പതിനാല് ദിവസം നീണ്ട ബഹിരാകാശ ദൗത്യത്തിനായി ആക്‌സിയം ഫോര്‍ വിക്ഷേപിച്ചു. ഇന്ത്യക്കനാരനായ ശുഭാംശു ശുക്ല ഉള്‍പ്പെടെ നാല് പേരാണ് ദൗത്യ സംഘത്തിലുള്ളത്. രാജ്യാന്തര ബഹിരാകാശ നിലയത്തിലേക്ക് പോകുന്ന ആദ്യ ഇന്ത്യക്കാരനാണ് ശുഭാംശു ശുക്ല. പേടകം നാളെ വൈകിട്ട് ബഹിരാകാശ നിലയത്തിലെത്തും.ഫ്‌ലോറിഡയിലെ കെന്നഡി സ്‌പേസ് സെന്‌ററില്‍ നിന്ന ഇന്ത്യന്‍ സമയം ഉച്ചയ്ക്ക് 12.01നായിരുന്നു വിക്ഷേപണം. ഇന്ത്യക്കാരനായ ബഹിരാകാശ യാത്രികന്‍ ശുഭാന്‍ശു ശുക്‌ളയാണ് പൈലറ്റ്. നാസയുടെ മുന്‍ ബഹിരാകാശ സഞ്ചാരിയും ആക്‌സിയം സ്‌പേസിന്‌റെ ഹ്യൂമന്‍ സ്‌പേസ് ഫ്‌ളൈറ്റ് ഡിറക്ടറുമായി പെഗ്ഗി വിറ്റ്‌സണാണ് ദൗത്യത്തിന് നേതൃത്വം നല്‍കുന്നത്. രാജ്യാന്തര ബഹിരാകാശ നിലയത്തിലേക്ക് പോകുന്ന ആദ്യ ഇന്ത്യക്കാരനും ശുഭാന്‍ശു ശുക്ലയാണ്. ഇന്ത്യയുടെ ഗഗന്‍യാന്‍ ദൗത്യത്തിന്‌റെ കമാന്‍ഡറായിരുന്നു ശുഭാംശു ശുക്ല.
വിക്ഷേപണത്തിനുള്ള എല്ലാ സംവിധാനങ്ങളും സജ്ജമാണെന്നും കാലാവസ്ഥ അനുകൂലമാണെന്നും സ്‌പേസ് എക്‌സ് രാവിലെ അറിയിച്ചിരുന്നു. പുതുതായി വികസിപ്പിച്ചെടുത്ത സ്‌പേസ് എക്‌സ് ഡ്രാഗണ്‍ ബഹിരാകാശ പേടകത്തിലാണ് യാത്ര. ഫാല്‍ക്കണ്‍ 9 റോക്കറ്റിന് മുകളിലാണ് പേടകം ഘടിപ്പിച്ചിരിക്കുന്നത്. ശുഭാന്‍ശു ശുക്ല അടക്കം നാല് പേരാണ് സഞ്ചാരികള്‍. 14 ദിവസം ബഹിരാകാശ നിലയത്തില്‍ തങ്ങുമെന്നാണ് റിപ്പോര്‍ട്ട്. 60 ശാസ്ത്രീയ ഗവേഷണങ്ങള്‍ നടത്തുകയാണ് ലക്ഷ്യം. ഗവേഷണങ്ങളില്‍ 31 രാജ്യങ്ങള്‍ സഹായിക്കും. മോശം കാലാവസ്ഥ, സാങ്കേതിക തകരാര്‍ അങ്ങനെ വിവിധ കാരണങ്ങളെ തുടര്‍ന്ന് പലതവണ മാറ്റിവച്ച ദൗത്യമാണ് വിജയകരമായി ഇന്നുച്ചയ്ക്ക് പറന്നുയര്‍ന്നത്.
