എന്ഫോഴ്സ്മെന്റ് ഡയറക്ടറേറ്റിന് എതിരെ രൂക്ഷ വിമര്ശനവുമായി സുപ്രീംകോടതി.ഇ.ഡി എല്ലാ പരിധിയും ലംഘിക്കുകയാണെന്ന് സുപ്രീംകോടതി വിമര്ശിച്ചു.ഇ.ഡി ഫെഡറല് തത്വങ്ങള് ലംഘിക്കുന്നുവെന്നും സുപ്രീംകോടതി വിമര്ശിച്ചു.
തമിഴ്നാട്ടിലെ മദ്യവിതരണ കോര്റേഷന് ടാസ്മാകുമായി ബന്ധപ്പെട്ട ഹര്ജികളിലാണ് ഇ.ഡിക്ക് എതിരായ സുപ്രീംകോടതി വിമര്ശനം.ടാസ്മാക് മദ്യ അഴിമതിയുമായി ബന്ധപ്പെട്ട് ഇ.ഡി നടത്തുന്ന അന്വേഷണങ്ങളും റെയ്ഡുകളും സ്റ്റേ ചെയ്തുകൊണ്ടാണ് ചീഫ് ജസ്റ്റിസ് ബി.ആര് ഗവായ് അധ്യക്ഷനായ ബഞ്ചിന്റെ വിമര്ശനം.വ്യക്തികള്ക്ക് എതിരെ ഇ.ഡിക്ക് കേസ് രജ്സ്റ്റര് ചെയ്യാം എന്നും കോര്പറേഷനുകള്ക്ക് എതിരെ എങ്ങനെയാണ് കുറ്റം ചുമത്തുക എന്നും ചീഫ് ജസ്റ്റീസ് അധ്യക്ഷനായ ബഞ്ച് ഇ.ഡിയോട് ചോദിച്ചു.ടാസ്മാകുമായി ബന്ധപ്പെട്ട് ആയിരം കോടി രൂപയടുടെ കള്ളപ്പണം വെളുപ്പിക്കലാണ് നടന്നതെന്ന് ഇ.ഡിക്ക് വേണ്ടി അഡീഷണല് സോളിസിറ്റര് ജനറല് എസ്.വി രാജു കോടതിയെ അറിയിച്ചു.എന്നാല് സംസ്ഥാന സര്ക്കാര് കേസെടുത്ത് അന്വേഷണം നടത്തുന്ന വിഷയത്തില് ഇ.ഡി എന്തിനാണഅ അനാവശ്യ തിടുക്കം കാട്ടുന്നതെന്ന് ചീഫ് ജസ്റ്റിസ് ചോദിച്ചു.ഇ.ഡി ഫെഡറല് സംവിധാനത്തെ വെല്ലുവിളിക്കുകയാണെന്നും ചീഫ് ജസ്റ്റിസ് വിമര്ശിച്ചു.
ടാസ്മാക് മദ്യ അഴിമതി സംബന്ധിച്ച് അന്വേഷണം നടത്താന് ഇ.ഡിക്ക് മദ്രാസ് ഹൈക്കോടതി അനുമതി നല്കിയിരുന്നു.മദ്രാസ് ഹൈക്കോടതിയുടെ ഈ ഉത്തരവ് ചോദ്യം ചെയ്താണ് തമിഴ്നാട് സര്ക്കാര് സുപ്രീംകോടതിയെ സമീപിച്ചത്.വിഷയത്തില് മറുപടി നല്കുന്നതിന് ഇ.ഡിക്ക് കോടതി രണ്ടാഴ്ച്ചത്തെ സമയം അനുവദിച്ചു.
