ഇരുനൂറിലധികം ഇമാറാത്തികളുടെ കടം എഴുതിത്തള്ളി യുഎഇ പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍.നൂറ് ദശലക്ഷം ദിര്‍ഹത്തിലധികം വരുന്ന ബാധ്യതയാണ് എഴുതി തളളിയത്.ബലിപെരുന്നാളിനോട് അനുബന്ധിച്ച് 222 ഇമാറാത്തികളുടെ കടം എഴുതിത്തള്ളിക്കൊണ്ടാണ് യുഎഇ പ്രസിഡന്റ് ഷെയ്ഖ് മുഹമ്മദ് ബിന്‍ റാഷിദ് അല്‍ മക്തുമിന്റെ ഉത്തരവ്്്.ആകെ 139 ദശലക്ഷം ദിര്‍ഹത്തിന്റെ ബാധ്യതയാണ് എഴുതിത്തള്ളിയിരിക്കുന്നത്.

വിരമിച്ച 132 പേരുടെ 86.476 ദശലക്ഷം ദിര്‍ഹത്തിന്റെ ബാധ്യത ഉള്‍പ്പടെയാണ് ഇത്.തൊണ്ണൂറ് യുഎഇ പൗരന്‍മാരുടെ 53.403 ദശലക്ഷം ദിര്‍ഹത്തിന്റെ ബാധ്യത അടക്കം ആണ് എഴുതിത്തള്ളിയിരിക്കുന്നത്.പൗരന്‍മാരുടെ ജീവിതം സുഗമമാക്കുകയും നിലവാരം ഉയര്‍ത്തുകയും ലക്ഷ്യമിട്ടാണ് ഈ തീരുമാനം.കഴിഞ്ഞ ദേശീയദിനത്തോട് അനുബന്ധിച്ച 1227 ഇമാറാത്തികളുടെ 401 ദശലക്ഷം ദിര്‍ഹത്തിന്റെ കടവും എഴുതിത്തള്ളിയിരുന്നു.

മൂന്ന് വര്‍ഷത്തിന് ശേഷം ആദ്യമായി ധനക്കമ്മി നേരിട്ട് ഖത്തര്‍.ഈ വര്‍ഷം ആദ്യ പാദത്തില്‍ 500 ദശലക്ഷം റിയാലിന്റെ ധനക്കമ്മിയാണ് ഖത്തര്‍ നേരിട്ടത്.

ഈ വര്‍ഷം ആദ്യത്തെ മൂന്ന് മാസത്തെ ആകെ വരുമാനം 4940 കോടി റിയാലാണെന്നാണ് ഖത്തര്‍ ധനകാര്യമന്ത്രാലയം വ്യക്തമാക്കുന്നത്.ഇതില്‍ 4250 കോടി റിയാലും എണ്ണ വാതക മേഖലകളില്‍ നിന്നും ആണ്.ഊര്‍ജ്ജേതര മേഖലയില്‍ നിന്നും 690 കോടി റിയാലാണ് ആദ്യ പാദത്തിലെ വരുമാനം.വരുമാനത്തില്‍ കഴിഞ്ഞ വര്‍ഷത്തെ ആദ്യ പാദത്തെ അപേക്ഷിച്ച് ഏഴര ശതമാനത്തിന്റെ കുറവാണ് രേഖപ്പെടുത്തിയിരിക്കുന്നത്.കഴിഞ്ഞ വര്‍ഷം ഇതെ കാലയളവില്‍ 206 കോടി റിയാലിന്റെ മിച്ചമുണ്ടായിരുന്ന സ്ഥാനത്താണ് ഇത്തവണ അന്‍പത് കോടിയുടെ കമ്മി നേരിട്ടത്.

ഈ വര്‍ഷം പ്രവര്‍ത്തനച്ചിലവിലും കുറവ് രേഖപ്പെടുത്തിയിട്ടുണ്ട്.2.8 ശതമാനത്തിന്റെ കുറവാണ് ആദ്യ പാദത്തില്‍ രേഖപ്പെടുത്തിയിരിക്കുന്നത്.4990 കോടി റിയാലാണ് ആകെ ചിലവ്.ഇതില്‍ 1960 കോടി റിയാല്‍ ശമ്പളം ആണ്.1850 കോടി റിയാല്‍ പൊതുചെലവാണെന്നും ഖത്തര്‍ ധനകാര്യമന്ത്രാലയം അറിയിച്ചു.

യുഎഇയില്‍ പുതിയ മാധ്യമനിയമം പ്രാബല്യത്തില്‍ വന്നു.മതവിശ്വാസത്തെ അപമാനിക്കുന്നതരത്തിലുള്ള ഉള്ളടക്കത്തിന് പത്ത്്് ലക്ഷം ദിര്‍ഹം ആണ് പിഴ.ഭരണകൂടസംവിധാനത്തോടുള്ള അനാദരവിന് അഞ്ച് ലക്ഷം ദിര്‍ഹവും പിഴ ലഭിക്കും.

