ദുബൈയില്‍ വന്‍ ഡിസ്‌കൗണ്ട് പ്രഖ്യാപിച്ച് വീണ്ടും സമ്മര്‍സെയില്‍ എത്തുന്നു.ജുലൈയ് പതിനെട്ട് മുതല്‍ ആണ് സമ്മര്‍ സെയില്‍ നടക്കുക.എമിറേറ്റുകളിലെ ഷോപ്പിംഗ് മാളുകളിലാണ് വിലക്കിഴിവ്.നാളെ മുതല്‍ ഓഗസ്റ്റ് പത്ത് വരെ നീണ്ടുനില്‍ക്കുന്നതാണ് ഗ്രേറ്റ് ദുബൈ സമ്മര്‍ സെയ്‌ലിന്റെ പുതിയ പതിപ്പ്.എമിറേറ്റിലെ വാണിജ്യ-വ്യാപാര സ്ഥാപനങ്ങളുമായി കൈകോര്‍ത്ത് ദുബൈ ഫെസ്റ്റിവല്‍ ആന്റ് റീട്ടെയ്ല്‍ എസ്റ്റാബ്ലിഷ്‌മെന്റ് ആണ് സമ്മര്‍ സെയില്‍ സംഘടിപ്പിക്കുന്നത്. പ്രമുഖ ബ്രാന്‍ഡുകള്‍ക്ക് അടക്കം തൊണ്ണൂറ് ശതമാനം വരെ വിലക്കിഴിവ് ലഭിക്കും എന്നാണ് വാഗ്ദാനം.ഇത് കൂടാതെ ഒരു ദശലക്ഷം ദിര്‍ഹത്തിന്റെ ക്യഷ് പ്രൈസും നിസാന്‍ പട്രോള്‍ കാറുകളും സമ്മാനമായി നേടുന്നതിനും അവസരം ഉണ്ട്.

മൂന്നൂറ് ദിര്‍ഹത്തില്‍ കൂറയാത്ത പര്‍ച്ചേസുകള്‍ നടത്തുന്നവര്‍ക്ക് ആണ് നറുക്കെടുപ്പില്‍ പങ്കെടുക്കാന്‍ കഴിയുക. ഇത് കൂടാതെ പ്രത്യേക സൂപ്പര്‍ സെയിലുകളും വരും ദിവസങ്ങളില്‍ നടക്കും.ജൂലൈയ് പതിനെട്ടിന് എമിറേറ്റിലെ മജീദ് അല്‍ ഫുത്തൈം മാളുകളില്‍ ആണ് പ്രത്യേക സമ്മര്‍സെയില്‍.രാവിലെ പത്ത് മുതല്‍ രാത്രി പത്ത് വരെയാണ് ഡിസ്‌കൗണ്ട് സെയില്‍.മാള്‍ ഓഫ് ദി എമിറേറ്റ്‌സ്, ദേര,മിര്‍ദിഫ്,മെയ്‌സെം,അല്‍ബര്‍ഷ സിറ്റി സെന്റുകള്‍ എന്നിവിടങ്ങളിലാണ് തൊണ്ണൂറ് ശതമാനം വരെ വിലക്കിഴിവ് ലഭിക്കുക.നൂറിലധികം പ്രാദേശിക-രാജ്യാന്തരബ്രാന്‍ഡുകള്‍ക്ക് വിലക്കിഴിവ് ലഭിക്കും എന്നാണ് പ്രഖ്യാപനം.

