ചടയമംഗലത്ത് പൊലീസ് ഉദ്യോഗസ്ഥനെ വീട്ടിനുള്ളിൽ തൂങ്ങി മരിച്ചനിലയിൽ കണ്ടെത്തി. പാങ്ങോട് പൊലീസ് സ്റ്റേഷനിലെ സീനിയർ സിവിൽ പൊലീസ് ഓഫീസർ ബിനു (41)ആണ് മരിച്ചത്. ഔട്ട് ഹൗസിലെ ഫാനിൽ തൂങ്ങിയ നിലയിലാണ് മൃതദേഹം. ചടയമംഗലം കലയം സ്വദേശിയാണ് ബിനു. ബുധനാഴ്ച രാവിലെയാണ് സംഭവം.
ദിവസവും പ്രഭാതസവാരിക്കായി പോകുന്ന പതിവുണ്ട്. പതിവുപോലെ വീട്ടിൽനിന്നിറങ്ങിയതിന് പിന്നാലെയാണ് മരിച്ചനിലയിൽ കണ്ടത്. സംഭവസമയത്ത് വീട്ടിൽ അമ്മയും ഭാര്യയും ഉണ്ടായിരുന്നു. എന്താണ് മരണ കാരണമെന്ന് വ്യക്തമല്ല. മൃതദേഹം ആശുപത്രിയിലേക്ക് മാറ്റും. പോസ്റ്റ്മോർട്ടത്തിന് ശേഷം വീട്ടുകാർക്ക് വിട്ടുനൽകും. സംഭവത്തിൽ ചടയമംഗലം പോലീസ് കേസെടുത്തു.
