ഇസ്രയേലിനെ ഇല്ലാതാക്കുക എന്ന പദ്ധതിയുടെ ശില്‍പ്പിയായിരുന്നു ഹസ്സന്‍ നസ്രള്ള എന്ന് ബെന്യമിന്‍ നെതന്യാഹു.പൂര്‍ണ്ണവിജയം കാണും വരെ ഹമാസിനും ഹിസ്ബുള്ളയ്ക്കും എതിരെ പോരാട്ടം തുടരും എന്നും നെതന്യഹു പറഞ്ഞു.ഹിസ്ബുള്ള മേധാവിയെ വധിച്ചതിന് ശേഷവും ഇസ്രയേല്‍ സൈന്യം ലബനനില്‍ രൂക്ഷമായ ആക്രമണം തുടരുകയാണ്.ഹിസ്ബുള്ള മേധാവി ഹസ്സന്‍ നസ്രള്ള വധിക്കപ്പെടേണ്ടത് അനിവാര്യതയായിരുന്നു എന്നാണ് ഇസ്രയേല്‍ പ്രധാനമന്ത്രി ബെന്യമിന്‍ നെതന്യാഹുവിന്റെ പ്രസ്താവന.എണ്ണിയാല്‍ തീരാത്തത്ര ഇസ്രയേലിയരുടെയും വിദേശപൗരന്‍മാരുടെയും മരണത്തിന് കാരണക്കാരനായ വ്യക്തിയാണ് കൊല്ലപ്പെട്ടത്.

നസ്രള്ള കൊല്ലപ്പെട്ടത് മധ്യപൂര്‍വ്വദേശത്തെ ശക്തിസമവാക്യങ്ങളില്‍ മാറ്റം വരുത്തും എന്നാണ് പ്രതീക്ഷിക്കുന്നതെന്നും നെതന്യാഹു പറഞ്ഞു. യുദ്ധലക്ഷ്യങ്ങള്‍ നേടിയെടുക്കുന്നതിനും വടക്കന്‍ ഇസ്രയലേലില്‍ നിന്നും കുടിയൊഴിപ്പിക്കപ്പെട്ടവരെ തിരികെ എത്തിക്കുന്നതിനും ഹിസ്ബുള്ളയെ തകര്‍ക്കുക എന്നത് അനിവാര്യമാണ്. ശത്രുകള്‍ക്ക് എതിരായ പോരാട്ടം ശക്തമായി തന്നെ തുടരുമെന്നും വരാനിരിക്കുന്നത് വെല്ലുവിളി നിറഞ്ഞ ദിവസങ്ങളായിരിക്കും എന്നും ബെന്യമിന്‍ നെതന്യാഹു പറഞ്ഞു.ലബനില്‍ ഇസ്രയേല്‍ തീവ്രമായ ആക്രമണം ആണ് തുടരുന്നത്.ശനി ഞായര്‍ ദിവസങ്ങളിലായി 44 പേര്‍ കൂടി ലബനിനല്‍ കൊല്ലപ്പെട്ടു. കഴിഞ്ഞ തിങ്കളാഴ്ച്ചയ്ക്ക് ശേഷം മാത്രം എണ്ണൂറിലധികം പേരാണ് ലബനനില്‍ കൊല്ലപ്പെട്ടത്.

ഇസ്രയല്‍ ആക്രമണം ഭയന്ന് ലബനന്‍ തലസ്ഥാനമായി ബെയ്‌റൂത്തിലും ജനങ്ങള്‍ വീടുകള്‍ വിട്ടിറങ്ങുകയാണ്. തെരുവുകളിലാണ് പതിനായിരങ്ങള്‍ കഴിയുന്നത്.ഇസ്രയേല്‍ അതിര്‍ത്തിയില്‍ നിന്നും പതിനായിരങ്ങള്‍ പലായനം ചെയ്യുകയും ചെയ്തു.അതെസമയം ഹസ്രന്‍ നസ്രയുടെ വധത്തിന് ശേഷവും ഹിസ്ബുള്ള ഇസ്രയേല്‍ ലക്ഷ്യമിട്ട് ആക്രമണം നടത്തുന്നുണ്ട്.

