അമേരിക്ക ആണവകേന്ദ്രങ്ങള്‍ ആക്രമിച്ചതിന് ശേഷവും ഇസ്രയേലിലേക്ക് മിസൈലുകള്‍ തൊടുത്ത് ഇറാന്‍.മ ഇസ്രയേലിലെ ഒരു പ്രധാന വൈദ്യുതി നിലയവും ആക്രമിക്കപ്പെട്ടു.ഇറാനില്‍ വിമാനത്താവളങ്ങളില്‍ ആക്രമണം നടത്തിയെന്ന് ഇസ്രയേല്‍ പ്രതിരോധ സേനയും അറിയിച്ചു.

ഇസ്രയേലിലെമ്പാടുമുള്ള നിരവധി സ്ഥലങ്ങള്‍ ലക്ഷ്യമിട്ടാണ് ഇറാന്‍ ബാലിസ്റ്റിക് മിസൈലുകള്‍ തൊടുത്തത്. പലതവണകളായി മിസൈലുകള്‍ കൂട്ടത്തോടെ എത്തി.പലയിടങ്ങളിലും മിനുട്ടുകളോളം സൈറന്‍ മുഴങ്ങി.മിസൈല്‍ ആക്രമണത്തില്‍ ആര്‍ക്കും പരുക്കേറ്റിട്ടില്ലെങ്കിലും നാശനഷ്ടങ്ങള്‍ റിപ്പോര്‍ട്ട് ചെയ്തിട്ടുണ്ട്.ഗലീലി,ജറുസലേം,ഷഫ്‌ല, എന്നിവിടങ്ങളില്‍ സ്‌ഫോടനശബ്ദം കേട്ടതായി വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു.തെക്കന്‍ ഇസ്രയേലില്‍ ഒരു വൈദ്യുതി നിലയത്തിന് നേരെയും മിസൈല്‍ ആക്രമണം ഉണ്ടായി.ഇതെ തുടര്‍ന്ന് ഈ നിലയത്തില്‍ നിന്നും വൈദ്യുതി വിതരണം നിലച്ചു.

പലഘട്ടങ്ങളിലായി ഇറുപതോളം മിസൈലുകള്‍ ഇറാന്‍ അയച്ചുവെന്നാണ് റിപ്പോര്‍ട്ട്.അതെസമയം ഇറാനില്‍ നിരവധി വിമാനത്താവളങ്ങളും സൈനിക കേന്ദ്രങ്ങളും ലക്ഷ്യമിട്ട് ആക്രമണം നടത്തിയെന്ന് ഇസ്രയേല്‍ പ്രതിരോധ സേന അറിയിച്ചു.അമേരിക്ക വലിയ തെറ്റാണ് ചെയ്തത് എന്നും അതിന് ശിക്ഷ ലഭിച്ചുകൊണ്ടിരിക്കുകയാണെന്നും അത് തുടരുമെന്നും ഇറാനിയന്‍ പരമോന്ന നേതാവ് ആയത്തുല അലി ഖമനയി പറഞ്ഞു.അമേരിക്ക ഇറാന് എതിരെ പ്രവര്‍ത്തിച്ചതിന് തക്ക പ്രതികരണം നല്‍കും എന്ന് ഇറാന്റെ പുതിയ സൈനിക മേധാവി മേജര്‍ ജനറല്‍ അമിര്‍ ഹറ്റാമി പറഞ്ഞു.

അയണ്‍ ഡോം അടക്കം ഇസ്രയേലിന്റെ വിഖ്യാതമായ വ്യോമപ്രതിരോധ സംവിധാനങ്ങള്‍ പരാജയപ്പെടുകയാണ് പലപ്പോഴും ഇറാന്‍ മിസൈല്‍ മിസൈലുകള്‍ക്ക് മുന്നില്‍.ഇതിന് തെളിവാണ് ഇന്നലത്തെ സൊറോക്ക ആശുപത്രി ആക്രമണവും ഇന്ന് ബീര്‍ഷെബയില്‍ നടന്ന മിസൈല്‍ ആക്രമണങ്ങളും.ഇസ്രേയലിന്റെ പ്രതിരോധ സംവിധാനങ്ങള്‍ മറികടന്ന് എത്തിയ ഇറാന്റെ ബാലിസിറ്റിക് മിസൈല്‍ ബീര്‍ഷെബയിലെ പാര്‍പ്പിട മേഖലയിലാണ് പതിച്ചത്.ഇവിടെ താമസകെട്ടിടങ്ങള്‍ക്ക് അടക്കം കാര്യമായ നാശനഷ്ടം സംഭവിച്ചിട്ടുണ്ട്.രാജ്യത്തെ തന്നെ രണ്ടാമത്തെ വലിയ വ്യവസായ മേഖലയായ ഹോലോനിലും ഇറാന്റെ മിസൈലുകള്‍ പതിച്ചു.ഇവിടെയും പാര്‍പ്പിടമേഖലകള്‍ക്കും വാഹനങ്ങള്‍ക്കും തകരാര്‍ സംഭവിച്ചു.