ദുബൈ നഗരം കൂടുതല്‍ സൗന്ദര്യവത്കരിച്ച് മുനിസിപ്പാലിറ്റി. മരങ്ങളും, പൂച്ചെടികളും, നട്ടുപിടിപ്പിച്ചും, പൂന്തോട്ടങ്ങള്‍ നിര്‍മ്മിച്ചുമാണ് ദുബൈയെ കൂടുതല്‍ മനോഹരമാക്കിയത്. പത്തൊമ്പത് കോടി ദിര്‍ഹം ചിലവിലാണ് പദ്ധതി നടപ്പിലാക്കിയത്.
എമിറേറ്റിന്റെ ആകര്‍ഷണീയത വര്‍ദ്ധിപ്പിക്കാനുള്ള ദുബൈ മുനിസിപ്പാലിറ്റിയുടെ ശ്രമങ്ങളുടെ ഭാഗമായണ് പദ്ധതി നടപ്പിലാക്കിയത്. ഹരിത ഇടങ്ങള്‍, വെളിച്ച സംവിധാനം എന്നിവ ഉള്‍പ്പെടെ പാതയോരങ്ങളുടെയും മറ്റ് സ്ഥലങ്ങളുടെയും ആകര്‍ഷണീയത വര്‍ദ്ധിപ്പിക്കുകയാണ്. ഗ്രീന്‍ ദുബൈ പദ്ധതിയുടെ ഭാഗമായാണ് നഗരത്തിന്റെ സൗന്ദര്യവത്കരണം. 30 ലക്ഷം ചതുരശ്ര മീറ്റര്‍ വിസ്തൃതിയില്‍ പദ്ധതികള്‍ പൂര്‍ത്തിയാക്കി. മൂന്ന് ലക്ഷത്തിലേറെ മരങ്ങളും തൈകളും, 2,22,500 ചതുരശ്രമീറ്റര്‍ വിസ്തീര്‍ണത്തില്‍ പൂക്കളും നട്ടുപിടിപ്പിച്ചു.

ലത്തീഫ ബിന്‍ത് ഹംദാന്‍ സ്ട്രീറ്റിന്റെയും അല്‍ ഖൈല്‍ റോഡിന്റെയും ഇന്റര്‍സെക്ഷന്‍, ട്രിപ്പോളി സ്ട്രീറ്റിന്റെയും ഷെയ്ഖ് സായിദ് ബിന്‍ ഹംദാന്‍ സ്ട്രീറ്റിന്റെ ഇന്റര്‍സെക്ഷന്‍, ഷെയ്ഖ് ഖലീഫ ബിന്‍ സായിദ് സ്ട്രീറ്റ് ഇന്റര്‍സെക്ഷനില്‍നിന്ന് അല്‍ മിന റോഡിലേക്കുള്ള ഷെയ്ഖ് റാഷിദ് റോഡ്, ഏഴാമത് ഇന്റര്‍ചേഞ്ചില്‍നിന്ന് ഷെയ്ഖ് സായിദ് റോഡ്, അല്‍ അമര്‍ദി സ്ട്രീറ്റ് ഇന്റര്‍സെക്ഷനില്‍നിന്ന് അല്‍ ഖവാനീജ് സ്ട്രീറ്റ് എന്നിവയുള്‍പ്പെടെ പ്രധാനയിടങ്ങളിലാണ് കൂടുതല്‍ മരങ്ങള്‍ വെച്ചുപിടിപ്പിച്ചത്. കാലാവസ്ഥയ്ക്ക് അനുയോജ്യമായ ചെടികളും മരങ്ങളുമാണ് നട്ടുപിടിപ്പിച്ചത്. കൂടുതല്‍ ജലസേചന സൗകര്യങ്ങളും, സ്മാര്‍ട്ട് സംവിധാനങ്ങള്‍ ഉപയോഗിച്ചുള്ള സംവിധാനങ്ങളുമാണ് പച്ചപ്പ് പരിപാലിക്കാന്‍ നടപ്പിലാക്കുമെന്ന് ദുബൈ മുനിസിപ്പാലിറ്റി ഡയറക്ടര്‍ ജനറല്‍ മര്‍വാന്‍ അഹമ്മദ് ബിന്‍ ഗാലിത അറിയിച്ചു.