പലസ്തീന്‍ രാഷ്ട്രരൂപീകരണത്തിനായി പുതിയ രാജ്യാന്തര സഖ്യം പ്രഖ്യാപിച്ച് സൗദി അറേബ്യ. വിവിധ ലോകരാഷ്ട്രങ്ങളെ ഉള്‍പ്പെടുത്തിയാകും ആഗോളസഖ്യം.പലസ്തീന്‍ പ്രശ്‌നത്തിന് ദ്വിരാഷ്ട്രപരിഹാരം കാണുകയാണ് ലക്ഷ്യം.ന്യൂയോര്‍ക്കില്‍ യു.എന്‍ ജനറല്‍ അസംബ്ലിയില്‍ വിദേശകാര്യമന്ത്രി ഫൈസല്‍ ബിന്‍ ഫര്‍ഹാന്‍ രാജകുമാരന്‍ ആണ് പ്രഖ്യാപനം പുതിയ സഖ്യരുപീകരണത്തിന്റെ പ്രഖ്യാപനം നടത്തിയത്.അറബ് ഇസ്ലാമിക് രാഷ്ട്രങ്ങളേയും യൂറോപ്യന്‍ രാജ്യങ്ങളെയും ഉള്‍പ്പെടുത്തിയാണ് സഖ്യം രൂപീകരിക്കുക.

എന്നാല്‍ ഏതെല്ലാം രാഷ്ട്രങ്ങള്‍ സഖ്യത്തില്‍ ചേരുന്നതിന് സന്നദ്ധത അറിയിച്ചിട്ടുണ്ടെന്ന് സൗദി വിദേശകാര്യമന്ത്രി വെളിപ്പെടുത്തിയില്ല.പലസ്തീന്‍ പ്രതിസന്ധിക്ക് ദ്വിരാഷ്ട്ര പരിഹാരം എന്ന നിലപാടിലുന്നിയായിരിക്കും സഖ്യത്തിന്റെ ഇടപെടലുകള്‍.പലസ്തീന്‍ പ്രശ്‌നത്തിന് പരിഹാരം കാണുന്നതിന് രാജ്യാന്തരതലത്തില്‍ നടക്കുന്ന ഇടപെടലുകള്‍ ഫലം കാണാത്ത സാഹചര്യത്തില്‍ ആണ് പുതിയ സംഖ്യം രുപീകരിക്കുന്നതിന് സൗദി അറേബ്യ ഒരുങ്ങുന്നത്.

സഖ്യത്തിന്റെ ആദ്യ യോഗം സൗദി തലസ്ഥാനമാ. റിയാദില്‍ നടക്കുമെന്നും ഫൈസല്‍ ബിന്‍ ഫര്‍ഹാന്‍ രാജകുമാരന്‍ പറഞ്ഞു.ഗാസയില്‍ അടിയന്തരമായി വെടിനിര്‍ത്തല്‍ നടപ്പാക്കി ദ്വിരാഷ്ട്ര പരിഹാരം കാണുകയാണ് ലക്ഷ്യം. ഇതില്‍ ഏറ്റവും പ്രധാനം സ്വതന്ത്രപലസ്തീന്‍ രാഷ്ട്രമാണെന്നും സൗദി വിദേശകാര്യമന്ത്രി പറഞ്ഞു. 1967-ലെ അതിര്‍ത്തികള്‍ പ്രകാരം കിഴക്കന്‍ ജറുസലേം തലസ്ഥാനമാക്കി പലസ്തീന്‍ രാഷ്ട്രം രുപീകരിക്കും വരെ ഇസ്രയേലുമായി ബന്ധം സ്ഥാപിക്കില്ലെന്ന് സൗദി അറേബ്യ വ്യക്തമാക്കിയിട്ടുണ്ട്.

