സീസണിലെ ആദ്യ അങ്കത്തിനു കച്ച കെട്ടി കേരള ബ്ലാസ്റ്റേഴ്സ്. ഡ്യൂറൻഡ് കപ്പ് ഫുട്‌ബോൾ പോരാട്ടത്തോടെയാണ് 2023 – 2024 സീസണിന് കേരള ബ്ലാസ്റ്റേഴ്സ് എഫ് സി തുടക്കം കുറിക്കുന്നത്. ഞായറാഴ്ച ഗോകുലം കേരള എഫ് സിക്കെതിരെയാണ് കേരള ബ്ലാസ്റ്റേഴ്സ് എഫ് സിയുടെ ആദ്യ മത്സരം.
സച്ചിൻ സുരേഷാണ് കേരള ബ്ലാസ്റ്റേഴ്സ് എഫ് സിയുടെ സീസൺ ഉദ്ഘാട മത്സരത്തിൽ ഗോൾ വല കാക്കുന്നത്. 2023 ഇന്ത്യൻ സൂപ്പർ കപ്പിൽ സച്ചിൻ സുരേഷായിരുന്നു ഗോൾ കീപ്പർ. മികച്ച ഡിഫൻസായിരിക്കും ഈ സീസണിൽ കാണുക. 2023 – 2024 പ്രീ സീസൺ ട്രാൻസ്ഫറിലൂടെ രണ്ട് വമ്പൻ പ്രതിരോധക്കാർ കേരള ബ്ലാസ്റ്റേഴ്സ് എഫ് സി യിൽ എത്തി. ബംഗളൂരു എഫ് സിയിൽ നിന്ന് പ്രബീർ ദാസ്, മോഹൻ ബഗാൻ സൂപ്പർ ജയന്റ് ക്ലബ്ബിൽ നിന്ന് പ്രീതം കോട്ടാൽ എന്നിവരാണ് കേരള ബ്ലാസ്റ്റേഴ്സ് എഫ് സി ക്യാമ്പിലെത്തിയത്. ഇവർക്കൊപ്പം സന്ദീപ് സിങ്, മാർക്കൊ ലെസ്‌കോവിച്ച് എന്നിവരും സ്റ്റാർട്ടിങ് ഇലവനിൽ ഇറങ്ങാനാണ് സാധ്യത.
