കുവൈത്തില്‍ അനധികൃത മദ്യനിര്‍മ്മാണശാലകള്‍ കണ്ടെത്തുന്നതിന് വ്യാപക പരിശോധന.അറുപത്തിയേഴ് പേര്‍ പിടിയിലായി.പിടിയിലായവരില്‍ സ്ത്രീകളും ഉണ്ട്.കുവൈത്ത് ആഭ്യന്തരമന്ത്രാലയത്തിന്റെയും ആരോഗ്യമന്ത്രാലയത്തിന്റെയും നേതൃത്വത്തില്‍ ആണ് രാജ്യാവ്യാപകമായി വ്യാജമദ്യ നിര്‍മ്മാണത്തിന് എതിരെ പരിശോധന നടത്തുന്നത്.പത്ത് മദ്യനിര്‍മ്മാണ-വിതരണ ശാലകള്‍ ആണ് അധികൃതര്‍ പരിശോധനയില്‍ കണ്ടെത്തിയത്.വന്‍തോതില്‍ മദ്യശേഖരവും പിടിച്ചെടുത്തു.വ്യവസായമേഖലയിലും-താമസമേഖലകളിലും എല്ലാ വ്യാജമദ്യമാഫിയ നിര്‍മ്മാണ യൂണിറ്റുകള്‍ പ്രവര്‍ത്തിപ്പച്ചിരുന്നു.മദ്യോല്‍പാദനത്തിനുള്ള ഉപകരണങ്ങളും വിതരണത്തിനുള്ള കുപ്പികളും അധികൃതര്‍ പിടിച്ചെടുത്തു.

മദ്യോത്പാദനത്തിന് നേതൃത്വം നല്‍കിയവരും വിതരണക്കാരും അടക്കം ആണ് അറുപത്തിയേഴ് പേര്‍ പിടിയിലായത്.നേപ്പാള്‍ സ്വദേശികളുടെ നേതൃത്വത്തിലാണ് മദ്യമാഫിയ പ്രവര്‍ത്തിച്ചിരുന്നത് എന്ന് ആഭ്യന്തരമന്ത്രാലയം അറിയിച്ചു.മദ്യവിതരണവുമായി ബന്ധപ്പെട്ട് നിരവധി ഇന്ത്യക്കാരും അറസ്റ്റിലായതായി റിപ്പോര്‍ട്ടുകള്‍ ഉണ്ട്.കുവൈത്ത് ഒന്നാം ഉപപ്രധാനമന്ത്രിയും ആഭ്യന്തരമന്ത്രിയുമായ ഷെയ്ഖ് ഫഹദ് യൂസഫ് അല്‍ സബാഹിന്റെ മേല്‍നോട്ടത്തിലാണ് രാജ്യവ്യാപക പരിശോധന നടത്തുന്നത്.കുവൈത്ത് വിഷമദ്യദുരന്തത്തില്‍ ഇരുപത്തിമൂന്ന് പേരാണ് മരിച്ചത്. ആശുപത്രികളില്‍ ചികിത്സയില്‍ കഴിയുന്ന 160 പേരില്‍ പലരുടെയും നില ഗുരുതരമാണ്.

സന്ദര്‍ശകവീസ നടപടിക്രമങ്ങള്‍ കുവൈത്ത് കൂടുതല്‍ ലളിതമാക്കി.രാജ്യത്തേക്ക് കൂടുതല്‍ സന്ദര്‍ശകരെ ആകര്‍ഷിക്കുകയാണ് ലക്ഷ്യം.ലളിതമായ നടപടിക്രമങ്ങളിലൂടെ വീസ അപേക്ഷസമര്‍പ്പിക്കാന്‍ കഴിയുന്ന സംവിധാനം ആണ് കുവൈത്ത് ഒരുക്കിയിരിക്കുന്നത്.കുവൈത്ത് വീസ എന്ന പേര്‍ട്ടലില്‍ ആണ് അപേക്ഷ സമര്‍പ്പിക്കേണ്ടത്.സന്ദര്‍ശന ആവശ്യം എന്തുതന്നെയായലും ഈ പോര്‍ട്ടില്‍ അപക്ഷ സമര്‍പ്പിക്കാം.വെബ്‌സൈറ്റില്‍ പ്രവേശിച്ച് വ്യക്തിഗത വിവരങ്ങളും യാത്രാവിവരങ്ങളും സമര്‍പ്പിച്ചാണ് അപേക്ഷിക്കേണ്ടത്.ടൂറിസ്റ്റ്,ബിസിനസ്,ഫാമിലി എന്നി വിഭാഗങ്ങളില്‍ വീസ ലഭ്യമാണ്.വീസ അപേക്ഷ അംഗീകരിക്കപ്പെട്ടാല്‍ ഫീസ് അടച്ച് നടപടിക്രമങ്ങള്‍ പൂര്‍ത്തിയാക്കാം.

