ഇറാന്റെ വ്യോമമേഖലയുടെ കൂടുതല്‍ ഭാഗങ്ങള്‍ വിമാനങ്ങള്‍ക്കായി തുറന്ന് നല്‍കി ഭരണകൂടം.രാജ്യാന്തരവിമാനങ്ങള്‍ക്ക് സഞ്ചരിക്കുന്നതിന് ആണ് വ്യോമപാത തുറന്ന് നല്‍കിയത്.രാജ്യത്തിന്റെ മധ്യഭാഗത്തും പടിഞ്ഞാറന്‍ മേഖലയിലും ആണ് വ്യോമപാത ഇറാന്‍ തുറന്ന് നല്‍കിയതെന്ന് ഔദ്യോഗിക ദേശീയമാധ്യമമായ നൗര്‍ റിപ്പോര്‍ട്ട്.രാജ്യാന്തര ട്രാന്‍സിറ്റ് വിമാനങ്ങള്‍ക്കായിട്ടാണ് വ്യോമപാത തുറന്ന് നല്‍കിയിരുന്നു.ഇസ്രയേലുമായുള്ള ഏറ്റമുട്ടലിനെ തുടര്‍ന്ന് ജൂണ്‍ പതിമൂന്നിന് ആണ് ഇറാന്‍ അടച്ചത്.പിന്നിട് വെടിനിര്‍ത്തല്‍ പ്രാബല്യത്തില്‍ വന്നതിനെ തുടര്‍ന്ന് കഴിഞ്ഞ ബുധനാഴ്ച രാത്രം വ്യോമമേഖല ഭാഗികമായി തുറന്നിരുന്നു.എന്നാല്‍ കിഴക്കന്‍ വ്യോമമേഖല മാത്രമാണ് വിമാനങ്ങള്‍ക്ക് തുറന്ന് നല്‍കിയത്.
ആഭ്യന്തരവിമാനങ്ങള്‍ക്ക് ഒപ്പം രാജ്യാന്തരവിമാനങ്ങള്‍ക്കും കിഴക്കന്‍ വ്യോമമേഖല ഉപയോഗിക്കുന്നതിന് അനുമതി നല്‍കിയിരുന്നു.ഏഷ്യയ്ക്കും യൂറോപ്പിനും ഇടയിലുള്ള യാത്രയ്ക്ക് നിരവധി വിമാനങ്ങളാണ് ഇറാന്റെ വ്യോമപാത ഉപയോഗിക്കുന്നത്.അതെസമയം ഇസ്രയേല്‍ ആക്രമണത്തില്‍ കൊല്ലപ്പെട്ട ഉന്നത സൈനിക ഉദ്യോഗ്‌സഥരുടെയും ആണവശാസ്ത്രജ്ഞരുടെയും സംസ്‌കാരം ഇന്ന് നടന്നു.അറുപത് പേരുടെ സംസ്‌കാരചടങ്ങുകളാണ് വന്‍ ജനാവലിയുടെ സാന്നിധ്യത്തില്‍ നടന്നത്. ലക്ഷക്കണക്കിന് പേര്‍ക്ക ആദരവര്‍പ്പിക്കാന്‍ എത്തിയെന്നാണ് ഇറാനിയന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
