Tuesday, May 21, 2024
HomeNewsGulfഷാര്‍ജയില്‍ നിന്നും മസ്‌ക്കത്തിലേക്ക് ബസ് സര്‍വീസിന് തുടക്കം: പ്രതിദിനം രണ്ട് സര്‍വീസുകള്‍

ഷാര്‍ജയില്‍ നിന്നും മസ്‌ക്കത്തിലേക്ക് ബസ് സര്‍വീസിന് തുടക്കം: പ്രതിദിനം രണ്ട് സര്‍വീസുകള്‍


ഷാര്‍ജയില്‍ നിന്നും ഒമാന്‍ തലസ്ഥാനമായ മസ്‌ക്കത്തിലേക്ക് ബസ് സര്‍വീസ് ആരംഭിച്ചു. പ്രതിദിനം രണ്ട് സര്‍വീസുകള്‍ ആണ് ഇരുനഗരങ്ങള്‍ക്കുമിടയില്‍ നടത്തുന്നത്. 95.40 ദിര്‍ഹം ആണ് ഒരു വശത്തേക്ക് ടിക്കറ്റ് നിരക്ക്.ഷാര്‍ജ അല്‍ ജുബൈല്‍ ബസ് സ്റ്റേഷനില്‍ നിന്നും രാവിലെ ആറരയ്ക്കാണ് ഒമാന്‍ തലസ്ഥാനമായ മസ്‌ക്കറ്റിലേക്ക് മവാസലാത്തിന്റെ ആദ്യ ബസ് പുറപ്പെട്ടത്. മസ്‌ക്കത്തില്‍ നിന്നും ഷാര്‍ജയിലേക്കുള്ള ആദ്യ ബസും രാവിലെ ആറരയ്ക്കാണ്. പ്രതിദിനം ഇരുനഗരങ്ങളള്‍ക്കുമിടയില്‍ രണ്ട് ബസ് സര്‍വീസുകള്‍ ആണ് നിലവില്‍ ക്രമീകരിച്ചിരിക്കുന്നത്.

രാവിലെ ആറരയ്ക്ക് ജുബൈലില്‍ നിന്നും പുറപ്പെടുന്ന ബസ് ഉച്ചതിരിച്ച് രണ്ടരയ്ക്ക് മസ്‌ക്കത്തിലെ അസൈബ ബസ്റ്റേഷനില്‍ എത്തും. രാവിലെ ആറരയ്ക്ക് മസ്‌ക്കത്തില്‍ നിന്നും പുറപ്പെടുന്ന ബസ് ഷാര്‍ജയില്‍ 3.40-ന് ആണ് എത്തുന്നത്. ഷാര്‍ജയില്‍ നിന്നും വൈകിട്ട് നാല് മണിക്കാണ് മസ്‌ക്കത്തിലേക്കുള്ള രണ്ടാമത്തെ ബസ്. ഇത് രാത്രി പന്ത്രണ്ടോട് കൂടി മസ്‌ക്കത്തില്‍ എത്തും. മസ്‌കത്തില്‍ നിന്നും വൈകിട്ട് നാലിന് പുറപ്പെടുന്ന രണ്ടാമത്തെ ബസ് പുലര്‍ച്ചെ 1.10-നും ഷാര്‍ജ ജുബൈല്‍ ബസ് സ്റ്റേഷനില്‍ എത്തും. ഷാര്‍ജയില്‍ നിന്നും ഫുജൈറ വഴി കല്‍ബയില്‍ എത്തിയാണ് ബസ് ഒമാനിലേക്ക് പ്രവേശിക്കുന്നത്.

ഇരുവശത്തേക്കുമുള്ള യാത്രയ്ക്ക് 276 ദിര്‍ഹം ആണ് ടിക്കറ്റ് നിരക്ക്. യാത്രക്കാര്‍ക്ക് ഇരുപത്തിമൂന്ന് കിലോഗ്രാം ചെക്കിന്‍ ബാഗേജിന് ഒപ്പം ഏഴ് കിലോഗ്രാം ഹാന്‍ഡ് ബാഗേജും അനുവദിക്കുന്നുണ്ട്.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments