അഴിമതിയും കുടുംബാധിപത്യവും രാജ്യത്തിന് ദോഷം ചെയ്യുകയെ ഉള്ളു എന്നാണ് പ്രതിപക്ഷ ഐക്യ നീക്കങ്ങളെ പരിഹസിച്ചു കൊണ്ട് പ്രധാനമന്ത്രി നരേന്ദ്ര മോദി പറയുന്നത്. ബെംഗളൂരുവില്‍ പ്രതിപക്ഷ പാര്‍ട്ടികള്‍ യോഗംചേര്‍ന്നതിന് തൊട്ടുപിന്നാലെയാണ് എന്‍ഡിഎ യോഗത്തില്‍ പ്രതിപക്ഷ സഖ്യത്തിനെതിരെ അദ്ദേഹം രൂക്ഷ വിമര്‍ശനം ഉന്നയിച്ചത്. സഖ്യ നീക്കങ്ങളെ എങ്ങനെ ആണ് മോഡി കൈകാര്യം ചെയ്യുക എന്ന് രാജ്യം ഉറ്റു നോക്കുന്നതിനിടെ ആണ് വളരെ രൂക്ഷമായി തന്നെ വിമർശനം ഉയർത്തുന്നത്. വരുന്ന ലോക്സഭാ തിരഞ്ഞെടുപ്പിൽ മോദിയുടെ അപ്രമാദിത്യം തകർക്കാൻ രാഷ്ട്രീയ വൈര്യം മറന്ന് പ്രതിപക്ഷ പാർട്ടികൾ കൈ കോർക്കുന്നതാണ് കഴിഞ്ഞ ദിവസങ്ങളിൽ കണ്ടത്.
സഖ്യം വിജയംകാണില്ലെന്ന് മോദി പറഞ്ഞു.
കുടുംബാധിപത്യ പാർട്ടിയും അഴിമതിക്കാരും ഉൾപ്പെട്ട സഖ്യം രാജ്യത്തെ പരാജയപ്പെടുത്തും.എന്നാൽ NDA രാജ്യത്തിൻറെ സഖ്യത്തിന് വേണ്ടിയാണു പ്രവർത്തിക്കുന്നത്. NDA രൂപീകരിച്ചത് ആർക്കെങ്കിലും എതിരെയോ ആരെയെങ്കിലും അധികാരത്തിൽ നിന്നും താഴെ ഇറക്കാനോ അല്ല, രാജ്യത്ത് സ്ഥിരത കൊണ്ടുവരാൻ ആണ്. ഗാന്ധിയും അംബേദ്കറും ആഗ്രഹിച്ച സാമൂഹിക നീതി നടപ്പാക്കുകയാണ് എന്‍ഡിഎ ചെയ്യുന്നതെന്നും അദ്ദേഹം പറഞ്ഞു.
പ്രതിപക്ഷ ഐക്യം അഴിമതിക്കാരുടെ സംഗമം; പ്രതിപക്ഷ നീക്കങ്ങളെ പരിഹസിച്ച്‌ നരേന്ദ്ര മോദി
