പശ്ചിമേഷ്യയിലെ വ്യോമപാതകള്‍ തുറക്കുകയും വിമാനത്താവളങ്ങള്‍ പ്രവര്‍ത്തനം പുനരാരംഭിക്കുകയും ചെയ്‌തെങ്കിലും ഗള്‍ഫ് രാജ്യങ്ങള്‍ക്കും കേരളത്തിനും ഇടയിലെ വിമാനസര്‍വീസ് റദ്ദാക്കല്‍ തുടരുകയാണ്.ആയിരക്കണക്കിന് യാത്രക്കാരെയാണ് ഇത് ബാധിക്കുന്നത്.കേരളത്തിനും ഗള്‍ഫ് നഗരങ്ങള്‍ക്കുമിടയില്‍ ഇന്നലെ രാത്രിയും ഇന്നുമായി സര്‍വീസ് നടത്തേണ്ടിയിരുന്ന നാല്‍പ്പത്തിയെട്ട് വിമാനങ്ങള്‍ ആണ് റദ്ദാക്കപ്പെട്ടത്.കരിപ്പൂരില്‍ നിന്നും ഇന്ന് വിവിധ ഗള്‍ഫ് നഗരങ്ങളിലേക്ക് പറക്കേണ്ടിയിരുന്ന എട്ട് വിമാനങ്ങള്‍ ആണ് റദ്ദാക്കിയത്.കണ്ണൂര്‍ വിമാനത്താവളത്തിനും വിവിധ ഗള്‍ഫ് നഗരങ്ങള്‍ക്കുമിടയില്‍ ഇന്ന് സര്‍വീസ് നടത്തേണ്ടിയിരുന്ന പതിനേഴ് വിമാനങ്ങളും റദ്ദാക്കി.
കൊച്ചിക്കും ഗള്‍ഫ് നഗരങ്ങള്‍ക്കിടയില്‍ സര്‍വീസ് നടത്തേണ്ടിയിരുന്ന പതിനേഴ് വിമാനങ്ങളും റദ്ദാക്കപ്പെട്ടിട്ടുണ്ട്.നാളത്തെ ചില വിമാനങ്ങളും റദ്ദാക്കപ്പെട്ടിട്ടുണ്ട്. കണ്ണൂര്‍ വിമാനത്താവളത്തിനും ഗള്‍ഫ് രാജ്യങ്ങള്‍ക്കിടയില്‍ പറക്കേണ്ടിയിരുന്ന മൂന്ന് വിമാനങ്ങളും കരിപ്പൂരില്‍ നിന്നുള്ള ഒരു വിമാനവും ആണ് റദ്ദാക്കപ്പെട്ടത്.ഖത്തറിലേക്ക് ഇറാന്‍ മിസൈലുകള്‍ തൊടുത്തതിനെ തുടര്‍ന്ന് എയര്‍ഇന്ത്യ ഗള്‍ഫിലേക്കുള്ള മുഴുവന്‍ സര്‍വീസുകളും നിര്‍ത്തിവെച്ചിരുന്നു.ഇത് ഘട്ടംഘട്ടമായി പുനരാരംഭിക്കുകയാണെന്ന് എയര്‍ഇന്ത്യ അറിയിച്ചു.ഗള്‍ഫിലെ എയര്‍ലൈനുകളും തടസ്സങ്ങളും വൈകലുകളും ഉണ്ടാകാമെന്ന് യാത്രക്കാര്‍ മുന്നറിയിപ്പ് നല്‍കിയിട്ടുണ്ട്,
