യുഎഇയില്‍ തുറസ്സായ സ്ഥലങ്ങളില്‍ തൊഴിലെടുക്കുന്നവര്‍ക്ക് ഉച്ചവിശ്രമം പ്രഖ്യാപിച്ചു.ജൂണ്‍ പതിനഞ്ചിന് ഉച്ചവിശ്രമം പ്രാബല്യത്തില്‍ വരും.ഉച്ചക്ക്് രണ്ടര മണിക്കൂര്‍ സമയം ആണ് തൊഴിലാളികള്‍ക്ക് വിശ്രമം അനുവദിക്കേണ്ടത്്.
ജൂണ്‍ പതിനഞ്ച് മുതല്‍ മൂന്ന് മാസക്കാലത്തേക്കാണ് ഈ സമയത്ത് തൊഴിലാളികള്‍ക്ക് വിശ്രമം അനുവദിക്കേണ്ടത്.
ഉച്ചക്ക് പന്ത്രണ്ടര മുതല്‍ ഉച്ചതിരിഞ്ഞ് മൂന്ന് മണി വരെയാണ് ഉച്ചവിശ്രമം.തുറസ്സായ സ്ഥലത്ത് ജോലി ചെയ്യുന്നവര്‍ക്ക് കൊടുംചൂടില്‍ നിന്നും സംരക്ഷണം നല്‍കുന്നതിന് യുഎഇ ഇത് ഇരുപത്തിയൊന്നാമത് വര്‍ഷം ആണ് ഉച്ചവിശ്രമം പ്രഖ്യാപിക്കുന്നത്.തൊഴിലാളികള്‍ക്ക് വിശ്രമം അനുവദിക്കുന്നുണ്ടെന്ന് ഉറപ്പാക്കുന്നതിന് പരിശോധനകള്‍ നടത്തുമെന്ന് യുഎഇ മാനവവിഭവശേഷി മന്ത്രാലയം അറിയിച്ചു.
നിയമലംഘിച്ച് തൊഴിലാളികളെ കൊണ്ട് പണിയെടുപ്പിക്കുന്നര്‍ക്ക് പിഴ ശിക്ഷ ലഭിക്കും.ഒരു തൊഴിലാളിക്ക് അയ്യായിരം ദിര്‍ഹം എന്ന നിലയിലായിരിക്കും പിഴ.കൂടുതല്‍ തൊഴിലാളികള്‍ ഉണ്ടെങ്കില്‍ പരമാവധി അന്‍പതിനായിരം ദിര്‍ഹം വരെയായിരിക്കും പിഴ എന്ന് മാനവവിഭവശേഷിമന്ത്രാലയം അറിയിച്ചു.
