റീ എഡിറ്റിന് ശേഷവും എമ്പുരാന്‍ സിനിമയില്‍ ദേശവിരുദ്ധത എന്ന് ആര്‍എസ്എസ് മുഖപത്രമായ ഓര്‍ഗനൈസര്‍.മുരളി ഗോപി അരാജകത്വം പടര്‍ത്തുന്നുവെന്നും ഓര്‍ഗനൈസര്‍ ആരോപിക്കുന്നുണ്ട്.
എമ്പുരാന്റെ റീഎഡിറ്റ് പതിപ്പ് പുറത്തിറങ്ങിയതിന് ശേഷവും രൂക്ഷ വിമര്‍ശനം തുടരുകയാണ് ആര്‍എസ്എസ് മുഖപത്രമായ ഓര്‍ഗനൈസര്‍.റീ എഡിറ്റ് ചെയ്തതിന് ശേഷവും സിനിമയില്‍ ദേശവിരുദ്ധതയും ഹിന്ദു ക്രിസ്ത്യന്‍ വിരുദ്ധതയും തുടരുകയാണെന്നും ഓര്‍ഗനൈസര്‍ ആരോപിക്കുന്നു.കേരളയുവത്വം മയക്കുമരുന്നിന്റെയും അരാജകസിനികളുടെയും പിടിയിലാണ്.അതിന് സഹാകരമാകുന്ന രീതിയിലുള്ള പ്രമേയം ആണ് എമ്പുരാനില്‍ ഉള്ളത്.ദേശവിരുദ്ധതയ്ക്ക് വലിയ വില കൊടുക്കേണ്ടിവരും എന്നും ഓര്‍ഗനൈസര്‍ ഭീഷണി മുഴക്കുന്നുണ്ട്.
മുരളി ഗോപി രാജ്യത്തെ ഭരണകൂടത്തേയും നിയമസംഹിതകളേയും വെല്ലുവിളിക്കുന്ന വ്യക്തിയാണെന്നും ഓര്‍ഗനൈസര്‍ ആരോപിച്ചു.എമ്പുരാന്‍ സിനിമയ്ക്ക് എതിരെ സംഘപരിവാര്‍ കേന്ദ്രങ്ങള്‍ വിമര്‍ശനങ്ങള്‍ ഉയര്‍ത്തിയതിന് പിന്നാലെ സിനിമയില്‍ ഇരുപതിലധികം മാറ്റങ്ങള്‍ വരുത്തിയിരുന്നു.മൂന്ന് മണിക്കൂറുള്ള സിനിമയുടെ രണ്ട് മിനുട്ട് എട്ട് സെക്കന്റ് വരുന്ന ഭാഗം ആണ് നീക്കം ചെയ്തത്.
