ദുബൈ രാജ്യാന്തരവിമാനത്താവളത്തില് വന്നിറങ്ങുന്ന യാത്രക്കാര്ക്ക് ബാഗേജ് വീട്ടിലെത്തിച്ചുനല്കുമെന്ന് മര്ഹബ എയര്പോര്ട്ട് സര്വീസസ്.പ്രത്യേക നിരക്ക് ഈടാക്കിയാണ് സേവനം.
വിമാനത്താവള ബാഗേജ് ടെക്കനോളജി ലോജിസ്റ്റിക്സ് കമ്പനിയായ ഡുബ്സുമായി ചേര്ന്നാണ് യാത്രക്കാരുടെ വീടുകൡ മര്ഹബ എയര്പോര്ട്ട് സര്വീസസ് സേവനം എത്തിക്കുന്നത്.വിമാന യാത്രക്കാരുടെ വീടുകളില് എത്തി ചെക്ക്ഇന് പൂര്ത്തിയാക്കി ബാഗേജ് ശേഖരിക്കുന്ന സേവനവും വിപുലപ്പെടുത്തുകയാണ്.ദുബൈയില് നിന്നും യാത്രചെയ്യുന്നവരുടെ വീടുകളില് എത്തി ബാഗേജിന്റെ ഭാരം പരിശോധിച്ച് ബോര്ഡിംഗ് പാസ് നല്കും.വിമാനത്താവളത്തില് വന്നിറങ്ങുന്ന യാത്രക്കാര് ഇമിഗ്രേഷന് പൂര്ത്തിയാക്കി വീടുകളില് എത്തുന്നതിന് പിന്നാലെ തന്നെ ബാഗേജും എത്തിച്ചുനല്കുന്നതിനുള്ള സൗകര്യം ആണ് ഒരുക്കിയിരിക്കുന്നത്.
യുഎഇയില് എവിടെയും ഈ രണ്ട് സേവനങ്ങളും ലഭ്യമാക്കും.ഇതിനായി മര്ഹബസര്വീസസ്.കോം എന്ന വെബ്സൈറ്റിലാണ് ബുക്ക് ചെയ്യേണ്ടത്.താമസകേന്ദ്രത്തില് എത്തിയുള്ള ചെക്കിന്സേവനത്തിന് 279 ദിര്ഹം മുതലും ലഗേജ് വീടുകളില് എത്തിക്കുന്നതിന് 249 ദിര്ഹം മുതലും ആണ് നിരക്ക്.
