യുഎഇയില്‍ നിന്നും പണം അയക്കുന്നതിന് നിരക്ക് ഏര്‍പ്പെടുത്തി എമിറേറ്റ്‌സ് എന്‍ബിഡി.26.25 ദിര്‍ഹം ആണ് നിരക്ക്.പണമയക്കല്‍ ഇനി സൗജന്യമാകില്ലെന്ന് ബാങ്ക് ഉപയോക്താക്കളെ അറിയിച്ചു.യുഎഇയില്‍ നിന്നും ഇന്ത്യ,പാക്കിസ്ഥാന്‍,ഈജിപ്ത്,ശ്രീലങ്ക,യുകെ തുടങ്ങിയ രാജ്യങ്ങളിലേക്ക് പണം അയക്കുന്നതിന് ആണ് എമിറേറ്റ്‌സ് എന്‍ബിഡി പ്രത്യേക നിരക്ക് ഏര്‍പ്പെടുത്തിയിരിക്കുന്നത്.ഓരോ തവണ പണം അയക്കുമ്പോഴും 26.25 ദിര്‍ഹം വീതം നിരക്കായി ഈടാക്കും.ബാങ്കിന്റെ സ്മാര്‍ട്ട് ആപ്ലിക്കേഷന്‍ ഓണ്‍ലൈന്‍ പ്ലാറ്റ്‌ഫോം എന്നിവ വഴി നേരിട്ട് പണം അയക്കുന്നതിന് ആണ് നിരക്ക്.നേരത്തെ ഈരാജ്യങ്ങളിലേക്കുള്ള എമിറേറ്റസ് എന്‍ബിഡിയുടെ ഡയറക്ട് റെമിറ്റന്‍സ് സര്‍വീസ് സൗജന്യമായിരുന്നു.സെപ്റ്റംബര്‍ ഒന്ന് മുതല്‍ ആണ് നിരക്ക് ഈടാക്കുക.
എല്ലാ രാജ്യന്തര ഇടപാടുകള്‍ക്കും നിരക്ക് ബാധകമായിരിക്കും എന്നും എമിറേറ്റ്‌സ് എന്‍ബിഡി അറിയിച്ചു.ഇത് സംബന്ധിച്ച് ഉപയോക്താക്കള്‍ക്ക് ബാങ്ക് ഇ-മെയ്ല്‍ അയക്കുന്നുണ്ട്.ഓരോ രാജ്യങ്ങളുടെയും പണം അയക്കല്‍ രീതിയുടെയും അടിസ്ഥാനത്തില്‍ യുഎഇയിലെ മറ്റ് ബാങ്കുകള്‍ ഇരുപത് ദിര്‍ഹം മുതല്‍ അറുപത് ദിര്‍ഹം വരെ നിരക്ക് ഈടാക്കുന്നുണ്ട്.ഈ രീതിയിലേക്കാണ് എമിറേറ്റ്‌സ് എന്‍ബിഡി മാറിയിരിക്കുന്നത്.