ലബനന്‍ സായുധസംഘടനയായ ഹിസ്ബുള്ളയുടെ പരമോന്നത നേതാവ് ഹസ്സന്‍ നസ്രള്ള ഇസ്രയേല്‍ ആക്രമണത്തില്‍ കൊല്ലപ്പെട്ടു.ലബനന്‍ തലസ്ഥാനമായ ബെയ്‌റൂത്തില്‍ ഇന്നലെ രാത്രി നടത്തിയ ആക്രമണത്തില്‍ ആണ് മരണം. ഹസ്സന്‍ നസ്രള്ള കൊല്ലപ്പെട്ടതായി ഹിസ്ബുള്ളയും സ്ഥരിരീകരിച്ചു.

ലബനന്‍ തലസ്ഥാനമായ ബെയ്‌റൂത്തില്‍ ഹിസ്ഹുള്ളയുടെ കേന്ദ്രആസ്ഥാനത്ത് നടത്തിയ ആക്രമണത്തില്‍ ആണ് ഹിസ്ബുള്ളയുടെ പരമോന്നത നേതാവ് കൊല്ലപ്പെട്ടത് ഇസ്രയേല്‍ സൈന്യം അറിയിച്ചു.ഹസന്‍ നസ്രള്ളയെ ലക്ഷ്യമിട്ട് തെക്കന്‍ ബെയ്‌റൂത്തിലെ ദഹിയയില്‍ ഇസ്രയേല്‍ സൈന്യം കനത്ത മിസൈല്‍ ആക്രമണം ആണ് നടത്തിയത്. തുടര്‍ച്ചയായ ആക്രമണങ്ങളില്‍ നാല് കെട്ടിടങ്ങള്‍ ആണ് തകര്‍ന്നത്.കഴിഞ്ഞ മൂന്ന് പതിറ്റാണ്ടുകാലമായി ഹിസ്ബുള്ളയുടെ സെക്രട്ടറി ജനറല്‍ ആണ് ഹസ്സന്‍ നസ്രള്ള. 1992-ല്‍ ആണ് ഹിസ്ബുള്ളയുടെ തലവനായി നസ്രള്ള ചുമതലയേറ്റത്.

പ്രാദേശിക സായുധസംഘം എന്നതില്‍ നിന്നും ലബനനിലെ പ്രമുഖ രാഷ്ട്രീയകക്ഷിയായും സായുധസേനയായും ഹിസ്ബുള്ള പിന്നീട് വളര്‍ന്നു.ഒക്ടോബര്‍ എട്ടിന് ഹമാസ് യുദ്ധം ആരംഭിച്ച ഘട്ടം മുതല്‍ ഹിസ്ബുള്ള ഇസ്രയേലിലേക്ക് ആക്രമണം നടത്തുന്നുണ്ട്.എന്നാല്‍ ഒരാഴ്ച്ച മുന്‍പ് ഹിസ്ബുള്ളയെ തുടച്ചുനീക്കുക എന്ന ലക്ഷ്യത്തില്‍ ഇസ്രയേല്‍ ശക്തമായ തിരിച്ചടി ആരംഭിക്കുകയായിരുന്നു.ഹിസ്ബുള്ളയുടെ ആശവിനിമയ സംവിധാനങ്ങളില്‍ സ്‌ഫോടനങ്ങള്‍ സൃഷ്ടിച്ചുകൊണ്ടായിരുന്നു തുടക്കം. പിന്നീട് ഹിസ്ബുള്ളയുടെ കമാന്‍ഡര്‍മാരെ ഓരോരുത്തരേയായി വധിച്ചു. ഒടുവില്‍ പരമോന്നത നേതാവ് ഹസ്സന്‍ നസ്രള്ളയേയും

അമേരിക്കയും യുഎഇയും അടക്കമുള്ള രാഷ്ട്രങ്ങളുടെ വെടിനിര്‍ത്തല്‍ നിര്‍ദ്ദേശം തള്ളി ഇസ്രയേല്‍. തലസ്ഥാന ബെയ്‌റൂത്ത് അടക്കം ലബനനില്‍ ഇസ്രയേല്‍ സൈന്യം വ്യോമാക്രണം കടുപ്പിക്കുകയും ചെയ്തു. ലബനനില്‍ കരയുദ്ധം ആരംഭിക്കുമെന്ന സൂചനയും ഇസ്രയേല്‍ നല്‍കുന്നുണ്ട്.

