ഇറാന്-ഇസ്രയേല്‍ ആക്രമണത്തിന്റെ പശ്ചാത്തില്‍ വിമാനസര്‍വീസ് റദ്ദാക്കല്‍ തുടരുകരയാണ്.വിവിധ ഇടങ്ങളിലേക്കുള്ള സര്‍വീസുകള്‍ റദ്ദാക്കിയത് തുടരും എന്ന് യുഎഇ എയര്‍ലൈനുകള്‍ അറിയിച്ചു.
ഇറാഖ്,ജോര്‍ദ്ദാന്‍,ലബനന്‍,ഇസ്രയേല്‍,ഇറാന് തുടങ്ങിയ ഇടങ്ങളിലേക്കാണുള്ള വിമാനസര്‍വീസുകള്‍ ആണ് പ്രധാനമായും റദ്ദാക്കപ്പെട്ടത്.ജോര്‍ജ്ജാനിലേക്കും ലബനനിലേക്കുമുള്ള സര്‍വീസുകള്‍ ഈ മാസം ഇരുപത്തിരണ്ട് വരെ റദ്ദാക്കിയതായി എമിറേറ്റ്‌സ് അറിയിച്ചു. ഇറാനിലെ ടെഹ്‌റാന്‍,ഇറാഖിലെ ബാഗ്ദാദ്,ബസ്ര എന്നിവിടങ്ങളിലേക്കുള്ള സര്‍വീസുകള്‍ മെയ് മുപ്പത് വരെയും എമിറേറ്റസ് റദ്ദാക്കി.ഇത്തിഹാദ്,ഫ്‌ളൈദുബൈ, വിസ് എയര്‍ അബുദബി,എയര്‍അറേബ്യ എന്നിവ വിവിധയിടങ്ങളിലേക്കുള്ള സര്‍വീസുകള്‍ റദ്ദാക്കിയിട്ടുണ്ട്.
ഇത്തിഹാദ് ടെല്‍അവീവിലേക്കുള്ള സര്‍വീസ് നാളെ വരെയാണ് റദ്ദാക്കിയിരിക്കുന്നത്്്.ഫ്‌ളൈ ദുബൈ ഇറാന്,ഇറാഖ്,ഇസ്രയേല്‍,ജോര്‍ദ്ദാന്‍,ലബനന്‍ സിറിയ എന്നിവടങ്ങളിലേക്കുള്ള സര്‍വീസുകള്‍ നാളെ വരെയും റദ്ദാക്കി.പത്ത് രാജ്യങ്ങളിലേക്കുള്ള സര്‍വീസുകള്‍ എയര്‍അറേബ്യയും റദ്ദാക്കി.ഇന്നും നാളെയും വിമാനസര്‍വീസുകള്‍ റദ്ദാകലും വൈകലും തുടരും എന്ന് അബുദബി സായിദ് വിമാനത്താവളം അറിയിച്ചു.
