ദുബായ് ഗ്ലോബല്‍ വില്ലേജ് ഒക്ടോബര്‍ 14ന് തുറക്കും. 31ാം സീസണ്‍ 2027 മെയ് വരെ 7 മാസത്തിലേറെ നീണ്ടുനില്‍ക്കും. ‘എ മോര്‍ വണ്ടര്‍ഫുള്‍ വേള്‍ഡ്’ എന്ന പ്രമേയത്തിലാണ് പുതിയ സീസണ്‍ എത്തുന്നത്.
ദുബായിലെ ഏറ്റവും ജനപ്രിയമായ വിനോദസഞ്ചാര കേന്ദ്രങ്ങളിലൊന്നായ ദുബായ് ഗ്ലോബല്‍ വില്ലേജ് സന്ദര്‍ശകരെ വരവേല്‍ക്കാന്‍ തയ്യാറെടുത്തുകഴിഞ്ഞു. വിനോദപരിപാടികള്‍ക്കും ഷോപ്പിങ്ങിനും വൈവിധ്യമാര്‍ന്ന ഭക്ഷണവിഭവങ്ങള്‍ക്കും പുറമെ നിരവധി പുതിയ ആകര്‍ഷണങ്ങളും ഇത്തവണ ഒരുക്കുന്നുണ്ട്. ‘എ മോര്‍ വണ്ടര്‍ഫുള്‍ വേള്‍ഡ്’ എന്ന പ്രമേയത്തിലാണ് പുതിയ സീസണ്‍.
വിവിധ രാജ്യങ്ങളുടെ സംസ്‌കാരം വിളിച്ചോതുന്ന പവലിയനുകള്‍, വൈവിധ്യമാര്‍ന്ന ഭക്ഷണശാലകള്‍, ലൈവ് സംഗീത പരിപാടികള്‍, സ്റ്റണ്ട് ഷോകള്‍, കുട്ടികള്‍ക്കായുള്ള വിനോദങ്ങള്‍, കാര്‍ണിവല്‍ റൈഡുകള്‍കള്‍ തുടങ്ഹി കൂടുതല്‍ വര്‍ണാഭമാകും ഇക്കുറി ഗ്ലോബല്‍ വില്ലേജ്. ഗ്ലോബല്‍ വില്ലേജില്‍ ഭക്ഷണ സ്റ്റാളുകളോ കഫേകളോ ആരംഭിക്കുന്നതിനുള്ള രജിസ്‌ട്രേഷന്‍ ഈ മാസം പതിനാറ് വരെ നീട്ടിയിട്ടുണ്ട്
വരുംദിവസങ്ങളില്‍ ടിക്കറ്റ് നിരക്കുകളും പ്രവര്‍ത്തനസമയവും അടക്കമുള്ള വിവരങ്ങള്‍ ഔദ്യോഗികമായി അറിയിക്കും. 1997ല്‍ ആരംഭിച്ച ഗ്ലോബല്‍ വില്ലേദ് ഇതുവരെ പത്ത് കോടിയിലധികം സന്ദര്‍ശകരെയാണ് വരവേറ്റത്.