അമേരിക്ക,യുഎഇ,സൗദി അറേബ്യ,യു.കെ തുടങ്ങിയ പന്ത്രണ്ട് രാജ്യങ്ങള്‍ ആണ് ഇസ്രയേലും ഹിസ്ബുള്ളയും തമ്മില്‍ ഇരുപത്തിയൊന്ന് ദിവസത്തെ വെടിനിര്‍ത്തലിന് ധാരണയില്‍ എത്തണം എന്ന് ആഹ്വാനം ചെയ്തത്. എന്നാല്‍ ഏറ്റവും അടുത്ത സഖ്യകക്ഷിയായ അമേരിക്കയുടെ അടക്കം ആവശ്യം തള്ളിയ ഇസ്രയേല്‍ ലബനനില്‍ ആക്രമണം കൂടുതല്‍ ശക്തിപ്പെടുത്തി. ബെയ്‌റൂത്ത് അടക്കം ലബനന്റെ വിവിധ ഭാഗങ്ങളില്‍ രൂക്ഷമായ ആക്രമണം ആണ് ഇസ്രയേല്‍ നടത്തുന്നത്. ബെയ്‌റൂത്തില്‍ ഇസ്രയേല്‍ ആക്രമണത്തില്‍ രണ്ട് പേര്‍ മരിച്ചെന്നും പതിനഞ്ച് പേര്‍ക്ക് പരുക്കേറ്റെന്നും ലബനന്‍ ആരോഗ്യമന്ത്രാലയം അറിയിച്ചു. ഇന്ന് മാത്രം ഇരുപത്തിയാറ് പേര്‍ രാജ്യത്ത് കൊല്ലപ്പെട്ടു.

തിങ്കളാഴ്ച്ച ശേഷം ഇസ്രയേല്‍ ആക്രമണങ്ങളില്‍ അറുനൂറിലധികം പേരാണ് മരിച്ചത്.ഇസ്രയേല്‍ ആക്രമണം ഭയന്ന് തൊണ്ണൂറായിരത്തോളം പേര്‍ പലായനം ചെയ്തു. കഴിഞ്ഞ മൂന്ന് ദിവസങ്ങള്‍ക്കിടയില്‍ മാത്രം മുപ്പതിനായിരത്തോളം പേര്‍ ലബനനില്‍ വീടുകള്‍വിട്ടിറങ്ങിയെന്ന് ആഭ്യന്തരമന്ത്രാലയം അറിയിച്ചു.പൂര്‍ണ്ണശക്തിയില്‍ ലബനനില്‍ ആക്രമണം നടത്താനാണ് ഇസ്രയേല്‍ സൈന്യത്തിന് പ്രധാനമന്ത്രി ബെന്യമിന്‍ നെതന്യാഹു നിര്‍ദ്ദേശം നല്‍കിയിരിക്കുന്നത്. ഇന്നും ഇസ്രയേല്‍ ലക്ഷ്യമിട്ട് ഹിസ്ബുള്ളയും റോക്കറ്റുകള്‍ തൊടുത്തു. വടക്കന്‍ ഇസ്രയേല്‍ ലക്ഷ്യമിട്ടായിരുന്നു ഹിസ്ബുള്ളയുടെ ആക്രമണശ്രമം. പത്ത് റോക്കറ്റുകള്‍ തകര്‍ത്തതായി ഇസ്രയേല്‍ പ്രതിരോധസേന അറിയിച്ചു.