ജി 20 രാജ്യങ്ങളുമായി യുഎഇയ്ക്ക് നേട്ടം മാത്രം: വിദേശ വ്യാപാര സഹമന്ത്രി

ദുബൈ: നിര്‍മ്മാണം, മൊത്ത വ്യാപാരം, ചെറുകിട വ്യാപാരം, യാത്ര, വിനോദസഞ്ചാരം എന്നീ രംഗങ്ങളിലാണ് ജി 20 രാജ്യങ്ങളുമായി മികച്ച പ്രകടനം ഉണ്ടായത്. കഴിഞ്ഞ വര്‍ഷങ്ങളെ അപേക്ഷിച്ച് ജി 20 രാജ്യങ്ങളുമായുള്ള വ്യാപാരത്തില്‍ വന്‍ മുന്നേറ്റം നടത്തിയൊണ് വിദേശവ്യാപാര സഹമന്ത്രി ഡോ.താനി ബിന്‍ അഹമ്മദ് അല്‍ സെയൂദി അറിയിച്ചത്. ബിസിനസ് രംഗത്ത് ഉണര്‍വുണ്ടായതോടെ കൂടുതല്‍ തൊഴിലവസരങ്ങളും സൃഷ്ടിക്കപ്പെടുന്നുണ്ട്. 2021നെ അപേക്ഷിച്ച് ജി 20 രാജ്യങ്ങളുമായുള്ള വ്യാപാരത്തില്‍ 21 ശതമാനത്തിന്റെ വര്‍ദ്ധനവാണ് രേഖപ്പെടുത്തിയത്. 2023ന്റെ ആദ്യ പകുതിയിലും ജി 20 രാജ്യങ്ങളുമായുള്ള എണ്ണയിതര വ്യാപരത്തില്‍ 10.6 ശതമാനം വളര്‍ച്ചയുണ്ടായി. ലോകമെമ്പാടും മറ്റ് രാജ്യങ്ങളുമായി വ്യാപാര ബന്ധം മെച്ചപ്പെടുത്താന്‍ യുഎഇ ശ്രമം തുടരുകയാണെന്നും ഇതിനായി സാമ്പത്തിക പങ്കാളിത്ത കരാര്‍ ഒപ്പുവെയ്ക്കുന്നുണ്ടെന്നും മന്ത്രി പറഞ്ഞു. ജി 20 ഉച്ചകോടിയില്‍ പങ്കെടുക്കാന്‍ ഡല്‍ഹിയില്‍ എത്തിയ അവസരത്തിലായിരുന്നു മന്ത്രിയുടെ പ്രതികരണം