രണ്ട് ദിവസത്തെ ഔദ്യോഗികസന്ദര്‍ശനത്തിനായി പ്രധാനമന്ത്രി നരേന്ദ്രമോദി ഈ മാസം സൗദി അറേബ്യയില്‍ എത്തും. ഈ മാസം ഇരുപത്തിരണ്ട് ഇരുപത്തിമൂന്ന് തീയതികളിലായിരിക്കും സന്ദര്‍ശനം.
രണ്ട് ദിവസത്തെ ഔദ്യോഗിക സന്ദര്‍ശനത്തിനായി ജിദ്ദയില്‍ ആയിരിക്കും പ്രധാനമന്ത്രി നരേന്ദ്രമോദി വിമാനമിറങ്ങുക.ജിദ്ദയില്‍ സൗദി ഭരണാധികാരിയുടെ കൊട്ടാരത്തില്‍ സല്‍മാന്‍ രാജാവുമായി ഔദ്യോഗിക കൂടിക്കാഴ്ച നടത്തും.സൗദി കിരീടവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരനുമായി മോദി കൂടക്കാഴ്ച നടത്തും.ഇരുരാജ്യങ്ങളും തമ്മിലുള്ള ഉഭയകക്ഷി ബന്ധം കൂടുതല്‍ ശക്തിപ്പെടുത്തുക എന്നതാണ് പ്രധാനമന്ത്രിയുടെ സന്ദര്‍ശനലക്ഷ്യം.
വ്യാപാരം,നിക്ഷേപം,ഊര്‍ജ്ജം,പ്രതിരോധം,സുരക്ഷ തുടങ്ങിയ മേഖലകളിലെ പങ്കാളിത്തം വര്‍ദ്ധിപ്പിക്കുന്നത് സംബന്ധിച്ചായിരിക്കും ചര്‍ച്ചകള്‍.സൗദി കിരീടവകാശി മുഹമ്മദ് ബിന്‍ സല്‍മാന്‍ രാജകുമാരന്‍ 2023 സെപ്റ്റംബറില്‍ ഇന്ത്യ സന്ദര്‍ശിച്ചിരുന്നു.കഴിഞ്ഞ നവംബറില്‍ സൗദി വിദേശകാര്യമന്ത്രി ഫൈസല്‍ ബിന്‍ ഫര്‍ഹാന്‍ രാജകുമാരനും ദില്ലിയില്‍ എത്തി.കഴിഞ്ഞ ഏതാനും വര്‍ഷങ്ങളായി ഇന്ത്യ സൗദി ബന്ധം കൂടുതല്‍ ശക്തിപ്പെടുകയാണ്.ഇതിന്‍ മുന്‍പ് 2019-ല്‍ ആണ് ആണ് നരേന്ദ്രമോദി സൗദി സന്ദര്‍ശിച്ചത്.