മെയ് ഇരുപത്തിയൊന്‍പതിന് പ്രാബല്യത്തില്‍ വന്ന പുതിയ നിയമത്തില്‍ രാജ്യത്തെ മുഴുവന്‍ മാധ്യമപ്രവര്‍ത്തനങ്ങള്‍ക്കും കര്‍ശനമായ പ്രവര്‍ത്തന മാനദണ്ഡങ്ങള്‍ ആണ് ഏര്‍പ്പെടുത്തിയിരിക്കുന്നത്.മതവിശ്വാസത്തെ അപമാനിക്കുന്നത് മുതല്‍ ലൈസന്‍സ് ഇല്ലാതെയുള്ള പ്രവര്‍ത്തനങ്ങള്‍ വരെയുള്ള കുറ്റങ്ങള്‍ക്ക് ഒരു ദശലക്ഷം ദിര്‍ഹം വരെ ആണ് പിഴശിക്ഷ.ഇസ്ലാമികവിശ്വാസങ്ങളെയോ മറ്റ് മതങ്ങളെയോ അപമാനിക്കുന്നര്‍ക്കാണ് പത്ത് ലക്ഷം ദിര്‍ഹം പിഴ.സദാചാര ലംഘനം,വിനാശകരമായ ആശയങ്ങള്‍ പ്രോത്സാഹിപ്പിക്കല്‍ എന്നിവയ്ക്ക് ഒരു ലക്ഷം ദിര്‍ഹം വരെയാണ് പിഴ.കൊലപാതകവും മയക്കുമരുന്ന് ഉപയോഗവും അടക്കം കുറ്റകൃത്യങ്ങള്‍ക്ക് പ്രേരകമാകുന്ന ഉള്ളടക്കങ്ങള്‍ പ്രസിദ്ധീകരിക്കുന്ന സ്ഥാപനങ്ങള്‍ക്കും വ്യക്തികള്‍ക്കും ഒന്നരലക്ഷം ദിര്‍ഹം വരെയാണ് പിഴ.

ഭരണസംവിധാനത്തിന്റെയോ ദേശീയചിഹ്നങ്ങളുടെയോ അനാദരവിന് അന്‍പതിനായിരം ദിര്‍ഹം മുതല്‍ അഞ്ച് ലക്ഷം ദിര്‍ഹം വരെയാണ് പുതിയ നിയമപ്രകാരം പിഴ.രാജ്യത്തിന്റെ ആഭ്യന്തര-രാജ്യാന്തര നയങ്ങളെ അനാദരിച്ചാലും അഞ്ച് ലക്ഷം ദിര്‍ഹം വരെ പിഴ ലഭിക്കും.യുഎഇയുടെ വിദേശബന്ധങ്ങള്‍ക്ക് ഹാനികരമാകുന്നതോടെ ദേശീയ ഐക്യം തകര്‍ക്കുന്നതോ ആയ ഉള്ളടക്കം പ്രസിദ്ധീകരിച്ചാല്‍ രണ്ടരലക്ഷം ദിര്‍ഹവും പിഴ ലഭിക്കും.തെറ്റായ വിവരങ്ങള്‍ പ്രചരിപ്പിച്ചാല്‍ പതിനായിരം ദിര്‍ഹം വരെയും പിഴ ലഭിക്കും.

കേരളത്തില്‍ കോവിഡ് രോഗികളുടെ എണ്ണം കൂടുന്നതിന്റെ പശ്ചാത്തലത്തില്‍ മാര്‍ഗ്ഗനിര്‍ദ്ദേശം പുറത്തിറക്കി ആരോഗ്യവകുപ്പ്.പൊതുസ്ഥലത്ത് മാസ്‌ക്ക് ഉപയോഗം പ്രോത്സാഹിപ്പിക്കണം എന്നാണ് നിര്‍ദ്ദേശം.പരിശോധനയും വര്‍ദ്ധിപ്പിക്കണം.

കോവിഡ് രോഗികളുടെ എണ്ണം വീണ്ടും കൂടുന്നതിന്റെ പശ്ചാത്തലത്തില്‍ ജാഗ്രത കടുപ്പിക്കുകയാണ് കേരളം.ആശുപത്രികളില്‍ രോഗലക്ഷണങ്ങളോടെ എത്തുന്ന എല്ലാവരേയും കോവിഡ് പരിശോധനയ്ക്ക് വിധേയമാക്കണം എന്നാണ് ആരോഗ്യവകുപ്പ് പുറത്തിറക്കിയ മാര്‍ഗ്ഗനിര്‍ദ്ദേശത്തില്‍ പറയുന്നത്.പൊതുസ്ഥലങ്ങളില്‍ മാസ്‌ക് ഉപയോഗം പ്രോത്സാഹിപ്പിക്കാനും നിര്‍ദ്ദേശം ഉണ്ട്.ആശുപത്രികളില്‍ കൂട്ടിരിപ്പുകാര്‍ അടക്കം എല്ലാവരും മാസ്‌ക് ധരിക്കണം.രോഗം ഗുരുതരമാകാന്‍ സാധ്യതയുള്ളവര്‍ മാസ്‌ക്ക് ധരിച്ചേ പുറത്തിറങ്ങാവു എന്നും നിര്‍ദ്ദേശത്തില്‍ പറയുന്നു.കോവിഡ് ബാധിച്ച് ഒരു മരണം കൂടി കേരളത്തില്‍ റിപ്പോര്‍ട്ട് ചെയ്തിട്ടുണ്ട്.ഒരു എണ്‍പതുകാരനാണ് മരിച്ചത്.രാജ്യത്ത് ഏറ്റവും അധികം ആക്ടിവ് കേസുകള്‍ ഉളളത് കേരളത്തില്‍ ആണ്.

1416 രോഗികളാണ് നിലവില്‍ ഉള്ളത്.ഇന്ത്യയില്‍ ആക്ടീവ് കോവിഡ് കേസുകള്‍ 4026 ആയി ഉയര്‍ന്നു.രാജ്യത്ത് ഇരുപത്തിനാല് മണിക്കൂറുകള്‍ക്കിടയില്‍ അറുപത്തിയഞ്ച് പുതിയ കേസുകള്‍ റിപ്പോര്‍ട്ട് ചെയ്തു.മഹാരാഷ്ട്രയില്‍ 494 പേര്‍ക്കും ഗുജറാത്തില്‍ 397 പേര്‍ക്കും കോവിഡ് സ്ഥിരീകരിച്ചിട്ടുണ്ട്.