ഹൈദരാബാദില് കെട്ടിടത്തില് തീപിടിച്ച് പതിനേഴ് മരണം.ഇരുപതോളം പേര്ക്ക് പരുക്കേറ്റു.മരിച്ചവരില് എട്ട് പേര് കുട്ടികളാണ്.
ചാര്മിനാറിന് സമീപത്തുള്ള കെട്ടിടത്തില് ഇന്ന് രാവിലെ ആറരയോട് കൂടിയാണ് തീപിടുത്തം ഉണ്ടായത്.ജുവലറികള് പ്രവര്ത്തിക്കുന്ന കെട്ടിടത്തിന്റെ താഴത്തെ നിലയില് നിന്നാണ് തീ പടര്ന്നത്.മുകളിലുള്ള മൂന്ന് നിലകളിലേക്കും തീ വേഗത്തില് പടര്ന്നു.ഏറ്റവും മുകളിലെ മുറികളില് താമസച്ചിരുന്നവര് ആണ് മരിച്ചവരില് കൂടുതല് പേരും.പൊള്ളലേറ്റും പുകശ്വസിച്ചും ആണ് മരണങ്ങള്.
പതിനൊന്ന് അഗ്നിശമന സേനാ വാഹനങ്ങള് ചേര്ന്നാണ് തീ അണച്ചത്.പരുക്കേറ്റവരില് ചിലരുടെ നില ഗുരുതരമാണെന്നാണ് വിവരം.ഷോര്ട്ട് സര്ക്യൂട്ട് ആണ് തിപിടുത്തത്തിന് കാരണം എന്നാണ് സൂചന.തിപിടുത്തത്തില് മരണപ്പെട്ടവരുടെ ബന്ധുക്കള്ക്ക് രണ്ട് ലക്ഷം രൂപ വീതം നല്കുമെന്ന് പ്രധാനമന്ത്രി നരേന്ദ്രമോദി അറിയിച്ചു. പരുക്കേറ്റവര്ക്ക് അന്പതിനായിരം രൂപയും നല്കും.
