എച്ച് 1 ബി വിസയുടെ അപേക്ഷ ഫീ കുത്തനെ ഉയര്‍ത്തിയതോടെ പഠിക്കാനായി അമേരിക്കയിലേക്ക് മക്കളെ അയക്കുന്നതില്‍ ആശങ്കാകുലരാവുകയാണ് യുഎഇ യിലെ മാതാപിതാക്കള്‍. പലരും മക്കളെ അമേരിക്കയില്‍ വിട്ട് പഠിപ്പിക്കുകയെന്ന ആലോചന.ില്‍ നിന്ന് മാറി ചിന്തിക്കാന്‍ തുടങ്ങിയതായി ഈ രംഗത്തുള്ളവര്‍ ചൂണ്ടിക്കാട്ടുന്നു.

കുടിയേറ്റനിയമത്തില്‍ വരുത്തിയ മാറ്റവും എച്ച് 1 ബി വിസയുടെ അപേക്ഷഫീസ് കുത്തനെ ഉയര്ത്തിയത് തിരിച്ചടിയാകുന്നത് ടെക്കികള്‍ക്ക് മാത്രമല്ല. അമേരിക്കയില്‍ പഠിക്കാന്‍ ആഗ്രഹിക്കുന്നവരേയുമാണ്. പഠനശേഷം അമേരിക്കയിലേക്ക് കുടിയേറാന്‍ ശ്രമിക്കുന്നവര്‍ ഇതോടെ പദ്ധതി മാറ്റുന്നതിനെ കുറിച്ച് ആലോചിക്കുകയാണ്

അമേരിക്ക സുരക്ഷിത കേന്ദ്രമല്ലാതായതോടെ മറ്റ് രാജ്യങ്ങളിലേക്ക് അപേക്ഷിക്കുകയാണ് വിദ്യാര്‍ത്ഥികളിപ്പോള്‍. സ്ഥിരം രാജ്യങ്ങളായിരുന്ന കാനഡ, യുകെ, ഓസ്‌ട്രേലിയ തുടങ്ങിയ രാജ്യങ്ങളോടും ഇപ്പോള്‍ വലിയ താല്‍പര്യം കാണിക്കുന്നില്ല. പകരം നെതര്‍ലാന്റ്‌സ്, അയര്‍ലന്റ്, നെതര്‍ലാന്റ് തുടങ്ങിയ രാജ്യങ്ങളിലേക്കാണ് കൂടുതലായി ഇപ്പോള്‍ അപേക്ഷകള്‍ എത്തുന്നത്.

ദുബൈയിയെ ഏറ്റവും സുന്ദരിയായ എമിറേറ്റ് ആക്കുന്നത് ലക്ഷ്യമിട്ട് പുതിയ പദ്ധതിയുമായി ദുബൈ കിരീടാവകാശി ശൈഖ് ഹമദാന്‍ ബിന്‍ മുഹമ്മദ് ബിന്‍ റാശിദ് അല്‍ മക്തും. ലോകത്തിലെ തന്നെ മികച്ച സിവിലൈസ്ഡ് നഗരമാക്കി ദുബൈനെ മാറ്റുന്നത് ലക്ഷ്യമിട്ടാണ് നീക്കം
മുഹമ്മദ് ബിന് റാഷിദ് ലീഡര്‍ഷിപ്പ് ഫോറത്തില്‍ ദുബൈ ഭരണാധികാരിയും യുഎഇ പ്രധാനമന്ത്രിയും വൈസ് പ്രസിഡന്റുമായ ഷെയ്ഖ് മുഹ്ഹമ്മദ് ബിന്‍ റാഷിദ് അല്‍ മഖ്തും നല്‍കിയ സന്ദേശത്തെ അടിസ്ഥാനമാക്കിയാണ് പുതിയ പദ്ധതി തയ്യാറാക്കിയത്. ദുബൈയെ ലോകത്തിലെ തന്നെ ഏറ്‌റവും സുന്ദരവും സിവിലൈസ്ഡുമായ നഗരമാക്കണം എന്നായിരുന്നു അദ്ദേഹം പറഞ്ഞത്. ഇതിനായി ദുബൈ സിവിലിറ്റി കമ്മിറ്റി എന്ന പേരില്‍ പുതിയ സമിതിക്ക് ദുബൈ കിരീടാവകാശിയും ഉപപ്രധാനമന്ത്രിയുമായ ശെയ്ഖ് ഹംദാന്‍ ബിന് മുഹമ്മദ് ബിന്‍ റാഷിദ് അ മക്തും രൂപം നല്‍കി. 7 അംഗ സമിതിയെ മുഹമ്മദ് അല്‍ ഗെര്‍ഗാവി നയിക്കും.

