അബുദബിയില് റോഡപകടത്തില് മരിച്ച 4 മലയാളി കുട്ടികളുടേയും സംസ്ക്കാരം നടന്നു. അല് ഖുസൈസിലെ ഖബറിസ്ഥാനിലായിരുന്നു ഖബറടക്കം.
നൂറുകണക്കിന് പേരുടെ സാന്നിധ്യത്തിലായിരുന്നു ഖബറടക്കം. അല് ഖുസൈസിലെ അല് ഷുഹാദ മസ്ജിദിലെ ഖബറിസ്ഥാനില് മൂന്ന് മണിയോടെയായിരുന്നു ചടങ്ങുകള്. അയല്വാസികളും സഹപാഠികളുടെ മാതാപിതാക്കളുമായി നിരവധി പേര് പ്രാര്ത്ഥനയില് പങ്കെട
ുത്തു. കഴിഞ്ഞദിവസമാണ് ലിവ ഫെസ്റ്റിവല് കണ്ട് മടങ്ങുന്നതിനിടെയുണ്ടായ അപകടത്തില് നാല് കുട്ടികളും ആയയും അടക്കം 5 പേര് മരിച്ചത്. ഇവര് സഞ്ചരിച്ചിരുന്ന വാഹനം റോഡരികിലെ മീഡിയനില് ഇടിച്ചശേഷം രണ്ട് തവണ കരണം മറിയുകയായിരുന്നു. ആയയടക്കം 4 പേര് തല്ക്ഷണം മരിച്ചപ്പോള് ഒരാള് ആശ്ുപത്രിയില് ചികിത്സയിലിരിക്കെയാണ് മരിച്ചത്. അപകടത്തില് മരിച്ച ആയയുടെ മൃതശരീരം നാട്ടിലേക്ക് കൊണ്ടുപോയി. ഗുരുതരമായി പരിക്കേറ്റ് ആശുപത്രിയില് കഴിയുന്ന മാതാവിനെ രാവിലെയാണ് മക്കള് മരിച്ചകാര്യം അറിയിച്ചത്. അപകടത്തില് പരിക്കേറ്റ പിതാവും സംസ്ക്കാര ചടങ്ങിനെത്തിയിരുന്നു.
അബുദബി റോഡപകടം : മരിച്ച കുട്ടികളെ ഖബറടക്കി
