വിമാനയാത്ര ചെയ്യാനുള്ള ഭയം നിമിത്തം ഒരു പ്രവാസി യുവാവ് യാത്ര മുടക്കിയത് അഞ്ച് തവണ.ദുബൈയിലാണ് സംഭവം.ഓരോതവണയും വിമാനത്താവളത്തില്‍ എത്തി ഇമിഗ്രേഷന് സമീപത്ത് എത്തുമ്പോള്‍ യുവാവിന് പരിഭ്രാന്തി ആരംഭിക്കും.ശ്വാസംകിട്ടാതെ പരിഭ്രാന്തനായി തിരിച്ചോടും.വിമാനത്തില്‍ കയറാനുള്ള ഭയം കാരണം കഴിഞ്ഞ അഞ്ച് വര്‍ഷമായി നാട്ടിലേക്ക് പോയിട്ടില്ല.യുവാവ് അഞ്ചാം തവണ യാത്രചെയ്യാന്‍ എത്തിയപ്പോള്‍ വിമാനത്താവളത്തില്‍ പരിഭ്രാന്തനായി ഓടുന്നത് ടെര്‍മിനല്‍ സര്‍വീസ് ഡ്യൂട്ടി ഓഫീസര്‍ ശ്രദ്ധിച്ചു.പ്രശ്‌നം എന്തെന്ന് ചോദിച്ചറിഞ്ഞു.
തുടര്‍ന്ന് വിമാനത്താവള ഉദ്യോഗസ്ഥര്‍ ഈ യുവാവിന്റെ ഭയം മറികടക്കാന്‍ സഹായിക്കുന്നതിന് തീരുമാനിച്ചു.മാനസികമായി പിന്തുണ നല്‍കി.പ്രശ്‌നപരിഹാരത്തിന് വൈദ്യസഹായം അടക്കം ലഭ്യമാക്കി.വൈകാതെ ഭയരഹിതനായി യുവാവ് സ്വദേശത്തേക്ക് മടങ്ങുകയും ചെയ്തു.യാത്രക്കാരെ നല്ല രീതിയില്‍ യാത്രയയക്കേണ്ടത് തങ്ങളുടെ കടയാണെന്നാണ് ഈ സംഭവം വിവരിച്ചുകൊണ്ട് ദുബൈ രാജ്യാന്തരവിമാനത്താള അധികൃതര്‍ പറയുന്നത്.
ദുബൈ വിമാനത്താവളത്തില്‍ പരിഭ്രാന്തനായി ഓടി യുവാവ്:പ്രശ്‌നപരിഹാരവുമായി ഇമിഗ്രേഷന്
