ഷാര്‍ജയില്‍ സൗജന്യ പാര്ക്കിംഗ് പ്രഖ്യാപിച്ച് മുനിസിപ്പാലിറ്റി. ബലിപെരുന്നാള്‍ അവധി ദിനങ്ങളുടെ ഭാഗമായാണ് പാര്‍ക്കിംഗഹ് സൗജന്യമായി ലഭിക്കുക. ജൂണ്‍ ആറ് മുതല്‍ എട്ട് വരെ മൂന്ന് ദിവസാണ് സൗജന്യ പാര്ക്കിംഗ്.
ജൂണ്‍ ആറ്, ഏഴ്, എട്ട് തിയതികളിലാണ് ഷാര്‍ജ മുനിസിപ്പാലിറ്റി സൗജന്യ പാര്ക്കിംഗ് പ്രഖ്യാപിച്ചത്. ബലിപെരുന്നാള്‍ അവധി ദിനങ്ങളുടെ ഭാഗമായാണ് സൗജന്യ പാര്ക്കിംഗ് ലഭിക്കുക. ജൂണ്‍ ഒമ്പത് തിങ്കളാഴ്ച മുതല്‍ പാര്‍ക്കിംഗിന് പണം ഈടാക്കി തുടങ്ങും. ആഴ്ചയില്‍ പണമടച്ചുള്ള പാര്ക്കിംഗ് സോണുകളിലും നീല നിറത്തിലുള്ള പാര്ക്കിംഗ് സോണുകളിലും സൗജന്യ പാര്ക്കിംഗ് ലഭിക്കില്ല. മറ്റ് പൊതുപാര്‍ക്കിംഗുകള്‍ സൗജന്യമായിരിക്കും. പൊതു സ്ഥലങ്ങളില്‍ റോഡുകളില്‍ തടസ്സം സൃഷ്ടിച്ചും കാല്‍നടയാത്ര മുടക്കിയുമുള്ള പാര്ക്കിംഗ് നടത്തരുതെന്ന് മുനിസിപ്പാലിറ്റി ആവശ്യപ്പെട്ടു.
നിയമലംഘനം കണ്ടെത്തിയാല്‍ പിഴ ഈടാക്കും. ദുബൈയും ബലിപെരുന്നാള്‍ അവധി ദിനത്തില്‍ സൗജന്യ പാര്ക്കിംഗ് പ്രഖ്യാപിച്ചിട്ടുണ്ട്. അതേസമയം ടോളുകള്‍ നിലവിലെ രീതിയിലുള്ള നിരക്കുകള്‍ ഈടാക്കും.
