ക്രിസ്റ്റ്യാനോ റൊണാള്‍ഡോയ്ക്ക് പിന്നാലെ ബ്രസീലിയന്‍ സൂപ്പര്‍ താരം നെയ്മറും സൗദി പ്രോ ലീഗിലേക്ക്. പി.എസ്.ജിയില്‍ നിന്നാണ് നെയ്മര്‍ അല്‍ ഹിലാല്‍ ക്ലബിലേക്ക് എത്തുന്നത്. കൈമാറ്റം സംബന്ധിച്ച് ക്ലബുകള്‍ തമ്മില്‍ ധാരണയില്‍ എത്തിയെന്നാണ് റിപ്പോര്‍ട്ട്.രണ്ട് വര്‍ഷത്തേക്കുള്ള കരാറില്‍ മെയ്മര്‍ അല്‍ഹിലാല്‍ ക്ലബിലേക്ക് എത്തന്നത്. പി.എസ്.ജി വിടാന്‍ തീരുമാനിച്ച നെയ്മര്‍ ബാഴ്‌സയിലേക്ക് മടങ്ങുന്നുവെന്നായിരുന്നു റിപ്പോര്‍ട്ടുകള്‍. എന്നാല്‍ പിന്നീട് സൗദി പ്രോലീഗിലേക്ക് എത്താന്‍ താത്പര്യം പ്രകടിപ്പിക്കുകയായിരുന്നു.
മാറ്റം സംബന്ധിച്ച് പിഎസ്ജിയും അല്‍ഹിലാലും തമ്മില്‍ ധാരണയില്‍ എത്തിയതായി പ്രമുഖ ഫുട്‌ബോള്‍ ട്രാന്‍സഫര്‍ നിരീക്ഷകനായ ഫാബ്രിസിയോ റൊമാനോ ട്വീറ്റ് ചെയ്തു. നൂറ് ദശലക്ഷം ഡോളറിന്റെ കരാറിനാണ് പിഎസ്ജിയുടെ അല്‍ഹിലാലും തമ്മില്‍ ധാരണയില്‍ എത്തിയിരിക്കുന്നത്. എണ്‍പത്തിയെട്ട് ദശലക്ഷം ഡോളറായിരിക്കും നെയ്മറിന് ഒരു സീസണിലെ പ്രതിഫലം. 2017-ല്‍ റെക്കോര്‍ഡ് തുകയായ 222 ദസളക്ഷം ഡോളറിനാണ് നെയ്മര്‍ പി.എസ്.ജിയില്‍ എത്തിയത്. പിഎസ്ജിയില്‍ ഇതുവരെ 112 മത്സരങ്ങളില്‍ നിന്നായി എണ്‍പത്തിരണ്ട് ഗോളുകള്‍ മെയ്മര്‍ സ്‌കോര്‍ ചെയ്തു. ക്രിസ്റ്റിയാനോ റൊണാള്‍ഡോ കരീം ബെന്‍സേമ എന്നിവര്‍ക്ക് പിന്നാലെയാണ് നെയ്മറും സൗദി പ്രോ ലീഗിലേക്ക് എത്തുന്നത്.
