ലിവ ഇന്റര്‍നാഷണല്‍ ഫെസ്റ്റിവല്‍ ഡിസം 12 മുതല്‍ അബുദബി അല്‍ ദഫ്ര മണലാരണ്യത്തില്‍ ആരംഭിക്കും. 23 ദിവസം നീണ്ട് നില്‍ക്കുന്ന ഫെസ്റ്റിവലില്‍ സംസ്‌ക്കാരിക – വിനോദ പരിപാടികള്‍കൊണ്ട് സമ്പന്നമായിരിക്കും.
മരുഭൂമിയിലെ മഹാവേദി. അതാണ് ലിവ ഇന്റര്‍നാഷണല്‍ ഫെസ്റ്റിവല്‍. യുഎഇയിലെ ഏറ്റവും വലിയ മണല്‍കൂനയായ താല്‍ മൊറീബിന്റെ താഴ്വാരത്തായി ഡിസംബര്‍ 12 ന് ആരംഭിക്കുന്ന ഫെസ്റ്റിവലില്‍ മോട്ടോര്‍ സ്‌പോര്‍ട്ട് മുതല്‍ കമ്മ്യൂണിറ്റി ജീവിതം വരെ ആസ്വദിക്കാനുള്ള അവസരമാണ് ഒരുങ്ങുന്നത്. എയര്‍ ഷോ, ഡ്രോണ്‍ പ്രൊജക്ഷന്‍, ഹോട്ട് എയര്‍ ബലൂണ്‍സ്, മരുഭൂമിയിലെ മത്സരയോട്ടങ്ങള്‍, ലൈവ് കണ്‍സര്‍ട്ടുകള്‍, എന്നുവേണ്ട നിരവധി കായിക – വിനോദ പരിപാടികളാണ് ഇത്തവണ പ്രേക്ഷകനെ കാത്തിരിക്കുന്നത്. പരിപാടികള്‍ കണ്ട് രാത്രിമുഴുവന്‍ നക്ഷത്രവും ആസ്വദിച്ച് രാവ് മുഴുവന്‍ മലരാരണ്യത്തില്‍ ടെന്റടിച്ച് കഴിയാനുള്ള അവസരവും കൂടിയാണ് ലിവ് ഫെസ്റ്റിവല്‍. ജനുവരി മൂന്ന് വരെ നടക്കുന്ന ഫെസ്റ്റിവലിലേക്കുള്ള പ്രവേശനം സൗജന്യമാണ്.
ലിവ ഇന്റര്‍നാഷണല്‍ ഫെസ്റ്റിവല്‍ അബുദബി അല്‍ ദഫ്ര മണലാരണ്യത്തില്‍
RELATED ARTICLES
