ഇന്ത്യയില്‍ ഏഴ് കോവിഡ് മരണങ്ങള്‍ കൂടി.മഹാരാഷ്ട്രയില്‍ ആണ് കൂടുതല്‍ മരണങ്ങള്‍.രാജ്യത്ത് 276 പേര്‍ക്ക് കൂടി കോവിഡ് ബാധ സ്ഥിരീകരിച്ചു.മഹാരാഷ്ട്രയില്‍ നാലും ദില്ലി ഗോവ തമിഴ് നാട് എന്നിവിടങ്ങളില്‍ ഓരോ മരണങ്ങളും ആണ് ഇന്ന് സ്ഥിരീകരിച്ചിരിക്കുന്നത്.4302 ആക്ടീവ് കോവിഡ് കേസുകള്‍ ആണ് നിലവില്‍ ഇന്ത്യയില്‍ ഉള്ളത്.ആക്ടീവ് കേസുകളില്‍ കേരളം ആണ് ഒന്നാം സ്ഥാനത്ത.1373 കേസുകളാണ് സംസ്ഥാനത്ത് ഉള്ളത്.
ഇരുപത്തിനാല് മണിക്കൂറുകള്‍ക്കിടയില്‍ നാല്‍പ്പത്തിമൂന്ന് പേര്‍ക്കാണ് കേരളത്തില്‍ രോഗബാധ സ്ഥിരീകരിച്ചിരിക്കുന്നത്.പുതിയ കേസുകളുടെ എണ്ണത്തില്‍ ദില്ലിയും ഗുജറാത്തും ആണ് മുന്നില്‍.രണ്ടിടത്തും അറുപത്തിനാല് പുതിയ കേസുകള്‍ വീതം ആണ് സ്ഥിരീകരിച്ചിരിക്കുന്നത്.ഉത്തര്‍പ്രദേശില്‍ അറുപത്തിമൂന്ന് പേര്‍ക്കും പശ്ചിമബംഗാളില്‍ അറുപത് പേര്‍ക്കും രോഗബാധ സ്ഥിരീകരിച്ചു.കോവിഡ് കേസുകള്‍ കൂടുന്ന സാഹചര്യത്തില്‍ കേരളത്തില്‍ സൂക്ഷമനിരീക്ഷണം ശക്തമാക്കി.പ്രായമായര്‍,പ്രമേഹ രോഗികള്‍,അമിതരക്ത സമ്മര്‍ദ്ദം ഉള്ളവര്‍,ആസ്തമ രോഗികള്‍ എന്നിവര്‍ ജാഗ്രത പാലിക്കണം എന്നാണ് നിര്‍ദ്ദേശം.