സിറിയയില്‍ വീണ്ടും ആഭ്യന്തരസംഘര്‍ഷം വീണ്ടും രൂക്ഷമാകുന്നു.ബദൂയിന്‍-ദുറൂസി വിഭാഗങ്ങള്‍ തമ്മിലുള്ള ഏറ്റമുട്ടലില്‍ മുപ്പതിലധികം പേര്‍ മരിച്ചു.സംഘര്‍ഷം നേരിടുന്നതിന് സൈന്യത്തെ വിന്യസിച്ചതായി സിറിയന്‍ ആഭ്യന്തരമന്ത്രാലയം അറിയിച്ചു.
തെക്കന്‍ സിറിയയിലെ സൈ്വദ പട്ടണത്തില്‍ ആണ് ബെദൂയിന്‍- ദുറൂസി വിഭാഗങ്ങള്‍ തമ്മില്‍ ഏറ്റുമുട്ടല്‍ ആരംഭിച്ചത്.സംഘര്‍ഷത്തില്‍ നൂറിലധികം പേര്‍ക്ക് പരുക്കേറ്റെന്നും ആണ് സര്‍ക്കാര്‍ വ്യക്തമാക്കുന്നത്.സിറയയിലെ ന്യൂനപക്ഷവിഭാഗമാണ് ദുറൂസികള്‍.മരിച്ചവരില്‍ കൂടുതല്‍ പേരും ദുറൂസികള്‍ ആണെന്നാണ് റിപ്പോര്‍ട്ട്.ഒരു ദുറൂസി കച്ചവടക്കാരനെ ബെദൂയിന്‍ ഗ്രോത്രക്കാര്‍ തട്ടിക്കൊണ്ട് പോയതിന് പിന്നാലെയാണ് സംഘര്‍ഷം ആരംഭിചചത് എന്ന് ലണ്ടന്‍ ആസ്ഥാനമായി പ്രവര്‍ത്തിക്കുന്ന സിറിയന്‍ ഒബ്‌സര്‍വേറ്ററി ഫോര്‍ ഹ്യുമന്‍ റൈറ്റസ് അറിയിച്ചു.ഇതിന് പിന്നാലെ ചില ബദൂയീനുകളെ ദുറുസികളും തട്ടിക്കൊണ്ടുപോയി.ഇതിന് പിന്നാലെ സംഘര്‍ഷം വ്യാപിക്കുകയായിരുന്നു.സംഘര്‍ഷം നേരിടുന്നതിന് സിറിയന്‍ സൈന്യം സൈ്വദ പട്ടണത്തില്‍ പ്രവേശിച്ചിട്ടുണ്ട്.

സിറിയന്‍ സൈനത്യത്തിന്റെ നീക്കത്തെ തടയണം എന്ന് ദറൂസികളുടെ മുതിര്‍ന്ന ആത്മിയ നേതാവ് ഷെയ്ഖ് ഹിക്മത് അള്‍ ഹജ്രി നിര്‍ദ്ദേശം നല്‍കിയത് സര്‍ക്കാരിന് മുന്നില്‍ വെല്ലുവിളി സൃഷ്ടിക്കുന്നുണ്ട്.പുതിയ ഭരണകൂടം അധികാരത്തില്‍ വന്നതിന് ശേഷം പലഘട്ടങ്ങളില്‍ സര്‍ക്കാരില്‍ വിശ്വാം ഇല്ലെന്ന് ദറൂസി നേതാക്കള്‍ വ്യക്തമാക്കിയിട്ടുണ്ട്.കഴിഞ്ഞ വര്‍ഷം ഡിസംബറില്‍ ആണ് ബഷാര്‍ അല്‍ അസദിനെ അട്ടിമറിച്ച് അഹമ്മദ് അല്‍ ഷാരയുടെ നേതൃത്വത്തില്‍ സുന്നി സായുധസംഘമായ ഹയാത് തഹ്രിര്‍ അല്‍ ഷാം സിറിയയുടെ അധികാരം പിടിച്ചത്.രാജ്യത്തെ ന്യൂനപക്ഷമായ തങ്ങളെ സര്‍ക്കാര്‍ അട്ടിമറിക്കും എന്ന ആശങ്കയിലാണ് ദുറൂസികള്‍ എന്നാണ് റിപ്പോര്‍ട്ട്യ.

