നിലമ്പൂര്‍ ഉപതെരഞ്ഞെടുപ്പില്‍ 75.7 ശതമാനം പോളിംഗ് എന്ന് തെരഞ്ഞെടുപ്പ് കമ്മീഷന്‍.മികച്ച പോളിംഗ് എന്നാണ് മുന്നണികള്‍ വിലയിരുത്തുന്നത്.തികഞ്ഞ വിജയപ്രതീക്ഷയില്‍ ആണ് ഇടതുമുന്നണിയും യുഡിഎഫും.
2021-ല്‍ 76.60 ശതമാനം ആയിരുന്നു നിലമ്പൂരിലെ പോളിംഗ്.ഇത്തവണ അതിലേക്ക് എത്തിയില്ലെങ്കിലും നിലിവലെ സാഹചര്യത്തില്‍ 75.7 ശതമാനം എന്ന മികച്ച പോളിങ്ങായിട്ടാണ് മുന്നണികള്‍ വിലയിരുത്തുന്നത്. കനത്ത മഴയും അനാവശ്യതെരഞ്ഞെടുപ്പെന്ന തോന്നലുകള്‍ക്കിടയിലും ഇത്രയും പോളിംഗ് രേഖപ്പെടുത്തിയതാണ് ഈ വിലയിരുത്തലുകള്‍ക്ക് കാരണം.നിലമ്പൂരില്‍ പി.വി അന്‍വര്‍ ഇഫക്ട് എന്താണ് എന്നാണ് രാഷ്ട്രീയ കേരളം ഉറ്റുനോക്കുന്നത്.തെരഞ്ഞെടുപ്പ് ഫലം ഏറ്റവും നിര്‍ണ്ണായകമാകുന്നതും പി.വി അന്‍വറിന് തന്നെയാകും.
അന്‍വറിന്റെ രാഷ്ട്രീയഭാവിയെ പോലും ഈ ഉപതരെഞ്ഞെടുപ്പിന്റെ ഫലം സ്വാധീനിക്കും.അന്‍വര്‍ പിടിക്കുന്ന വോട്ടുകള്‍ തങ്ങളെ ബാധിക്കില്ലെന്നാണഅ യുഡിഎഫിന്റെ വിലയിരുത്തല്‍.വിജയം ഉറപ്പെന്നും യുഡിഎഫ് ക്യാമ്പ് കണക്കുകൂട്ടുന്നു.കോണ്‍ഗ്രസിനും ലീഗിനും മണ്ഡലത്തിലുള്ള സ്വാധീനം തന്നെയാണ് യുഡിഎഫിന് ആശ്വസം പകരുന്നത്.ഒപ്പം വോട്ടുകള്‍ ചേരാത്തവിധത്തിലുള്ള പ്രചാരണപരിപാടികളും.അതെസമയം നിലമ്പൂരില്‍ സ്വരാജ് ജയിക്കും എന്നാണ് എല്‍ഡിഎഫിന്റെ വിലയിരുത്തല്‍.രണ്ടായിരത്തില്‍ താഴെ വോട്ടിന്റെ ഭൂരിപക്ഷത്തിന് സ്വരാജ് ജയിക്കും എന്നാണ് ഇടതുമുന്നണിയുടെ തെരഞ്ഞെടുപ്പ് കമ്മിറ്റി കണക്ാകക്കുന്നത്.
