കനത്ത ചൂട് തുടരുന്നതിനിടെ ആശ്വാസമായി ഇന്നലെയും വിവിധയിടങ്ങളിൽ മഴപെയ്തു.അൽഎെനിലെ വിവിധയിടങ്ങളിലാണ് ഇന്നലെ മഴ ലഭിച്ചത്.മഴ പെയ്യുന്ന ദൃശ്യങ്ങടക്കം കാലാവസ്ഥാ കേന്ദ്രം പുറത്തുവിട്ടിരുന്നു.കഴിഞ്ഞ ദിവസം ദുബൈയിലും മഴ ലഭിച്ചു.

യുഎഇയിൽ വിവിധയിടങ്ങളിൽ കാലവസ്ഥയിൽ വ്യതിയാനം ഉണ്ടാകുമെന്നാണ് കാലാവസ്ഥാ കേന്ദ്രം മുന്നറിയിപ്പ് നൽകുന്നത്. അബുദബിയിലും മഴയ്ക്കും ഇടിമിന്നലിനും സാധ്യത പ്രവചിക്കുന്നുണ്ട്. മേഘാവൃതമായ കാലാവസ്ഥ തുടരുമെന്നും അധികൃതർ അറിയിച്ചു.തീരപ്രദേശങ്ങളിലും ഉൾപ്രദേശങ്ങളിലും മഴ ലഭിക്കും.യാത്രക്കാർ കാലാവസ്ഥ മുന്നറിയിപ്പ് പാലിക്കണമെന്നും ജാഗ്രത പാലിക്കണമെന്നും മുന്നറിയിപ്പുണ്ട്.

യുഎഇിയിൽ വിപണിയിൽ സ്വർണവില ചരിത്രത്തിലെ തന്നെ ഏറ്റവും ഉയർന്ന നിരക്കിലെത്തി.22 കാരറ്റ് സ്വർണം ഒരു ഗ്രാം ലഭിക്കാൻ 400 ദിർഹം 25 ഫിൽസ് കൊടുക്കണം.22 കാരറ്റ് സ്വർണം ആദ്യാമായ് 400 ദിർഹം കടക്കുന്നത് എന്നതാണ് ഏറ്റവും വലിയ പ്രത്യേകത.24 കാരറ്റ് സ്വർണം ഗ്രാമിന് കഴിഞ്ഞ ദിവസത്തെ വിലനിലവാരം അനുസരിച്ച് 6 ദിർഹംസ് 75 ഫിൽസിന്റെ വർധനയാണ് ഉണ്ടായത്.

അന്താരാഷ്ട്ര വിപണിയിലും സ്വർണനിരക്കിൽ വലിയ കുതിപ്പാണ് ഉണ്ടായത്.നിക്ഷേപകരെ സംബന്ധിച്ച് പെട്ടെന്നുണ്ടായ ഇൗ കുതിപ്പ് വലിയ ആശ്വാസം ആവുകയാണ്.ജനുവരിയെ അപേക്ഷിച്ച് സെപ്റ്റംബർ ആകുമ്പോഴേക്ക് 30 ശതമാനത്തോളം വില കൂടി എന്നാണ് കണക്കാക്കുന്നത്. വ്യാപാരികൾക്കും സ്വർണവില കൂടിയത് വലിയ ലാഭമാകും.എന്നാൽ ഉപഭോക്താക്കളെ സംബന്ധിച്ച് ഇൗ ദിവസങ്ങളിലെ സ്വർണ നിരക്ക് വലിയ നിരാശയാണ്

ഹാജർ നിയമങ്ങൾ കർശനമാക്കുകയാണ് യുഎഇ.ലീവ് ലെറ്റർ നൽകാതെ ഒരുടേമിൽ അഞ്ചും വർഷത്തിൽ 15 ദിവസത്തിൽ കൂടുതലും ക്ലാസിൽ ഹാജരാകാത്ത വിദ്യാർത്ഥികൾക്ക് അടുത്ത ക്ലാസിലേക്ക് സ്ഥാനക്കയറ്റം നൽകേണ്ടതില്ലെന്നാണ് നിർദേശം.ഒരു ദിവസമാണ് ലീവ് എടുക്കുന്നതെങ്കിലും സ്കൂളിൽ രേഖാമൂലം അറിയിക്കണം.കാരണം കൂടാതെ ലീവെടുക്കുന്നത് ശ്രദ്ധയിൽപ്പെട്ടാൽ മൂന്ന് തവണ സ്കൂൾ അധികൃതർ മുന്നറിയിപ്പ് നൽകും.മുന്നറിയില്ല് ലഭിച്ചിട്ടും കാരണം ബോധിക്കാതെ ലീവ് 15 ദിവസം വരെ തുടർന്നാൽ അടുത്ത ക്ലാസിലേക്ക് സ്ഥാനക്കയറ്റം അനുവദിക്കില്ല.ഇതൊഴിവാക്കാൻ സ്കൂളിനും വിദ്യാഭ്യാസമന്ത്രാലയത്തിനും സത്യവാങ്മൂലം നൽകണം.വാരാന്ത്യ അവധികളോ പൊതു അവധികളോ കഴിഞ്ഞതിന് ശേഷമോ മുൻപോ അവധിയെടുത്താൽ രണ്ട് ദിവസത്തെ അവധി കണക്കാക്കും.മൂന്ന് ടേമുള്ള അധ്യയന വർഷത്തിലെ അനുവദനീയമായ അവധിഎന്ന പരിധി ലംഘിച്ചാൽ വിദ്യാർത്ഥികൾ അതേ ക്ലാസിൽ തുടരേണ്ടി വരും.വിവരം രേഖാമൂലം രക്ഷിതാവിനെ അറിയിക്കാം.അറിയിപ്പ് ലഭിച്ച് 5 ദിവസത്തിനകം അപ്പീൽ നൽകാൻ രക്ഷിതാക്കൾക്ക് അവസരമുണ്ട്.