കുവൈത്തിലേക്കുള്ള യാത്രകൂടുതല്‍ സുഗമമാകുക്കു എന്ന ലക്ഷ്യത്തിലാണ് ഇ-വീസ സംവിധാനം ഏര്‍പ്പെടുത്തിയിരിക്കുന്നത്.രാജ്യത്തേക്ക് കൂടുതല്‍ വിനോദസഞ്ചാരികളെ എത്തിക്കുക എന്ന ലക്ഷ്യത്തില്‍ വീസ നിബന്ധനകളില്‍ കുവൈത്ത് അടുത്തിടെ വലിയ പരിഷ്‌കാരങ്ങള്‍ നടത്തിയിരുന്നു.ജിസിസി രാജ്യത്ത് താമസക്കാരായിട്ടുള്ളവര്‍ക്ക് ഓണ്‍അറൈവല്‍ വീസയില്‍ കുവൈത്ത് സന്ദര്‍ശിക്കാം.

ജമ്മുകശ്മീരിലും ഹിമാചല്‍ പ്രദേശിലും മേഘവിസ്‌ഫോടനം.മിന്നല്‍ പ്രളയത്തില്‍ ജമ്മുകശ്മീരില്‍ 33 പേര്‍ മരിച്ചു.50ലധികം പേരെ രക്ഷപ്പെടുത്തി.രക്ഷാപ്രവര്‍ത്തനം പുരോഗമിക്കുന്നു.ജമ്മുകശ്മീരിലെ കിഷ്വാര്‍ജില്ലയിലാണ് മേഘവിസ്‌ഫോടനത്തെ തുടര്‍ന്ന് മിന്നല്‍പ്രളയം ഉണ്ടായത്.പാഡര്‍ മേഖലയിലെ ചോസിതി ഗ്രാമത്തില്‍ കനത്ത നാശനഷ്ടമുണ്ടായതായും റിപ്പോര്‍ട്ട്.നിരവഝിപേര്‍ മിന്നല്‍പ്രളയത്തില്‍ അകപ്പെട്ടതായാണ് പ്രാഥമിക നിഗമനം.സ്ഥലത്ത്ര ക്ഷാപ്രവര്‍ത്തനം.പുരോഗമിക്കുകയാണ്.എന്‍ഡിആര്‍എഫ്,എസ്ഡിആര്‍എഫ് സംഘങ്ങള്‍ സ്ഥലത്തെത്തിയിട്ടുണ്ട്.ക്വിഷ്ത്വാറിലെ മചൈല്‍ മാതാ തീര്‍ഥാടന കേന്ദ്രത്തിലേക്കുള്ള പാത തുടങ്ങുന്ന പ്രദേശത്താണ് മേഘവിസ്‌ഫോടനം ഉണ്ടായത്.

തീര്‍ത്ഥാടകരെ പ്രദേശത്ത് നിന്ന് മാറ്റുന്ന ദൃശ്യങ്ങളടക്കം പുറത്തുവന്നു.അതേസമയം ഹിമാചല്‍പ്രദേശിലും മിന്നല്‍പ്രളത്തില്‍ കാണാതായവര്‍ക്കായുള്ള തെരച്ചില്‍ പുരോഗമിക്കുകയാണ്.ഹിമാചലില്‍ ഷിംല,ലഹൗള്‍,സ്പിതി തുടങ്ങിയ ജില്ലകളെ മിന്നല്‍ പ്രളയം സാരമായി ബാധിച്ചു.സത്‌ലജ് നദിക്ക് കുറുകെയുള്ള പാലം വെള്ളപ്പൊക്കത്തില്‍ മുങ്ങി.റോഡ് ഗതാഗതം തടസപ്പെട്ടു.പലയിടങ്ങളിലും വെള്ളം കയറി.പാലങ്ങള്‍ ഒഴുകിപ്പോയതിനെ തുടര്‍ന്ന് ഷിംല ജില്ലയില്‍ രണ്ട് പ്രദേശങ്ങള്‍ ഒറ്റപ്പെട്ടു.കിന്നാവൂര്‍ ജില്ലയിലെ ഋഷി ഡോഗ്രി താഴ്വരയ്ക്ക് സമീപമാണ് മേഘവിസ്‌ഫോടനമുണ്ടായത്.

കുവൈറ്റ് വ്യാജമദ്യ ദുരന്തത്തില്‍ 13 പേര്‍ മരിച്ചെന്ന് സ്ഥിരീകരിച്ച് കുവൈത്ത് ആരോഗ്യമന്ത്രാലയം.അറുപത്തിമൂന്ന് പേര്‍ ചികിത്സയില്‍ ഉണ്ട്. ഇതില്‍ 40 പേര്‍ ഇന്ത്യക്കാരാണെന്ന് എംബസി അറിയിച്ചു.മരിച്ചവരില്‍ മലയാളികളും ഉള്‍പ്പെട്ടതായി അനൗദ്യോഗിക വിവരം.കുവൈത്ത് വിഷമദ്യ ദുരന്തവുമായി ബന്ധപ്പെട്ട് രണ്ട് പ്രവാസികള്‍ അറസ്റ്റില്‍.ഏഷ്യന്‍ രാജ്യക്കാരാണ് പിടിയിലായത്.ആഭ്യന്തരമന്ത്രാലയ വൃത്തങ്ങളെ ഉദ്ധരിച്ച് പ്രദേശിക അറബ് ദിനപത്രം ആണ് രണ്ട് ഏഷ്യക്കാര്‍ പിടിയിലായെന്ന് റിപ്പോര്‍ട്ട് ചെയ്തത്.ജിലീബ് അല്‍ ശുയൂഖ് ബ്ലോക്ക് നാലില്‍ മദ്യനിര്‍മ്മാണ യൂണിറ്റ് നടത്തിയിരുന്നവരാണ്പിടിയിലായത്.

