ദുബൈയില്‍ അടുത്ത വര്‍ഷം സ്വയംനിയന്ത്രിത ടാക്‌സികള്‍ നിരത്തിലിറക്കാന്‍ ആര്‍ടിഎ ഒരുങ്ങുന്നു.വരും മാസങ്ങളില്‍ പരീക്ഷണ ഓട്ടം ആരംഭിക്കും.ചൈനീസ് കമ്പനിയായ ബൈഡുവുമായിട്ട് ഇത് സംബന്ധിച്ച കരാറില്‍ ആര്‍ടിഎ ഒപ്പുവെച്ചു.
ബൈഡുവിന്റെ അപ്പോളോ ഗോ ആണ് ദുബൈയില്‍ സര്വീസ് ആരംഭിക്കാന്‍ തയ്യാറെടുക്കുന്നത്.വരും മാസങ്ങളില്‍ അന്‍പതോളം സ്വയംനിയന്ത്രിത ടാക്‌സികളുടെ പരീക്ഷണ ഓട്ടം ദുബൈയില്‍ ആരംഭിക്കും എന്ന് ആര്‍ടിഎ അറിയിച്ചു.റോഡ്‌സ് ആന്റ് ട്രാന്സ്പോര്ട്ട് അതോറിട്ടി ചെയര്‍മാന്‍ മാത്തര്‍ അല്‍തായര്‍ പങ്കെടുത്ത ചടങ്ങളില്‍ ആര്‍ടിഎ പബ്ലിക് ട്രാന്സ്പോര്ട്ട് ഏജന്‍സി സി.ഇ.ഒ അഹമ്മദ് ഹാഷിം ബഹറോസിയനും ബൈഡു ജനറല്‍ മാനേജര്‍ ലിയാങ് സാങ്കും ആണ് കരാറില്‍ ഒപ്പുവെച്ചത്.
നാല്‍പ്പതോളം സെന്‍സറുകളുടെ സഹായത്തോടെ പ്രവര്‍ത്തിക്കുന്ന സ്വയംനിയന്ത്രിത ടാക്‌സികള്‍ ആണ് ബൈഡു ദുബൈയില്‍ നിരത്തിലിറക്കുന്നത്.2026-ല്‍ വാണിജ്യാടിസ്ഥാനത്തില്‍ സര്വീസ് ആരംഭിക്കുന്നതിന് ആണ് പദ്ധതി.മൂന്ന് വര്‍ഷത്തിനുള്ളില്‍ വാഹനങ്ങളുടെ എണ്ണം ആയിരമായി വര്‍ദ്ധിപ്പിക്കും.150 ദശലക്ഷം കിലോമീറ്ററോളം യാത്ര നടത്തി സുരക്ഷ ഉറപ്പാക്കിയാണ് ബൈഡുവിന്റെ സ്വയം നിയന്ത്രിത ടാക്‌സി ദുബൈയില്‍ നിരത്തിലിറക്കാന്‍ ഒരുങ്ങുന്നത്.ഡ്രൈവറില്ലാതെ പത്ത് ദശലക്ഷം ട്രിപ്പുകളും ബൈഡുവിന്റെ അപ്പോളോ ഗോ പൂര്‍ത്തിയാക്കിയിട്ടുണ്ട്.
