറസ് വ്യക്തമാക്കി.
യുദ്ധം അവസാനിപ്പിക്കണമെന്ന് യുഎന് സെക്രട്ടറി ജനറല്
