കേരളത്തില്‍ അഞ്ച് കോവിഡ് മരണം കൂടി.ഇന്ത്യയില്‍ ആകെ പത്ത് കോവിഡ് മരണങ്ങളാണ് പുതിയതായി സ്ഥിരീകരിച്ചിരിക്കുന്നത്.രാജ്യത്ത് 285 പുതിയ കോവിഡ് കേസുകള്‍ കൂടി സ്ഥിരീകരിച്ചു.കേരളത്തില്‍ 102 കോവിഡ് കേസുകള്‍ ആണ് പുതിയതായി സ്ഥിരീകരിച്ചിരിക്കുന്നത്.സംസ്ഥാന സജീവ കോവിഡ് കേസുകളുടെ എണ്ണം 2007 -ആയി ഉയര്‍ന്നു.കേരളം കഴിഞ്ഞാല്‍ ഏറ്റവും അധികം ആക്ടീവ് കേസുകള്‍ ഗുജറാത്തിലാണ്.1441 സജീവ കേസുകളാണ് ഗുജറാത്തില്‍ ഉള്ളത്.
പശ്ചിമബംഗാളില്‍ 747-ഉം ദില്ലിയില്‍ 682-ഉം മഹാരാഷ്ട്രയില്‍ 578-ഉം ആണ് സജീവ കോവിഡ് കേസുകള്‍.കൂടുതല്‍ പരിശോധന നടത്തുന്നതിനാലാണ് കേരളത്തില്‍ കൂടുതല്‍ കേസുകള്‍ റിപ്പോര്‍ട്ട് ചെയ്യുന്നത് എന്നാണ് ആരോഗ്യവകുപ്പ് വ്യക്തമാക്കുന്നത്.ഇന്ന് അഞ്ച് മരണങ്ങള്‍ കൂടി റിപ്പോര്‍ട്ട് ചെയ്തതോടെ കേരളത്തില്‍ ഈ വര്‍ഷം രേഖപ്പെടുത്തിയ കോവിഡ് മരണങ്ങള്‍ ഇരുപത്തിയെട്ടായി ഉയര്‍ന്നു.മഹാരാഷ്ട്രയില്‍ ഇരുപത്തിയേഴ് കോവിഡ് മരണങ്ങളും ഈ വര്‍ഷം റിപ്പോര്‍ട്ട് ചെയ്തു.
