ഹേമ കമ്മിറ്റി റിപ്പോര്ട്ട് പുറത്തുവന്നതിന് പിന്നാലെ സിനിമയ മേഖലയില് നിന്നും ഉയര്ന്നുവന്ന വിവാദങ്ങളില് ആദ്യ പ്രതികരണവുമായി മമ്മൂട്ടി.ഫെയ്സ്ബുക്ക് കുറിപ്പിലൂടെയാണ് മമ്മൂട്ടിയുടെ പ്രതികരണം. സംഘടനയും നേതൃത്വവും ആദ്യം പ്രതികരിക്കുകയെന്നതാണ് സംഘടനാരീതി.ഔദ്യോഗിക പ്രതികരണത്തിന് ശേഷമാണ് അംഗം എന്ന നിലയില് പറയേണ്ടത് എന്നതുകൊണ്ടാണ് ഇത്രയും കാത്തത് എന്നാണ് മമ്മൂട്ടി വിശദീകരിക്കുന്നത്.
സമൂഹത്തിന്റെ പരിച്ഛേദം തന്നെയാണ് സിനിമ. സമൂഹത്തിലെ എല്ലാ നന്മതിന്മകളും സിനിമയിലുമുണ്ട്. സിനിമാമേഖല സമൂഹം സൂക്ഷ്മമായി ശ്രദ്ധിക്കുന്ന ഒന്നാണ്. അതുകൊണ്ടുതന്നെ അവിടെ സംഭവിക്കുന്ന ചെറുതും വലുതുമായ എല്ലാകാര്യങ്ങളും വലിയ ചര്ച്ചയ്ക്കിടയാക്കും. ഈ രംഗത്ത് അനഭിലഷണീയമായതൊന്നും സംഭവിക്കാതിരിക്കാന് സിനിമാപ്രവര്ത്തകര് ശ്രദ്ധിക്കേണ്ടതുണ്ട്.
ഒരിക്കലും സംഭവിക്കാന്പാടില്ലാത്ത ചിലത് സംഭവിച്ചതിനെത്തുടര്ന്ന് സിനിമാമേഖലയെക്കുറിച്ച് പഠിച്ച് റിപ്പോര്ട്ട് തയ്യാറാക്കി പരിഹാരങ്ങള് നിര്ദേശിക്കാനും നടപടികള് ശുപാര്ശ ചെയ്യാനും സര്ക്കാര് രൂപീകരിച്ചതാണ് ജസ്റ്റിസ് ഹേമ കമ്മറ്റി. ജസ്റ്റിസ് ഹേമ കമ്മറ്റി റിപ്പോര്ട്ടിലെ പ്രായോഗികമായ ശുപാര്ശകള് നടപ്പാക്കണമെന്നും അതിന് നിയമതടസ്സങ്ങളുണ്ടെങ്കില് ആവശ്യമായ നിയമനിര്മാണം നടത്തണമെന്നും മമ്മൂട്ടി അഭ്യര്ത്ഥിച്ചു.ജസ്റ്റിസ് ഹേമ കമ്മറ്റി റിപ്പോര്ട്ടിന്റെ പൂര്ണരൂപം കോടതിയുടെ മുന്നിലുമാണ്. പോലീസ് സത്യസന്ധമായി അന്വേഷിക്കട്ടെ. ശിക്ഷാവിധികള് കോടതി തീരുമാനിക്കട്ടെ. സിനിമയില് ഒരു ‘ശക്തികേന്ദ്ര’വുമില്ല. അങ്ങനെയൊന്നിന് നിലനില്ക്കാന് പറ്റുന്ന രംഗവുമല്ല സിനിമ. ആത്യന്തികമായി സിനിമ നിലനില്ക്കണം
എന്നും മമ്മൂട്ടി പറഞ്ഞു.
