വിസ കാലാവധി കഴിഞ്ഞതിനെ തുടര്ന്ന് വിദേശത്ത് കുടുങ്ങിയ പ്രവാസികള്ക്ക് തിരികെ വരാന് ഗ്രേസ് പിരീഡ് അനുവദിച്ച് യുഎഇ. ഇതിനായി പുതിയ എന്ട്രി പെര്മിറ്റിന് അപേക്ഷിക്കേണ്ടതില്ലെന്നും ഐസിപി ഉത്തരവിറക്കി
മേഖലയിലെ പ്രത്യേക സാഹചര്യവും വ്യോമഗതാഗതത്തിലെ തടസ്സവും കാരണം വിസ കലാവധി തീര്ന്ന് വിദേശത്ത് കുടുങ്ങിയവര്ക്ക് യുഎഇയിലേക്ക് മടങ്ങാന് സമയമനുവദിച്ചാണ് ഉത്തരവ് ഇറക്കിയിരിക്കുന്നത്. ഫെഡറല് അതോറിറ്റി ഫോര് സിറ്റിസണ്ഷിപ്പ്, കസ്റ്റംസ് ആന്റ് പോര്ട്ട് സെക്യൂരിറ്റി ആണ് ഈ സുപ്രധാന ഉത്തരവ് പ്രഖ്യാപിച്ചത്. 30 ദിവസത്തെ ഗ്രേസ് പിരീഡാണ് രാജ്യത്തേക്ക് തിരികെ പ്രവേശിക്കാന് അനുവദിച്ചിരിക്കുന്നത്. ഫെബ്രുവരി 28 ന് ശേഷം വിസാ കാലവധി കഴിഞ്ഞ വിദേശത്തുള്ള താമസക്കാരുടെ വിസകാലാവധി മാര്ച്ച് 31 വരെയാണ് ഉത്തരവ് പ്രകാരം നീട്ടിയത്. വിമാനസര്വ്വീസുകളിലെ നി.ന്ത്രണങ്ങള് മൂലം രാജ്യത്തേക്ക് മടങ്ങാന് സാധിക്കാത്തവര്ക്ക് പുതിയ എന്ട്രി വിസക്ക് അപേക്ഷിക്കൊതെ തന്നെ ഈ കാലയളവില് പ്രവേശനം ഉറപ്പാക്കും. അടിയന്തരസാഹചര്യങ്ങളില് താമസക്കാരുടെ കാര്യത്തില് യുഎഇ സ്വീകരിക്കുന്ന മാനുഷിക സമീപനത്തിന്റെ ഭാഗമായാണ് ഈ നടപടിയെന്ന് അതോറിറ്റി വ്യക്തമാക്കി
വിസ കാലാവധി കഴിഞ്ഞ് വിദേശത്ത് കുടുങ്ങിയവര്ക്ക് തിരികെവരാന് ഗ്രേസ് പിരീഡ്