വിസ് എയര്‍ അബുദബിയില്‍ ടിക്കറ്റ് എടുത്തിട്ടുള്ളവര്‍ക്ക് റീഫണ്ട്ന ല്‍കും എന്ന് എയര്‍ലൈന്‍.ബജറ്റ് എയര്‍ലൈനായ വിസ് എയര്‍ അബുദബി പ്രവര്‍ത്തനം അവസാനിപ്പിക്കുന്നത് വിമാനടിക്കറ്റ് നിരക്ക് വര്‍ദ്ധനയ്ക്കും കാരണമാകും.സെപ്റ്റംബര്‍ ഒന്ന് മുതല്‍ വിസ് എയര്‍അബുദബി പ്രവര്‍ത്തിക്കില്ലെന്നാണ് മാനേജ്‌മെന്റ് തിങ്കളാഴ്ച വ്യക്തമാക്കിയത്.യുഎഇയില്‍ നിന്നും ഏറ്റവും കുറഞ്ഞ ടിക്കറ്റ് നിരക്കില്‍ സര്‍വീസ് നടത്തിയിരുന്ന എയര്‍ലൈന്‍ ആണ് വിസ് എയര്‍.വേനലവധിക്കാലമായതിനാല്‍ നിരവധി പേരാണ് വിസ് എയറില്‍ ടിക്കറ്റുകള്‍ ബുക്ക് ചെയ്തിട്ടുണ്ടുള്ളത്. ഓഗസ്റ്റ് മുപ്പത്തിയൊന്നിന് ശേഷമുള്ള ദിവസങ്ങളിലേക്ക് ടിക്കറ്റ് എടുത്തവര്‍ക്ക് പണം തിരികെ നല്‍കുകയോ മറ്റ് യാത്രാ സൗകര്യങ്ങള്‍ ഒരുക്കി നല്‍കുകയോ ചെയ്യും.ഇതിനായി യാത്രക്കാര്‍ വിഎസ് എയറുമായി ഇമെയില്‍ മുഖാന്തിരം ബന്ധപ്പെടണം.ട്രാവല്‍ ഏജന്റുമാര്‍ ബുക്കിംഗ് പോര്‍ട്ടലുകള്‍ എന്നിവ വഴി ടിക്കറ്റ് എടുത്തവര്‍ അതത് സ്ഥാപനങ്ങളെയാണ് ബന്ധപ്പെടേണ്ടത്.

റീബുക്കിംഗ് നിരക്കുകള്‍ ടിക്കറ്റുകളുടെ ലഭ്യത,റൂട്ടുകള്‍ എന്നി ഘടകങ്ങളെ ആശ്രയിച്ചായിരിക്കും എന്ന് വിസ് എയര്‍ മാനേജ്‌മെന്റ് അറിയിച്ചു.വിഎസ് എയര്‍ അപ്രതീക്ഷിതമായി സര്‍വീസ് അവസാനിപ്പിക്കുന്നത് നിരക്ക് വര്‍ദ്ധനയ്ക്ക് കാരണമാകും.യാത്രക്കാര്‍ മറ്റ് എയര്‍ലൈനുകളിലേക്ക് കൂട്ടത്തോടെ എത്തുന്നത് നിരക്കില്‍ അന്‍പത് ശതമാനം വരെ വര്‍ദ്ധനയ്ക്ക് കാരണമാകും എന്നാണ് ട്രാവല്‍ എജന്റുമാര്‍ പറയുന്നത്.
എ

ബജറ്റ് എയര്‍ലൈനായ വിസ് എയര്‍,അബുദിബിയിലെ പ്രവര്‍ത്തനങ്ങള്‍ അവസാനിപ്പിക്കുന്നു.സെപ്റ്റംബര്‍ ഒന്നിന് വിസ് അബുദബിയുടെ പ്രവര്‍ത്തനം അവസാനിപ്പിക്കും.പ്രാദേശിക തലത്തിലുള്ള സര്‍വീസുകള്‍ നിര്‍ത്തിവെയ്ക്കും.പ്രവര്‍ത്തനപരമായ വെല്ലുവിളികള്‍ മൂലമാണ് തീരുമാനം എന്ന് എയര്‍ലൈന്‍ അറിയിച്ചു.അബുദബി കേന്ദ്രീകരിച്ചുള്ള പ്രവര്‍ത്തനം അവസാനിപ്പിച്ച് മധ്യ-കീഴക്കന്‍ യൂറോപ്യന്‍ വിപണികളില്‍ ശ്രദ്ധകേന്ദ്രീകരിക്കുന്നതിനാണ് തീരുമാനം എന്ന് വിസ് എയര്‍ അറിയിച്ചു.ഓസ്ട്രീയ,ഇറ്റലി,യുകെ തുടങ്ങിയ പടിഞ്ഞാറന്‍ യൂറോപ്യന്‍ രാജ്യങ്ങളിലേക്കും സര്‍വീസ് വര്‍ദ്ധിപ്പിക്കും.അബുദബിയിലെ പ്രവര്‍ത്തനം അവസാനിപ്പിക്കുന്നതിന് പ്രധാനമായും മൂന്ന് കാരണങ്ങളാണ് വിസ് എയര്‍ ചൂണ്ടിക്കാട്ടുന്നത്.ചൂടുള്ള കാലാവസ്ഥയില്‍ എഞ്ചിന്റെ പ്രവര്‍ത്തനത്തില്‍ തുടര്‍ച്ചയായി ഉണ്ടാകുന്ന പ്രശ്‌നങ്ങള്‍ ആണ് അതിലൊന്ന്.