രാജ്യത്തെ ഏറ്റവും വലിയ ശാസ്ത്ര ഗവേഷണകേന്ദ്രങ്ങളില്‍ ഒന്നും മിസൈല്‍ ആക്രമണത്തില്‍ തകര്‍ന്നു.ഇറാനില്‍ നിന്നും നൂറുകണക്കിന് ഡ്രോണുകളും മിസൈലുകളും കൂട്ടത്തോടെ എത്തുമ്പോള്‍ പൂര്‍ണ്ണമായി പ്രതിരോധിക്കാന്‍ ഇസ്രയേലിന് കഴിയുന്നില്ല.ബാലിസ്റ്റിക് മിസൈലുകളെ പ്രതിരോധിക്കുന്ന ഇസ്രയേലിന്റെ ആരോത്രിയ്ക്കും നൂറ് ശതമാനം കൃത്യതയില്ല.ഇതാണ് കൂടുതല്‍ നാശനഷ്ടങ്ങള്‍ക്ക് കാരണം.ഇന്നലെയും ഇന്നുമായി ഇറാന്റെ ആക്രമണങ്ങളില്‍ 280-ഓളം പേര്‍ക്കാണ് പരുക്കേറ്റത്.ഏറ്റമുട്ടല്‍ ആരംഭിച്ചതിന് ശേഷം 2400-ഓളം പേര്‍ക്കും

ഇസ്രയേലില്‍ കനത്ത നാശം വിതച്ച് ഇറാന്‍ മിസൈലാക്രമണം.ഇസ്രയേലിലെ ഏറ്റവും വലിയ ആശുപത്രികളില്‍ ഒന്നും ആക്രമിക്കപ്പെട്ടു.പരുക്കേറ്റവരില്‍ ആറ് പേരുടെ നില ഗുരുതരമാണ്.ഇറാനില്‍ ഒരു ആണവനിലയത്തില്‍ അടക്കം ഇസ്രയേല്‍ ആക്രമണം നടത്തി.തെക്കന്‍ ഇസ്രയേലിലെ സൊറോക്ക മെഡിക്കല്‍ സെന്റര്‍ ആണ് ആക്രമിക്കപ്പെട്ടത്.മിസൈലാക്രമണത്തില്‍ ആശുപത്രി കെട്ടിടത്തിന് കനത്തനാശനഷ്ടം ആണ് സംഭവിച്ചത്.ആശുപത്രിയിലുണ്ടായിരുന്ന രോഗികളേയും ജീവനക്കാരേയും ഷെല്‍ട്ടറുകളിലേക്ക് മാറ്റി.നേരത്തെ ഒഴിപ്പിച്ച പഴയ സര്‍ജിക്കല്‍വാര്‍ഡില്‍ ആണ് മിസൈല്‍ പതിച്ചത്.അതുകൊണ്ട് തന്നെ ആര്‍ക്കും പരുക്കേറ്റിട്ടില്ല.എന്നാല്‍ ആശുപത്രിയുടെ മറ്റ് കെട്ടിടങ്ങള്‍ക്കും വന്‍തോതില്‍ നാശനഷ്ടം സംഭവിച്ചിട്ടുണ്ട്.

