ദുബൈയില്‍ കായികവിനോദങ്ങള്‍ക്ക് മൈതാനങ്ങള്‍ സൗജന്യമായി ലഭ്യമാക്കി മുന്‍സിപ്പാലിറ്റി.ഒരു മണിക്കൂര്‍ സമയത്തേക്കാണ് മൈതാനങ്ങള്‍ അനുവദിക്കുന്നത്.ഫുട്‌ബോളോ ക്രിക്കറ്റോ കളിക്കുന്നതിന് മൈതാനങ്ങള്‍ പൂര്‍ണ്ണമായും സൗജന്യമായി ലഭ്യമാക്കുകയാണ് മുന്‍സിപ്പാലിറ്റി.ഒരു മണിക്കൂര്‍ സമയത്തേക്കാണ് മൈതാനം സൗജന്യമായി ലഭിക്കുക.കുടുംബങ്ങള്‍ക്ക് ഫോട്ടോഷൂട്ടിനും മൈതാനം സൗജന്യമായി ബുക്ക് ചെയ്യാം.എമിറേറ്റില്‍ വിവിധ ഭാഗങ്ങളിലായുള്ള മുപ്പതിലധികം മൈതാനങ്ങളില്‍ സൗകര്യപ്രദമായത് തെരഞ്ഞെടുക്കുന്നതിനും അവസരം ഉണ്ട്.

യുഎഇ പൗരന്‍മാര്‍ക്കും താമസവീസക്കാര്‍ക്കും മൈതാനം ബുക്ക് ചെയ്യാം.ദുബൈ മുന്‍സിപ്പാലിറ്റിയുടെ വെബ്‌സൈറ്റില്‍ യുഎഇ പാസ് ഉപയോഗിച്ച് ബുക്കിംഗ് പൂര്‍ത്തിയാക്കാം.വെബ്‌സൈറ്റില്‍ ബുക്ക് സ്‌പോര്‍ട്‌സ് ഫീല്‍ഡ് എന്നവിഭാഗത്തില്‍ ക്ലിക്ക് ചെയ്താല്‍ ബുക്കിംഗിലേക്ക് പ്രവേശിക്കാം.സൗകര്യപ്രദമായ മൈതനാവും അനുയോജ്യമായ സമയവും തെരഞ്ഞെടുത്ത് ബുക്കിംഗ് പൂര്‍ത്തിയാക്കാന്‍ കഴിയും.ബുക്കിംഗില്‍ തടസ്സം നേരിടുന്നുണ്ടെങ്കില്‍ 800900 എന്ന നമ്പറില്‍ ബന്ധപ്പെടാം.dubaipublicparks.ae എന്ന വെബ്‌സൈറ്റിലും മൈതാനും ബുക്ക് ചെയ്യാം.ഒരു വ്യക്തിക്ക് ആഴ്ച്ചയില്‍ ഒരു തവണ മാത്രമേ മൈതാനം ബുക്ക് ചെയ്യാന്‍ സാധിക്കു.

ഗാസ യുദ്ധം ആരംഭിച്ചതിന് ശേഷം പതിനയ്യായിരത്തോളം അംഗങ്ങളെ ഹമാസ് റിക്രൂട്ട് ചെയ്‌തെന്ന് റിപ്പോര്‍ട്ട്.ഇത്രയും തന്നെ ഹമാസ് ഹമാസ് പ്രവര്‍ത്തകര്‍ യുദ്ധത്തില്‍ കൊല്ലപ്പെടുകയും ചെയ്തു.അമേരിക്കന്‍ രഹസ്യാന്വേഷണ ഏജന്‍സികള്‍ ആണ് ഇക്കാര്യം വ്യക്തമാക്കുന്നത്.

2023 ഒക്ടോബറില്‍ ഗാസ യുദ്ധം തുടങ്ങിയതിന് ശേഷം പതിനായിരം മുതല്‍ പതിനയ്യായിരം വരെ പുതിയ അംഗങ്ങള്‍ക്ക് ഹമാസ് നിയമനം നല്‍കിയെന്നാണ് അമേരിക്കന്‍ രഹസ്യാന്വേഷണ ഏജന്‍സികളുടെ കണക്ക്.പുതിയതായി റിക്രൂട്ട് ചെയ്തവരില്‍ കൂടുതല്‍ പേരും യുവാക്കളും പരിശീലനം ലഭിക്കാത്തവരും ആണ്.ഇവരെ സുരക്ഷാ ആവശ്യങ്ങള്‍ക്കാണ് പ്രയോജനപ്പെടുത്തുന്നത്.ഹമാസ് ഇപ്പോഴും ഇസ്രയേലിന് ഭീഷണിയാണെന്നും അമേരിക്കന്‍ രഹസ്യാന്വേഷണ ഏജന്‍സികള്‍ വ്യക്തമാക്കുന്നുണ്ട്.