ചലചിത്രതാരങ്ങളായ ദുല്‍ഖര്‍ സല്‍മാന്‍ പൃഥ്വിരാജ് എന്നിവരുടെ വീട്ടില്‍ കസ്റ്റംസ് റെയ്ഡ. ഭൂട്ടാനി നിന്ന് നികുതിവെട്ടിച്ച് കടത്തിയ ആഢംബരകാറുകള്‍ തേടിയായിരുന്നു ഓപറേഷന്‍ നുംഖോര്‍ എന്ന് പേരിട്ടിരിക്കുന്ന റെയ്ഡ്. റെയ്ഡിൽ ദുൽഖറിൻറെ രണ്ട് കാറുകൾ കസ്റ്റംസ് കസ്ററഡിയിലെടുത്തു. പൃഥ്വിരാജിൻറെ കാർ കണ്ടെത്താനായില്ല.

ഭൂട്ടാനിൽ നിന്ന് സൈന്യവും മറ്റും ഉപയോഗിച്ച പഴയ വാഹനങ്ങള്‍ ലേലത്തില്‍ വാങ്ങിയെന്ന് വ്യാജരേഖകളുണ്ടാക്കി അതിര്‍ത്തി കടത്തികൊണ്ടുവന്ന ആഢംബര കാറുകള്‍ തേടി കസ്റ്റംസ് നടത്തിയ ഓപറേഷനാണ് ഓപേേറഷ നുംഖോര്‍. ഭൂട്ടാനില്‍ നിന്ന് നികുതിവെട്ടിച്ച് വാഹനം ഇന്ത്യയിലെത്തിച്ച് മറിച്ചുവില്‍ക്കുന്നതായി കസ്റ്റംസ് നടത്തിയ അന്വഷണത്തില്‍ കണ്ടെത്തിയിരുന്നു. അതിര്‍ത്തി സംസ്ഥാനമായ ഹിമാചല്‍ കേന്ദ്രീകരിച്ചാണ് ഇത്തരം വാഹനങ്ങള്‍ അധികമായും രജിസ്റ്റര്‍ ചെയ്തിരിക്കുന്നത്. കേരളത്തില്‍ മാതരം 200 ഓളം കാറുകളാണ് ഇങ്ങനെ എത്തിയത്. ഇത്തരം കാറുകള്‍ വാങ്ങിയവരുടെ കൂട്ടത്തില്‍ നടമാരായ ദുല്‍ഖര്‍ സല്‍മാന്‍, പൃഥ്വിരാജ് എന്നിവരും ബിസിനസുകാരും ഉള്‍പ്പെ്ട്ടതായി കണ്ടെത്തിയതിന്റെ അടിസ്ഥാനത്തിലാണ് അവരുടെ വീടുകളില്‍ റെയ്ഡ് നടത്തിയത്. ഭൂട്ടാനില്‍ നിന്ന് സാധനങ്ങള്‍ കൊണ്ടുവരുന്നതിന് ചില നികുതി ഇളവുകള്‍ ഇന്ത്യ നല്‍കിയിട്ടുണ്ട്. പഴയ വാഹനങ്ങള്‍ക്ക് നികുതിയില്ലാതെ കൊണ്ടുവരാമെന്നതാണ് അതിലൊന്ന്. എന്നാല്‍ അതിന്റെ മറവില്‍ ഭൂട്ടാന്‍ വഴി പുതിയ ആഢംബര വാഹനങ്ങള്‍ കടത്തി കൊണ്ടുവരുന്നത് ഇന്ത്യയുടെ സമ്പത്ത് വ്യവസ്ഥയ്ക്ക് തന്നെ ദോഷകരമായി ബാധിക്കുന്നുണ്ട്