പശ്ചിമേഷ്യയിലെ മാറിയ ഭൗമരാഷ്ട്രീയവും വ്യോമാതിര്‍ത്തികള്‍ ആവര്‍ത്തിച്ച് അടച്ചിടുന്നതും യാത്രക്കാരുടെ എണ്ണം കുറയ്ക്കുന്നു.മേഖലയിലെ പ്രധാനവിപണികളിലെ വളര്‍ച്ച പരിമിതപ്പെടുത്തും വിധത്തിലുള്ള നിയന്ത്രണങ്ങളും ചട്ടങ്ങളും പ്രവര്‍ത്തനം അവസാനിപ്പിക്കാന്‍ കാരണമായി വിസ് എയര്‍ ചൂണ്ടിക്കാട്ടുന്നുണ്ട.്ഈ പ്രശ്‌നങ്ങള്‍ മൂലം ചിലവ് കുറഞ്ഞ വിമാനസര്‍വീസ് എന്ന ബിസിനസ് മാതൃക മേഖലയില്‍ ലാഭകരമായി നടത്താന്‍ കഴിയുന്നില്ലെന്നും എയര്‍ലൈന്‍ വ്യക്തമാക്കി.2021-ല്‍ ആണ് വിസ് എയര്‍ അബുദബി കേന്ദ്രീകരിച്ച് പ്രവര്‍ത്തനം ആരംഭിച്ചത്.

കുവൈത്ത് പൗരന്‍മാര്‍ക്ക് അഞ്ച് വര്‍ഷം വരെ കാലാവധിയുള്ള ഇ-വീസ സേവനം ആരംഭിച്ച് ഇന്ത്യ. ഇന്ത്യാ സര്‍ക്കാരിന്റെ ഔദ്യോഗി വീസ പോര്‍ട്ടല്‍ വഴി കുവൈത്തികള്‍ക്ക് ഇനി അപേക്ഷ സമര്‍പ്പിക്കാം.വീസ സെന്ററുകളിലോ നയതന്ത്രകാര്യാലയങ്ങളിലോ സന്ദര്‍ശനം നടത്താതെ ഇന്ത്യന്‍ വീസയ്ക്ക് ഓണ്‍ലൈനായി അപേക്ഷിക്കുന്നതിനുള്ള സൗകര്യം ആണ് ഒരുക്കിയിരിക്കുന്നത്. കുവൈത്തിലെ ഇന്ത്യന്‍ എംബസിയാണ് ഇത് സംബന്ധിച്ച പ്രഖ്യാപനം നടത്തിയത്.വ്യത്യസ്ഥ ആവശ്യങ്ങള്‍ക്ക് കുവൈത്തികള്‍ക്ക് ഇന്ത്യന്‍ വീസയ്ക്ക് അപേക്ഷിക്കാം.വിനോദസഞ്ചാരം-ചികിത്സ-ആയുഷ്-യോഗ,ബിസിനസ് തുടങ്ങിയ വിഭാഗങ്ങളിലാണ് ഇന്ത്യ വീസ അനുവദിക്കുന്നത്.

രാജ്യാന്തരകോണ്‍ഫറന്‍സുകള്‍ക്കും വീസ ലഭിക്കും.ആറ് മാസം മുതല്‍ അഞ്ച് വര്‍ഷം വരെ കാലാവധിയുള്ളതാണ് വീസകള്‍.ഇതില്‍ പല വീസകളിലും ഒന്നിലധികം തവണ ഇന്ത്യയില്‍ പ്രവേശനം അനുവദിക്കും.അഞ്ച് വര്‍ഷം കാലാവധിയുള്ള വീസയ്ക്ക് എണ്‍പത് ഡോളര്‍ ആണ് പ്രാരംഭനിരക്ക്.എണ്‍പത് വയസിലധികം പ്രായമില്ലാത്ത കുവൈത്ത് പൗരന്‍മാര്‍ക്ക് വീസ ലഭിക്കും.പരമാവധി നാല് ദിവസത്തിനുള്ളില്‍ നടപടിക്രമങ്ങള്‍ പൂര്‍ത്തിയാകും.ഇന്ത്യയില്‍ എത്തുമ്പോള്‍ ആയിരിക്കും യാത്രക്കാരുടെ ബയോമെട്രിക് രേഖപ്പെടുത്തുക.