കൂടുതല്‍ യുവാക്കളെ റിക്രൂട്ട് ചെയ്യുന്നതിന് ഹമാസിന് കഴിഞ്ഞുവെങ്കിലും വലിയ ഭീഷണിയാകില്ലെന്നാണ് ഇസ്രയേലിന്റെ വിലയിരുത്തല്‍.ഇവരെ ഇസ്രയേലിന് എതിരാക്കാന്‍ കഴിയുമെങ്കിലും ആയുധങ്ങളോ പരിശീലനമോ നല്‍കുന്നതിന് ഹമാസിന് ശേഷിയില്ലെന്നും ഇസ്രയേലിന് വിലയിരുത്തല്‍ ഉണ്ട്.വെടിനിര്‍ത്തല്‍ പ്രാബല്യത്തില്‍ വന്നതിന് പിന്നാലെ ഹമാസ് ഭരണകൂടം ഗാസയുടെ നിയന്ത്രണം പുനസ്ഥാപിച്ചിട്ടുണ്ട്.ഗാസ മുനമ്പിന്റെ വിവിധ ഭാഗങ്ങളില്‍ സുരക്ഷാ ഉദ്യോഗസ്ഥരെയും വിന്യസിച്ചിട്ടുണ്ട്.

ഷാര്‍ജ മെലീഹയിലെ ഡയറി ഫാമില്‍ നിന്നുമുള്ള അടുത്ത ഉത്പന്നം വിപണയിലെത്തി. മെലീഹ ലബാനാണ് പുതിയതായി വിപണയില്‍ എത്തിച്ചത്. ദെയ്ദ് കാര്‍ഷിക പ്രദര്‍ശനത്തിലാണ് പുതിയ ഉത്പന്നം എത്തിച്ചത്.മെലീഹ പാലിന് വലിയ സ്വീകാര്യത ലഭിച്ചതിനു പിന്നാലെയാണ് മെലാഹ ഫാമില്‍ നിന്നുമുള്ള അടുത്ത ഉത്പന്നം വിപണിയില്‍ എത്തിയത്. ദെയ്ദില്‍ നടക്കുന്ന രണ്ടാമത് കാര്‍ഷിക പ്രദര്‍ശത്തില്‍ മെലീഹ ലബാന്‍ എത്തിച്ചു. ഉത്പന്നം വിപണിയില്‍ എത്തിച്ചതിനു പിന്നാലെ നിരവധി ആവശ്യക്കാര്‍ എത്തിയതായി ഷാര്‍ജ അഗ്രകള്‍ച്ചര്‍ ആന്റ് ലൈവ് സ്റ്റോക് ഡിപ്പാര്‍ട്ട്‌മെന്റ് ചെയര്‍മാന്‍ ഖലീഫ അല്‍ തുനൈജി പറഞ്ഞു. നിലവില്‍ പ്രതിദിനം 16,000 ലിറ്റര്‍ ലബാനാണ് ഉത്പാദിപ്പിക്കുന്നത്. 2 ലിറ്റര്‍, 1 ലിറ്റര്‍, 180 മില്ലി എന്നിങ്ങനെ മൂന്ന് അളവുകളിലായാണ് ലബാന്‍ വിപണിയില്‍ ലഭിക്കുക.

ഷാര്‍ജയില്‍ കോര്‍പ്പറേറ്റീവ് സൊസൈറ്റി വഴിയാണ് ലബാന്‍ വില്‍പനയ്ക്കായി എത്തിച്ചത്. ഭക്ഷ്യസ്വയം പര്യാപ്തത കൈവരിക്കാനുള്ള ഷാര്‍ജയുടെ ശ്രമങ്ങളിലെ പ്രധാന പദ്ധതിയാണ് മെലീഹയിലെ ഡയറി ഫാം. ഡെന്‍മാര്‍ക്കില്‍ നിന്നും എത്തിച്ച നാലായിരം പശുക്കളാണ് ഫാമിലുള്ളത്. ഈ വര്‍ഷം അവസാനത്തോടെ ഇത് ഇരട്ടിയാക്കും. മെലീഹയിലെ ഫാമില്‍ പ്രതിദിനം നാല്‍പതിനായിരം ലിറ്റര്‍ പാലാത് ഉത്പാദിപ്പിക്കുന്നത്. എ2എ2 പ്രോട്ടീനടങ്ങിയ ഉയര്‍ന്ന ഗുണനിലവാരമുള്ള പാലാണ് വിപണിയില്‍ എത്തിക്കുന്നത്. മൂന്ന് വര്‍ഷത്തിനുള്ളില്‍ ഫാമില്‍ പശുക്കളുടെ എണ്ണം ഇരുപതിനായിരമായി വര്‍ദ്ധിപ്പിക്കുമെന്നും ഖലീഫ അല്‍ തുനൈജി പറഞ്ഞു.