യുകെയ്ക്കും കാനഡയ്ക്കും പിന്നാലെ പലസ്തീനിനെ സ്വതന്ത്ര രാഷ്ട്രമായി പ്രഖ്യാപിച്ച് ഫ്രാന്‍സ് ഉള്‍പ്പെടെ ആറ് രാജ്യങ്ങള്‍ കൂടി രംഗത്ത്. ന്യൂയോര്‍ക്കില്‍വെച്ച് നടക്കുന്ന യുഎന്‍ പൊതു സഭയ്ക്കിടെയിലെ ഉന്നത തല ഉച്ചകോടിയിലാണ് പലസ്തീനിനെ സ്വതന്ത്ര രാഷ്ട്രമായി പ്രഖ്യാപിച്ചത്.

ഉചിതമായ സമയം വന്നതോടെയാണ് നമ്മള്‍ ഇപ്പോള്‍ ഇവിടെ കൂടിയിരിക്കുന്നതെന്ന് ഇമ്മാനുവല്‍ മാക്രോണ്‍ പറഞ്ഞു. ഫ്രാന്‍സ് പല്സതീനെ ഒരു സ്വതന്ത്രരാഷ്ട്രമായി അംഗീകരിക്കുന്നതായി പ്രഖ്യാപിക്കുന്നുവെന്നും മാക്രോണ്‍ പറഞ്ഞു.ഫ്രാന്‍സിന് പുറമെ, അന്‍ഡോറ, ബെല്‍ജിയം, ലക്സംബര്‍ഗ്, മാള്‍ട്ട, മൊണാകോ എന്നീ രാജ്യങ്ങളാണ് പലസ്തീനെ സ്വതന്ത്ര രാഷ്ട്രമായി അംഗീകരിച്ചത്.
നേരത്തെ ഓസ്ട്രേലിയ, കാനഡ, പോര്‍ച്ചുഗല്‍, യുകെ തുടങ്ങിയ രാജ്യങ്ങള്‍ പലസ്തീനെ രാഷ്ട്രമായി ഔദ്യോഗികമായി പ്രഖ്യാപിച്ചിരുന്നു. യുഎസ് പ്രസിഡന്റിന്റെ രണ്ട് ദിവസത്തെ യുകെ സന്ദര്‍ശനം പുരോഗമിക്കുന്നതിനിടെയായിരുന്നു പലസ്തീനെ സ്വതന്ത്ര രാഷ്ട്രമായി അംഗീകരിക്കാനൊരുങ്ങുകയാണെന്ന വാര്‍ത്ത പുറത്തുവന്നത്. പിന്നാലെ ഇത് ‘ഭീകരതയ്ക്കുള്ള പ്രതിഫലം’ ആണെന്ന പ്രസ്താവനയുമായി ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹു രംഗത്തെത്തി. എന്നാല്‍ ദീര്‍ഘകാല സമാധാന കരാറുണ്ടാക്കാനായി പ്രവര്‍ത്തിക്കേണ്ട ധാര്‍മിക ഉത്തരവാദിത്തം തങ്ങള്‍ക്കുണ്ടെന്ന് യുകെ മന്ത്രിമാര്‍ വ്യക്തമാക്കി.പലസ്തീനെ സ്വതന്ത്ര രാഷ്ട്രമായി അംഗീകരിക്കണമെന്ന ആവശ്യത്തില്‍ വിയോജിപ്പുണ്ടെന്ന് പറഞ്ഞുകൊണ്ട് യുഎസ് പ്രസിഡന്റ് ഡൊണാള്‍ഡ് ട്രംപും രംഗത്തെത്തിയിരുന്നു. ബ്രിട്ടണില്‍ കെയര്‍ സ്റ്റാര്‍മറുമായുള്ള സംയുക്ത വാര്‍ത്താ സമ്മേളനത്തിനിടെയായിരുന്നു ട്രംപ് തുറന്നടിച്ചത്.80 ശതമാനം അന്താരാഷ്ട്ര സമൂഹവും പലസ്തീനിനെ സ്വതന്ത്ര രാഷ്ട്രമാക്കുന്നതിനെ പിന്തുണയ്ക്കുന്നു. ഐക്യരാഷ്ട്ര സഭയിലെ അംഗങ്ങളായ 193 രാജ്യങ്ങളില്‍ 147 രാജ്യങ്ങളും ഏപ്രിലില്‍ തന്നെ പലസ്തീനിനെ സ്വതന്ത്ര രാഷ്ട്രമായി അംഗീകരിച്ചിരുന്നു. സ്പെയിന്‍, നോര്‍വേ, ഐര്‍ലന്‍ഡ് എന്നീ രാജ്യങ്ഹള്‍ കഴിഞ്ഞ വര്‍ഷം തന്നെ പലസ്തീനിനെ രാജ്യമായി അംഗീകരിച്ചിരുന്നു.

