എയര്‍ ഇന്ത്യ വിമാനത്തിന് വീണ്ടും സാങ്കേതിക തകരാര്‍.സാന്‍ഫ്രാന്‍സിസ്‌കോയില്‍ നിന്ന് മുംബൈയിലേക്ക് വരികയായിരുന്ന വിമാനത്തിന് എഞ്ചിന്‍ തകരാറെന്ന് റിപ്പോര്‍ട്ട്.മുംബൈയിലേക്കുള്ള യാത്ര വൈകി
സാന്‍ഫ്രാന്‍സിസ്‌കോയില്‍ നിന്ന് കൊല്‍ക്കത്ത വഴി മുംബൈയിലേക്ക് വരികയായിരുന്ന എയര്‍ ഇന്ത്യവിമാനത്തിനാണ് സാങ്കേതിക തകരാര്‍ കണ്ടെത്തിയത്.ഇന്ന് പുലര്‍ച്ചെയാണ് സംഭവം.കൊല്‍ക്കത്ത നേതാജി സുബാഷ് ചന്ദ്രബോസ് രാജ്യാന്തര വിമാനത്താവളത്തില്‍ എത്തിയതിന് പിന്നാലെ നടത്തിയ പരിശോധനയിലാണ് വിമാനത്തിന്‌റെ ഇടതുവശത്തുള്ള എഞ്ചിനില്‍ തകരാര്‍ കണ്ടെത്തിയത്. തുടര്‍ന്ന് യാത്രക്കാരെ പുറത്തിറക്കി പരിശോധിക്കുകയായിരുന്നു.തകരാര്‍ ഉണ്ടായതിനെ തുടര്‍ന്ന് കൊല്‍ക്കത്തയില്‍ നിന്ന് മുംബൈയിലേക്കുള്ള ടേക്ക് ഓഫ് വൈകി.
സാന്‍ഫ്രാന്‍സിസ്‌കോയില്‍ നിന്ന് കൃത്യസമയത്ത് പുറപ്പെട്ട എയര്‍ ഇന്ത്യയുടെ എഐ 180 വിമാനം പുലര്‍ച്ചെ 12.45നാണ് കൊല്‍ക്കത്ത വിമാനത്താവളത്തിലെത്തിയത്.തുടര്‍ന്നാണ് തകരാര്‍ ശ്രദ്ധയില്‍പ്പെട്ടത്.വിമാനത്തിന്‌റെ സുരക്ഷ കണക്കിലെടുത്താണ് തീരുമാനമെന്ന് ക്യാപ്റ്റന്‍.
