രാജ്യത്ത് മദ്യനിരോധനം പിന്‍വലിക്കാന്‍ പോകുന്നുവെന്ന വാര്‍ത്തകള്‍ വ്യാജമെന്ന് സൗദി അറേബ്യ.അധികാരികമല്ലാത്ത വിവരങ്ങള്‍ പ്രചരിപ്പിക്കരുതെന്നും സൗദി അറേബ്യ ആവശ്യപ്പെട്ടു.സൗദി അറേബ്യ മദ്യനിരോധനം പിന്‍വലിക്കാന്‍ പോകുന്നുവെന്ന റിപ്പോര്‍ട്ട് കഴിഞ്ഞ ഏതാനും ദിവസങ്ങളായി ചില രാജ്യാന്തരമാധ്യമങ്ങളില്‍ പ്രത്യക്ഷപ്പെടുന്നുണ്ട്..2026-ഓടെ രാജ്യത്ത് അറുനൂറോളം കേന്ദ്രങ്ങളില്‍ മദ്യഷോപ്പുകള്‍ തുറക്കാന്‍ പോകുന്നുവെന്നായിരുന്നു റിപ്പോര്‍ട്ടുകള്‍.എന്നാല്‍ ഇതിന് യാഥാര്‍ത്ഥ്യവുമായി ഒരു ബന്ധവും ഇല്ലെന്നാണ് സൗദി അറേബ്യ വിശദീകരിക്കുന്നത്.73 വര്‍ഷമായി രാജ്യത്ത് തുടരുന്ന .മദ്യനിരോധനം നീക്കുന്ന കാര്യത്തില്‍ ഒരു തീരുമാനവും സൗദി ഭരണകൂടം സ്വീകരിച്ചിട്ടില്ല.
സൗദി മദ്യനിരോധനം നീക്കാന്‍ പോകുന്നുവെന്ന് ഒരു വൈന്‍ ബ്ലോഗ് ആണ് റിപ്പോര്‍ട്ട് ചെയ്തത്.സ്രോതസ് ഏതെന്ന് വ്യക്തമാക്കാത്ത ഈ റിപ്പോര്‍ട്ട് ചില രാജ്യാന്തരമാധ്യമങ്ങള്‍ ഏറ്റെടുക്കുകയായിരുന്നു.2034-ല്‍ ലോകകപ്പ് ഫുട്‌ബോളിന് സൗദി അറേബ്യ ആതിഥേയത്വം വഹിക്കാന്‍ തയ്യാറെടുക്കുന്നതിനിടെയാണ് മദ്യലഭ്യത സംബന്ധിച്ച ചര്‍ച്ചകള്‍ ഉയര്‍ന്നുവന്നത്.എന്നാല്‍ ലോകകപ്പ് ഫുട്‌ബോള്‍ സമയത്തും മദ്യലഭ്യത ഉണ്ടാവില്ല എന്ന് സൗദി അറേബ്യ വ്യക്തമാക്കിയിട്ടുണ്ട്.