ഫുട്‌ബോള്‍ ലോകത്തെ ഈ വര്‍ഷത്തെ മികച്ച താരത്തിനുള്ള ബാലണ്‍ ദ്യോര്‍ പുരസ്‌കാരം പി എസ് ജി താരം ഒസ്മാന്‍ ഡെംബലെയ്ക്ക്. ബാഴ്സലോണയുടെ യുവ താരം ലാമിന്‍ യമാലിനെ പിന്തള്ളിയാണ് ഫ്രഞ്ച് സ്ട്രൈക്കര്‍ ഡെംബലെ പുരസ്‌കാരത്തില്‍ മുത്തമിട്ടത്

ഫ്രഞ്ച് ക്ലബ്ബ് പിഎസ്ജിക്കായി കാഴ്ചവെച്ച മികച്ച പ്രകടനമാണ് ഡെംബലെയെ ലോകത്തെ മികച്ച പുരുഷ ഫുട്‌ബോള്‍ താരത്തിനുള്ള ബാലണ്‍ദ്യോര്‍ പുരസ്‌കാരത്തിനര്‍ഹനാക്കിയത്. ഡെംബലെയുടെ ആദ്യ ബാലണ്‍ദ്യോര്‍ പുരസ്‌കാരനേട്ടമാണിത്. ഫ്രഞ്ച് മാസികയായ ഫ്രാന്‍സ് ഫുട്ബോള്‍ ഏര്‍പ്പെടുത്തിയ പുരസ്‌കാരം തിങ്കളാഴ്ച രാത്രി പാരീസിലാണ് പ്രഖ്യാപിച്ചത്. സാധ്യത കല്‍പ്പിക്കപ്പെട്ടിരുന്ന ബാഴ്‌സലോണയുടെ കൗമാര താരം ലാമിന്‍ യമാലിനെ മറികടന്നാണ് ഡെംബലെ പുരസ്‌കാരം നേടിയത്.

