യുഎഇയുടെ മൊത്ത ആഭ്യന്തര ഉത്പാദനത്തില്‍ നാല് ശതമാനത്തിന്റെ വളര്‍ച്ച.എണ്ണേതര മേഖലയില്‍ നിന്നുള്ള സംഭവാനയാണ് സമ്പദ്ഘടനയ്ക്ക് കരുത്താകുന്നത്.2024-ല്‍ നാല് ശതമാനം ഉയര്‍ന്ന് 1.776 ട്രില്യണ്‍ ദിര്‍ഹമായിട്ടാണ് യുഎഇയുടെ ജിഡിപി വളര്‍ച്ച.മൊത്തം ആഭ്യന്തര ഉത്പാദനത്തിന്റെ 75.5 ശതമാനവും എണ്ണേതര മേഖലയില്‍ നിന്നാണെന്ന് ഫെഡറല്‍ സാമ്പത്തിക മന്ത്രാലയം അറിയിച്ചു.അഞ്ച് ശതമാനം വളര്‍ച്ച രേഖപ്പെടുത്തി 1.342 ട്രില്ല്യണായിട്ടാണ് എണ്ണേതര സമ്പദ്ധഘടന വളര്‍ന്നത്.എണ്ണമേഖലയില്‍ നിന്നും 434 ബില്യണ്‍ ദിര്‍ഹം ആണ് സംഭവാന.ദേശീയസമ്പദ്‌വ്യവസ്ഥയുടെ സ്ഥിരതയെ ആണ് ഈ പ്രകടനം എടുത്തുകാട്ടുന്നതെന്ന് യുഎഇ സാമ്പത്തിക മന്ത്രി അബ്ദുള്ള ബിന്‍ തൗഖ് അല്‍ മര്‍റി പറഞ്ഞു.
എണ്ണവരുമാനത്തില്‍ നിന്നും വ്യത്യസ്തമായി വരുമാനത്തെ വൈവിധ്യവത്കരിക്കുന്നതിനുള്ള രാജ്യത്തിന്റെ നീക്കം ഫലം കൈവരിക്കുന്നുവെന്നും അബ്ദുള്ള ബിന്‍ തൗഖ് അല്‍ മര്‍റി പറഞ്ഞു.അടുത്ത ദശകത്തോടെ ജിഡിപി മൂന്ന് ട്രില്യണ്‍ ദിര്‍ഹമായി വളര്‍ത്തുകയാണഅ ലക്ഷ്യം എന്നും മന്ത്രി പറഞ്ഞു.ഗതാഗതം,സംഭരണം,നിര്‍മ്മാണം തുടങ്ങിയ മേഖലകള്‍ ശ്രദ്ധേയമായ വളര്‍ച്ചയാണ് കൈവരിച്ചത്. രാജ്യത്തെ മുഴുവന്‍ വിമാനത്താവളങ്ങളും ചേര്‍ന്ന് 147.8 ദശലക്ഷം യാത്രക്കാരെയാണ് കൈകാര്യം ചെയ്തത്.മുന്‍വര്‍ഷത്തെ അപേക്ഷിച്ച് പത്ത് ശതമാനം ആണ് വര്‍ദ്ധന.ഇതെല്ലാം ജിഡിപി വളര്‍ച്ചയ്ക്ക് സഹായകമായി