ഇസ്രയേലിനെ ഞെട്ടിച്ചുകൊണ്ടാണ് രാജ്യത്തിന്റെ ഹൃദഭാഗത്ത് തന്നെ ഇന്ന് ഇറാന്‍ ആക്രമണം നടത്തിയിരിക്കുന്നത്.ഇസ്രയേലിന്റെ സൈനിക കമാന്‍ഡ് സെന്ററും ഇന്റലിജന്‍സ് ഹെഡ്ക്വാര്‍ട്ടേഴ്‌സും ആണ് ആക്രമിച്ചത് എന്നാണ് ഇറാന്റെ അവകാശവാദം.ഇന്ന് പുലര്‍ച്ചെ ഇസ്രയേലില്‍ നാലിടങ്ങളില്‍ ആണ് ഇറാന്‍ മിസൈലുകള്‍ പതിച്ചത്.അറുപത്തിയഞ്ച് പേര്‍ക്ക് കൂടി ഇറാന്‍ ആക്രമണങ്ങളില്‍ ഇസ്രയേലില്‍ പരുക്കേറ്റു.ഇതുവരെ നാനൂറ് മിസൈലുകളും ആയിരത്തിലധികം ഡ്രോണുകളും ആണ് ഇറാന്‍ ഇസ്രയേലിലേക്ക് തൊടുത്തത്.ആക്രമണങ്ങളില്‍ ഇരുപത്തിനാല് പേര്‍ക്ക് ജീവന്‍ നഷ്ടമായി.അഞ്ചൂറിലധികം പേര്‍ക്ക് പരുക്കേറ്റു.ഇറാനിലും ഇസ്രയേല്‍ കനത്ത ആക്രമണം തുടരുകയാണ്.ഇറാനിലെ അറാക് ആണവനിലയം ആക്രമിച്ചെന്ന് ഇസ്രയേല്‍ പ്രതിരോധ സേന അറിയിച്ചു.

ഇറാനില്‍ ആക്രമണം നടത്തുന്നതിനുള്ള പദ്ധതിക്ക് അമേരിക്കന്‍ പ്രസിഡന്റ് ഡൊണള്‍ഡ് ട്രംപ് അനുമതി നല്‍കിയതായി റിപ്പോര്‍ട്ട്.എന്നാല്‍ ഇക്കാര്യത്തില്‍ അന്തിമ തീരുമാനം കൈക്കൊണ്ടിട്ടില്ല.ഇസ്രയേല്‍-ഇറാന്‍ സംഘര്‍ഷത്തില്‍ അമേരിക്കന്‍ ഇടപെടരുത് എന്നാവശ്യപ്പെട്ട് യു.എസ് നഗരങ്ങളില്‍ പ്രതിഷേധവും അരങ്ങേറുന്നുണ്ട്.ഇറാനെ ആക്രമിക്കാനുള്ള പദ്ധതിക്ക് ഡൊണള്‍ഡ് ട്രംപ് അനുമതി നല്‍കിയെന്ന് അമേരിക്കന്‍ മാധ്യമങ്ങളാണ് ആണ് റിപ്പോര്‍ട്ട് ചെയ്തത്.ഇറാന്‍ ആണവപദ്ധതി ഉപേക്ഷിക്കാന്‍ തയ്യാറായാല്‍ ട്രംപ് ആക്രമണത്തില്‍ നിന്നും പിന്‍മാറും.

ഇറാനിലെ ഫോര്‍ദോ ആണസമ്പുഷ്ടീകരണ കേന്ദ്രം ആക്രമിക്കാന്‍ ഡൊണള്‍ഡ് ട്രംപ് ഒരുങ്ങുന്നുവെന്നാണ് അമേരിക്കന്‍ മാധ്യമങ്ങള്‍ കഴിഞ്ഞ ദിവസം റിപ്പോര്‍ട്ട് ചെയ്തത്.ആക്രമിക്കാനും ആക്രമിക്കാതിരിക്കാനും സാധ്യതയുണ്ടെന്നാണ് ഇതെക്കുറിച്ചുള്ള മാധ്യമപ്രവര്‍ത്തകരുടെ ചോദ്യത്തിന് ഡൊണള്‍ഡ് ട്രംപ് മറുപടി നല്‍കിയത്.ഇറാന്റെ വ്യോമമേഖല തങ്ങളുടെ നിയന്ത്രണത്തിലാണെന്നും ടെഹ്‌റാനിലെ ജനങ്ങള്‍ വേഗം ഒഴിഞ്ഞുപോകണം എന്നും ഡൊണള്‍ഡ് ട്രംപ് ആവശ്യപ്പെട്ടിട്ടുണ്ട്.ഇത് ആക്രമണം നടത്താനുള്ള ഒരുക്കങ്ങളുടെ സൂചനയായും വിലയിരുത്തലുകള്‍ ഉണ്ട്.അതെസമയം സംഘര്‍ഷത്തില്‍ അമേരിക്ക ഇടപെടരുതെന്ന് ആവശ്യപ്പെട്ട് വൈറ്റ് ഹൗസിന് മുന്‍പില്‍ അടക്കം പ്രതിഷേധങ്ങള്‍ അരങ്ങേറി.ന്യൂയോര്‍ക്ക് സിറ്റി,മാന്‍ഹട്ടന്‍ എന്നിവടങ്ങളിലും പ്രതിഷേധങ്ങള്‍ അരങ്ങേറി.