സാധാരണ ലീവെടുക്കുന്ന വിദ്യാർത്ഥികൾ തലേ ദിവസം ബന്ധപ്പെട്ടവർക്ക് മെയിൽ അയയ്ക്കണം.അസുഖ സംബന്ധമായി സ്കൂളിൽ എത്താൻ സാധിക്കാതെ വന്നാൽ രാവിലെ 8.30ന് മുമ്പായി അധികൃതരെ അറിയിക്കണം.മെയിൽ അയയ്ക്കുകയും പിന്നീട് സ്കൂളിൽ ഹാജരാകുന്ന ദിവസം മെഡിക്കൽ സർട്ടിഫിക്കറ്റ് നൽകുകയും വേണം.അടുത്ത ബന്ധുക്കൾ മരിച്ചാൽ 5 ദിവസം വരെ അവധിയെടുക്കാം.കൗൺസിലിംഗ് പേരന്റ്സ് മീറ്റിംഗ് മോട്ടിവേഷണൽ പ്രോഗ്രാമുകൾ എന്നിവയ്ക്ക് ഹാജരാകാത്തതും രേഖപ്പെടുത്തും.വിദ്യാർത്ഥികൾ സ്കൂളിൽ എത്തിയില്ലെങ്കിൽ മാതാപിതാക്കൾക്ക് അറിയിപ്പ് ലഭിക്കുന്ന സംവിധാനവും ആരംഭിക്കും

പ്രാദേശികമായി ഉത്പാദിപ്പിക്കുന്ന പാചക വാതകം ഉയർന്ന വിലയിൽ വിൽപന നടത്തുന്നത് തടയുകയാണ് ലക്ഷ്യമിടുന്നത്.ഗാർഹിക മേഖലയ്ക്കായി സർക്കാർ സബ്സിഡി നൽകുന്ന പാചക വാതകം വാണിജ്യ മേഖലയിലെ ഉപഭോക്താക്കൾക്ക് അനധികൃതമായി മറിച്ച് വിൽക്കുന്നത് തടയുക കൂടി ലക്ഷ്യമിട്ടാണ് നിയന്ത്രണം ഏർപ്പെടുത്തുന്നത്.ഇതിന്റെ ഭാഗമായി കുവൈത്ത് ഒായിൽ ടാങ്കർ കമ്പനിയുമായി ഏകോപനം ആരംഭിച്ചു.ജം ഇയ്യകളിലേക്കും സെൻട്രൽ മാർക്കറ്റുകളിലേക്കും മന്ത്രാലയത്തിന്റെ പരിശോധന പരിധി വ്യാപിപ്പിച്ചിട്ടുണ്ട്.കരിഞ്ചന്തകൾ തടയുന്നതിനുള്ള ശ്രമങ്ങളും ഇതിനകം തന്നെ ആരംഭിച്ചുകഴിഞ്ഞു.

പാചക വാതക സിലിണ്ടറുകളുടേയും അനുബന്ധ ഉപകരണങ്ങളുടേയും ഇറക്കുമതി, വിതരണം,എന്നിവ കുവൈത്ത് ഒായിൽ ടാങ്കർ കമ്പനി വഴി അല്ലാതെ നടത്തുന്നത് നിരോധിക്കാനുള്ള മാർഗങ്ങളും ആലോചിച്ച് വരികയാണ്.റസ്റ്ററന്റുകൾ, സെൻട്രൽ കിച്ചനുകൾ,ഹോട്ടലുകൾ,മറ്റ് വാണിജ്യ ആവശ്യങ്ങൾ എന്നിവയ്ക്കായി ഉപയോഗിക്കുന്ന ദ്രവീകൃത ഗ്യാസ് ഗ്യാസ് സിലിണ്ടറുകളും വീടുകളിലെ ആവശ്യങ്ങൾക്കായി ഉപയോഗിക്കുന്ന സിലിണ്ടറുകളും തമ്മിൽ വേർതിരിക്കപ്പെടും.വാണിജ്യ ആവശ്യങ്ങൾക്കായി ഉപയോഗിക്കുന്ന പാചക വാതക സിലിണ്ടറുകളും അളവ് 25 കിലോഗ്രാം മാത്രം ആക്കി നിജപ്പെടുത്താനും ആലോചനയുണ്ട്