ഏത് രാജ്യക്കാരാണ് പിടിയിലായതെന്ന് വ്യക്തല്ല. ഇവിടെ നിന്നും രാജ്യത്തിന്റെ വിവിധ ഭാഗങ്ങളിലേക്ക് മദ്യം എത്തിച്ചിരുന്നു എന്നാണ് വിവരം.മെഥനോള്‍ കലര്‍ന്ന മദ്യം ഇവിടെ നിന്നാണ് വിതരണം ചെയ്തത് എന്നാണ് അന്വേഷണം സംഘത്തിന്റെ കണ്ടെത്തല്‍.മദ്യ വിതരണക്കാരുടെ വിവരങ്ങളും അന്വേഷണം സംഘം ശേഖരിച്ച് വരികയാണ്.വരും ദിവസങ്ങളില്‍ കൂടുതല്‍ അറസ്റ്റ് ഉണ്ടാകും.സൗദി അറേബ്യയെ കൂടാതെ മദ്യനിരോധനമുള്ള ഏക ജിസിസി രാജ്യം ആണ് കുവൈത്ത്.എന്നാല്‍ അനധികൃത മദ്യനിര്‍മ്മാണം രാജ്യത്ത് വ്യാപകമാണ്.ഈ വര്‍ഷം മെയ് മാസത്തിലും രണ്ട് ഇന്ത്യക്കാര്‍ വിഷമദ്യം കഴിച്ച് മരണപ്പെട്ടിരുന്നു.

ഗാസ സിറ്റിയില്‍ കനത്ത വ്യോമാക്രണം തുടര്‍ന്ന് ഇസ്രയേല്‍.123 പേരാണ് മരിച്ചത്.ഭക്ഷണം കിട്ടാതെ എട്ട് പേരും മരിച്ചതായി ആരോഗ്യമന്ത്രാലയം അറിയിച്ചു.ഗാസസിറ്റി പിടിച്ചെടുക്കാന്‍ മന്ത്രിസഭ തീരുമാനിച്ചതിന് പിന്നാലെയാണ് ഇസ്രയേല്‍ സൈന്യം ആക്രമണം കടുപ്പിച്ചത്.സമീപകാലത്ത് ഒരു ദിവസം രേഖപ്പെടുത്തന്ന ഏറ്റവും ഉയര്‍ന്ന മരണസംഖ്യയാണ് ഇന്നത്തേത്.നിരവധി വീടുകളും ഇസ്രയേല്‍ ആക്രമണത്തില്‍ തകര്‍ന്നു.ഭക്ഷണവിതരണ കേന്ദ്രങ്ങളില്‍ കാത്ത് നിന്ന പന്ത്രണ്ട് പേരെ ഇസ്രയേല്‍ സൈന്ംയ വെടിവെച്ച് കൊന്നതായും ആരോഗ്യമന്ത്രാലയം അറിയിച്ചു.

മൂന്ന് കുട്ടികള്‍ അടക്കം എട്ട് പേരാണ് പട്ടിണിമൂലം മരിച്ചത്.ഇതോടെ ഗാസയിലെ ആകെ പട്ടിണിമരണം 235 ആയി ഉയര്‍ന്നു.ഗാസയിലേക്ക് ഭക്ഷ്യവസ്തുക്കള്‍ എത്തുന്നുണ്ടെങ്കിലും മതിയാകുന്നില്ലെന്നാണ് സന്നദ്ധസംഘടനകള്‍ വ്യക്തമാക്കുന്നത്.ഇന്നലെ 320 ട്രക്കുകള്‍ ആണ് ഗാസ മുനമ്പില്‍ പ്രവേശിച്ചത്.അതെസമയം ഈജിപ്ത് തലസ്ഥാനമായ കെയ്‌റോയില്‍ വെടിനിര്‍ത്തല്‍ ചര്‍ച്ചകള്‍ തുടരുന്നുണ്ട്.മുഴുവന്‍ ബന്ദികളെ ഒറ്റഘട്ടമായി മോചിപ്പിച്ചുകൊണ്ടുള്ള വെടിനിര്‍ത്തല്‍ എന്ന നിര്‍ദ്ദേശം ആണ് ഇസ്രയേല്‍ മുന്നോട്ട് വെച്ചിരിക്കുന്നത്.