കഴിഞ്ഞവര്‍ഷം ഫ്രഞ്ച് ക്ലബ്ബ് പിഎസ്ജിക്കായി മിന്നും പ്രകടനമാണ് ഉസ്മാനെ ഡെംബലെ കാഴ്ചവെച്ചത്. പിഎസ്ജിക്കായി 33 ഗോളുകളും 15 അസിസ്റ്റുകളും ഡെംബലെ നേടി. പിഎസ്ജി ചാമ്പ്യന്‍സ് ലീഗ് കിരീടം നേടുന്നതില്‍ നിര്‍ണായകമായിരുന്നു ഡെംബലെയുടെ പ്രകടനം. ചരിത്രത്തില്‍ ആദ്യമായാണ് പിഎസ്ജി ചാമ്പ്യന്‍സ് ലീഗില്‍ മുത്തമിടുന്നത്. ഇതിന് പുറമേ ഫ്രഞ്ച് ലീഗും ഫ്രഞ്ച് കപ്പും പിഎസ്ജി സ്വന്തമാക്കിയിരുന്നു.

മികച്ച വനിത താരത്തിനുള്ള പുരസ്‌കാരം സ്പാനിഷ് താരമായ ഐറ്റാന ബോന്‍മാറ്റി സ്വന്തമാക്കി. തുടര്‍ച്ചയായി മൂന്നാം തവണയാണ് ഐറ്റാന ബാലണ്‍ദ്യോര്‍ സ്വന്തമാക്കുന്നത്. വിക്കി ലോപസാണ് മികച്ച വനിത യുവ താരം. സ്‌പെയിനിന്റെ ലാമിന്‍ യമാല്‍ തുടര്‍ച്ചയായ രണ്ടാം തവണയും മികച്ച പുരുഷ യുവ താരമായി. മികച്ച കോച്ചായി പിഎസ്ജിയുടെ ലൂയി എന്റിക്കെ തിരഞ്ഞെടുക്കപ്പെട്ടു. മികച്ച വനിതാ പരിശീലകയ്ക്കുള്ള യൊഹാന്‍ ക്രൈഫ് അവാര്‍ഡ് ഇംഗ്ലണ്ട് വനിതാ ടീം കോച്ച് സറിന വീഗ്മന്‍ നേടി.

യുവ വ്യവസായികളെ പരിശീലിപ്പിക്കാനായി പ്രത്യേക പദ്ധതിക്ക് തുടക്കമിട്ട് യുഎഇ. എമിറേറ്റസ് ദ സ്റ്റാര്‍ട്ടപ്പ് ക്യാമ്പെയിന്‍ എന്നാണ് പദ്ധതിക്ക് നല്‍കിയിരിക്കുന്ന പേര്.

ദുബൈ ഭരണാധികാരിയും യുഎഇ പ്രധാനമന്ത്രിയുമായ ശെയ്ഖ് മുഹമ്മദ് ബിന്‍ റാഷിദ് അല്‍ മക്തും ആണ് പദ്ധതി പ്രഖ്യാപിച്ചത്. പതിനായിരം യുവ വ്യവസായികളെ പരിശീലിപ്പിക്കാനാണ് പദ്ധതി കൊണ്ട് ലക്ഷ്യമിടുന്നത്. 5 വര്‍ഷത്തിനുള്ളില്‍ പൊതു സ്വകാര്യ മേഖലകളിലെ 50 വ്യത്യസ്ഥരംഗങ്ങളിലായാണ് പരിശീലനം നല്‍കുക. ഇഉതിലൂടെ 30000 തൊഴിലവസരങ്ങള്‍ സൃഷ്ടിക്കാനാണ് ലക്ഷ്യം. ന്യു എക്കണോമി അക്കാദമിയുമായി സഹകരിച്ചുള്ള സ്റ്റാര്‍ട്ടപ്പ് എമിറേറ്റ്‌സ് എന്ന പേരിലുള്ള പുതിയ പ്ലാറ്റ്‌ഫോമിലൂടെ സൌജന്യ മെന്റര്‍ഷിപ്പ് പ്രോഗ്രാമുകള്‍ നടപ്പാക്കും. പദ്ധതി പതിനായിരം എമിറേറ്റി പുരുഷന്‍മാര്ര്‍ക്കും സ്ത്രീകള്‍ക്കും ഇതിന്റഎ ഗുണം ലഭിക്കു.