ജിസിസി രാജ്യങ്ങൾ തമ്മിലുള്ള പേയ്മെന്റ് സംവിധാനങ്ങൾ തമ്മിൽ പരസ്പരം ബന്ധിപ്പിക്കുന്നതിനുള്ള കരാറിനാണ് അംഗീകാരം നൽകിയത്.ഇതുമായി ബന്ധപ്പെട്ട ഉത്തരവ് ഒാദ്യോഗിക ഗസറ്റിൽ പ്രസിദ്ധീകരിച്ചു.ഉത്തരവ് പ്രകാരം കുവൈത്ത് ഉൾപ്പെടെയുള്ള അതാത് ഗൾഫ് രാജ്യങ്ങളിലെ പേയ്മെന്റ് സംവിധാനം ഉപയോഗിച്ച് ഇതര ഗൾഫ് രാജ്യങ്ങളിൽ സാമ്പത്തിക ഇടപാടുകൾ നടത്താൻ സാധിക്കും.

ആഗോള സാമ്പത്തിക സംഭവ വികാസങ്ങളുടെ വെളിച്ചത്തിൽ ജിസിസി രാജ്യങ്ങളുടെ സമ്പദ് വ്യവസ്ഥയെ ശക്തിപ്പെടുത്താൻ ലക്ഷ്യമിട്ടുകൊണ്ടാണ് നടപടി.ഇതിന് പുറമേ ജിസിസി രാജ്യങ്ങൾ തമ്മിലുള്ള ബന്ധം ശക്തിപ്പെടുത്തുന്നതിനും വിവിധ മേഖലകളിൽ സഹകരണം വികസിപ്പിക്കുന്നതിനും കരാർ സഹായകരമാകുമെന്നാണ് വിലയിരുത്തപ്പെടുത്തുന്നത്.സാമ്പത്തിക ഇടപാടുകൾ എളുപ്പത്തിലും സുതാര്യതയുള്ളതും ആകുമെന്നും കണക്കാക്കുന്നു

നിലവിൽ വൈകിട്ട് അഞ്ച് മണി മുതൽ ഏഴ് മണി വരെയാണ് അബുദബി നിരത്തുകളിൽ ടോൾ നിരക്ക് ഇൗടാക്കുത്.പുതുക്കിയ രീതി അനുസരിച്ച് വൈകിട്ട് മൂ്ന്ന് മണി മുതൽ ഏഴ് മണി വരെ ടോൾ നിരക്ക് ഇൗടാക്കും എന്നാണ് അബുദബി മൊബിലിറ്റിയുടെ അറിയിപ്പ്.രാവിലെ നിരക്ക് ഇൗടാക്കുന്ന സമയക്രമത്തിൽ മാറ്റുമുണ്ടാകില്ല.പ്രതിദിനം ആകെ ഇൗടാക്കുന്ന നിരക്കിലും ഇന്ന് മുതൽ മാറ്റമുണ്ട്.നിലവിൽ എത്രതവണ ടോൾ ഗേറ്റ് കടാലും പ്രതിദിനം പതിനാറ് ദിർഹം ആണ് ഇൗടാക്കുന്നത്.എന്നാൽ പുതിയ രീതി അനുസരിച്ച് ഇന്ന് മുതൽ ഒാരോ തവണ ടോൾ ഗേറ്റ് കടക്കുമ്പോഴും നാല് ദിർഹം വീതം നിരക്ക് ഇൗടാക്കും.

ഭിന്നശേഷിക്കാർ,മുതിർ പൗരൻമാർ,വിമരമിച്ചവർ,താഴ്ന്ന വരുമാനക്കാരായ കുടുംബങ്ങൾ എന്നിവർക്കുള്ള ഇളവ് തുടരും.പ്രധാനപാതകളിൽ തിരക്കേറിയ സമയത്തെ ഗതാഗതക്കുരുക്ക് ഒഴിവാക്കുതിനാണ് പണം ഇൗടാക്കുന്ന സമയത്തിൽ മാറ്റം വരുത്തിയത് എന്നും അബുദബി മൊബിലിറ്റി അറിയിച്ചിരുന്നു