ലബനനില്‍ കര-വ്യോമ ആക്രമണം കടുപ്പിച്ച് ഇസ്രയേല്‍ സൈന്യം.ബെയ്‌റൂത്തില്‍ ഇന്നലെ രാത്രി മാത്രം ആറ് പേര്‍ കൊല്ലപ്പെട്ടു.ഹിസ്ബുള്ളയുമായുള്ള ഏറ്റമുട്ടലില്‍ എട്ട് ഇസ്രയേല്‍ സൈനികരും കൊല്ലപ്പെട്ടു.
തെക്കന്‍ ലബനനിലും കഴിക്കന്‍ ലബനനിലും തലസ്ഥാനമായ ബെയ്‌റൂത്ത് അടക്കമുള്ള പ്രദേശങ്ങളിലും ഇസ്രയേല്‍ സൈന്യം വ്യോമാക്രമണം തുടരുകയാണ്. നിരവധി കെട്ടിടങ്ങള്‍ ആണ് ലബനനില്‍ ഇസ്രയേല്‍ ആക്രമണങ്ങളില്‍ തകര്‍ക്കപ്പെടുന്നത്. മധ്യലബനനില്‍ ഇസ്രയേല്‍ നടത്തിയ ആക്രമണത്തില്‍ ആണ് ആറ് പേര്‍ കൊല്ലപ്പെട്ടത്. ലബനന്‍ പാര്‍ലമെന്റിന് സമീപത്തും ഇസ്രയേല്‍ ആക്രമണം നടന്നു.തെക്കന്‍ ലബനനില്‍ കരയുദ്ധവും തുടരുകയാണ് ഇസ്രയേല്‍ സൈന്യം. തെക്കന്‍ ലബനനിലെ ഗ്രാമങ്ങളില്‍ ഇസ്രയേല്‍ സൈന്യവുമായി ഹിസ്ബുള്ളയും രൂക്ഷമായ ഏറ്റുമുട്ടല്‍ നടത്തുന്നുണ്ട്.ഇവിടെയാണ് എട്ട് ഇസ്രയേല്‍ സൈനികര്‍ ഹിസ്ബുള്ളയുടെ ആക്രണണത്തില്‍ കൊല്ലപ്പെട്ടത്.
മധ്യപൂര്‍വ്വദേശത്ത് നടക്കുന്നത് വംശഹത്യ ആണെന്നും വെടിനിര്‍ത്തല്‍ നടപ്പാക്കുന്നതിന് ഗൗരവതരമായ ശ്രമങ്ങള്‍ വേണമെന്നും ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍ താനി ആവശ്യപ്പെട്ടു. സ്വതന്ത്രപലസ്തീന്‍ രാഷ്ട്രം സ്ഥാപിക്കാതെ മേഖലയില്‍ സമാധാനം സ്ഥാപിക്കാന്‍ കഴിയില്ലെന്നും ഖത്തര്‍ അമീര്‍ പറഞ്ഞു.
